| Library / Tipiṭaka / তিপিটক • Tipiṭaka / পঞ্চপকরণ-অট্ঠকথা • Pañcapakaraṇa-aṭṭhakathā |
৫. ঠপেত্ৰা অরিযমগ্গন্তিকথাৰণ্ণনা
5. Ṭhapetvā ariyamaggantikathāvaṇṇanā
৭৮৯-৭৯০. ইদানি ঠপেত্ৰা অরিযমগ্গন্তিকথা নাম হোতি। তত্থ ‘‘যস্মা অরিযমগ্গো ‘দুক্খনিরোধগামিনিপটিপদা’তি ৰুত্তো, তস্মা ঠপেত্ৰা অরিযমগ্গং অৰসেসা সঙ্খারা দুক্খা’’তি যেসং লদ্ধি, সেয্যথাপি হেতুৰাদানং; তে সন্ধায পুচ্ছা সকৰাদিস্স, পটিঞ্ঞা ইতরস্স। অথ নং ‘‘যদি এৰং সমুদযস্সাপি দুক্খভাৰো আপজ্জতী’’তি চোদেতুং দুক্খসমুদযোপীতি আহ। ইতরো হেতুলক্খণং সন্ধায পটিক্খিপতি। পুন পুট্ঠো পৰত্তপরিযাপন্নভাৰং সন্ধায পটিজানাতি। তীণেৰাতি পঞ্হেসু সুত্তৰিরোধভযেন পটিক্খিপতি, লদ্ধিৰসেন পটিজানাতি। সেসমেত্থ উত্তানত্থমেৰাতি।
789-790. Idāni ṭhapetvā ariyamaggantikathā nāma hoti. Tattha ‘‘yasmā ariyamaggo ‘dukkhanirodhagāminipaṭipadā’ti vutto, tasmā ṭhapetvā ariyamaggaṃ avasesā saṅkhārā dukkhā’’ti yesaṃ laddhi, seyyathāpi hetuvādānaṃ; te sandhāya pucchā sakavādissa, paṭiññā itarassa. Atha naṃ ‘‘yadi evaṃ samudayassāpi dukkhabhāvo āpajjatī’’ti codetuṃ dukkhasamudayopīti āha. Itaro hetulakkhaṇaṃ sandhāya paṭikkhipati. Puna puṭṭho pavattapariyāpannabhāvaṃ sandhāya paṭijānāti. Tīṇevāti pañhesu suttavirodhabhayena paṭikkhipati, laddhivasena paṭijānāti. Sesamettha uttānatthamevāti.
ঠপেত্ৰা অরিযমগ্গন্তিকথাৰণ্ণনা।
Ṭhapetvā ariyamaggantikathāvaṇṇanā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / কথাৰত্থুপাল়ি • Kathāvatthupāḷi / (১৭০) ৫. ঠপেত্ৰা অরিযমগ্গন্তিকথা • (170) 5. Ṭhapetvā ariyamaggantikathā
