| Library / Tipiṭaka / ਤਿਪਿਟਕ • Tipiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi |
੧੭. ਸਤ੍ਤਰਸਮવਗ੍ਗੋ
17. Sattarasamavaggo
(੧੭੦) ੫. ਠਪੇਤ੍વਾ ਅਰਿਯਮਗ੍ਗਨ੍ਤਿਕਥਾ
(170) 5. Ṭhapetvā ariyamaggantikathā
੭੮੯. ਠਪੇਤ੍વਾ ਅਰਿਯਮਗ੍ਗਂ ਅવਸੇਸਾ ਸਙ੍ਖਾਰਾ ਦੁਕ੍ਖਾਤਿ? ਆਮਨ੍ਤਾ। ਦੁਕ੍ਖਸਮੁਦਯੋਪਿ ਦੁਕ੍ਖੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਦੁਕ੍ਖਸਮੁਦਯੋਪਿ ਦੁਕ੍ਖੋਤਿ? ਆਮਨ੍ਤਾ। ਤੀਣੇવ ਅਰਿਯਸਚ੍ਚਾਨੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਤੀਣੇવ ਅਰਿਯਸਚ੍ਚਾਨੀਤਿ? ਆਮਨ੍ਤਾ। ਨਨੁ ਚਤ੍ਤਾਰਿ ਅਰਿਯਸਚ੍ਚਾਨਿ વੁਤ੍ਤਾਨਿ ਭਗવਤਾ – ਦੁਕ੍ਖਂ, ਦੁਕ੍ਖਸਮੁਦਯੋ, ਦੁਕ੍ਖਨਿਰੋਧੋ, ਦੁਕ੍ਖਨਿਰੋਧਗਾਮਿਨੀ ਪਟਿਪਦਾਤਿ? ਆਮਨ੍ਤਾ। ਹਞ੍ਚਿ ਚਤ੍ਤਾਰਿ ਅਰਿਯਸਚ੍ਚਾਨਿ વੁਤ੍ਤਾਨਿ ਭਗવਤਾ – ਦੁਕ੍ਖਂ, ਦੁਕ੍ਖਸਮੁਦਯੋ, ਦੁਕ੍ਖਨਿਰੋਧੋ, ਦੁਕ੍ਖਨਿਰੋਧਗਾਮਿਨੀ ਪਟਿਪਦਾ; ਨੋ ਚ વਤ ਰੇ વਤ੍ਤਬ੍ਬੇ – ‘‘ਤੀਣੇવ ਅਰਿਯਸਚ੍ਚਾਨੀ’’ਤਿ।
789. Ṭhapetvā ariyamaggaṃ avasesā saṅkhārā dukkhāti? Āmantā. Dukkhasamudayopi dukkhoti? Na hevaṃ vattabbe…pe… dukkhasamudayopi dukkhoti? Āmantā. Tīṇeva ariyasaccānīti? Na hevaṃ vattabbe…pe… tīṇeva ariyasaccānīti? Āmantā. Nanu cattāri ariyasaccāni vuttāni bhagavatā – dukkhaṃ, dukkhasamudayo, dukkhanirodho, dukkhanirodhagāminī paṭipadāti? Āmantā. Hañci cattāri ariyasaccāni vuttāni bhagavatā – dukkhaṃ, dukkhasamudayo, dukkhanirodho, dukkhanirodhagāminī paṭipadā; no ca vata re vattabbe – ‘‘tīṇeva ariyasaccānī’’ti.
ਦੁਕ੍ਖਸਮੁਦਯੋਪਿ ਦੁਕ੍ਖੋਤਿ? ਆਮਨ੍ਤਾ। ਕੇਨਟ੍ਠੇਨਾਤਿ? ਅਨਿਚ੍ਚਟ੍ਠੇਨ। ਅਰਿਯਮਗ੍ਗੋ ਅਨਿਚ੍ਚੋਤਿ? ਆਮਨ੍ਤਾ। ਅਰਿਯਮਗ੍ਗੋ ਦੁਕ੍ਖੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Dukkhasamudayopi dukkhoti? Āmantā. Kenaṭṭhenāti? Aniccaṭṭhena. Ariyamaggo aniccoti? Āmantā. Ariyamaggo dukkhoti? Na hevaṃ vattabbe…pe….
ਅਰਿਯਮਗ੍ਗੋ ਅਨਿਚ੍ਚੋ, ਸੋ ਚ ਨ ਦੁਕ੍ਖੋਤਿ? ਆਮਨ੍ਤਾ। ਦੁਕ੍ਖਸਮੁਦਯੋ ਅਨਿਚ੍ਚੋ, ਸੋ ਚ ਨ ਦੁਕ੍ਖੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਦੁਕ੍ਖਸਮੁਦਯੋ ਅਨਿਚ੍ਚੋ, ਸੋ ਚ ਦੁਕ੍ਖੋਤਿ? ਆਮਨ੍ਤਾ। ਅਰਿਯਮਗ੍ਗੋ ਅਨਿਚ੍ਚੋ, ਸੋ ਚ ਦੁਕ੍ਖੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Ariyamaggo anicco, so ca na dukkhoti? Āmantā. Dukkhasamudayo anicco, so ca na dukkhoti? Na hevaṃ vattabbe…pe… dukkhasamudayo anicco, so ca dukkhoti? Āmantā. Ariyamaggo anicco, so ca dukkhoti? Na hevaṃ vattabbe…pe….
੭੯੦. ਨ વਤ੍ਤਬ੍ਬਂ – ‘‘ਠਪੇਤ੍વਾ ਅਰਿਯਮਗ੍ਗਂ ਅવਸੇਸਾ ਸਙ੍ਖਾਰਾ ਦੁਕ੍ਖਾ’’ਤਿ? ਆਮਨ੍ਤਾ। ਨਨੁ ਸਾ ਦੁਕ੍ਖਨਿਰੋਧਗਾਮਿਨੀ ਪਟਿਪਦਾਤਿ? ਆਮਨ੍ਤਾ। ਹਞ੍ਚਿ ਸਾ ਦੁਕ੍ਖਨਿਰੋਧਗਾਮਿਨੀ ਪਟਿਪਦਾ, ਤੇਨ વਤ ਰੇ વਤ੍ਤਬ੍ਬੇ – ‘‘ਠਪੇਤ੍વਾ ਅਰਿਯਮਗ੍ਗਂ ਅવਸੇਸਾ ਸਙ੍ਖਾਰਾ ਦੁਕ੍ਖਾ’’ਤਿ।
790. Na vattabbaṃ – ‘‘ṭhapetvā ariyamaggaṃ avasesā saṅkhārā dukkhā’’ti? Āmantā. Nanu sā dukkhanirodhagāminī paṭipadāti? Āmantā. Hañci sā dukkhanirodhagāminī paṭipadā, tena vata re vattabbe – ‘‘ṭhapetvā ariyamaggaṃ avasesā saṅkhārā dukkhā’’ti.
ਠਪੇਤ੍વਾ ਅਰਿਯਮਗ੍ਗਨ੍ਤਿਕਥਾ ਨਿਟ੍ਠਿਤਾ।
Ṭhapetvā ariyamaggantikathā niṭṭhitā.
Related texts:
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੫. ਠਪੇਤ੍વਾ ਅਰਿਯਮਗ੍ਗਨ੍ਤਿਕਥਾવਣ੍ਣਨਾ • 5. Ṭhapetvā ariyamaggantikathāvaṇṇanā
