| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
5. таанасуд̇д̇ам̣
5. Ṭhānasuttaṃ
115. ‘‘жад̇д̇ааримаани, бхигкавз, таанаани. гад̇амаани жад̇д̇аари? ад̇т̇и, бхигкавз, таанам̣ аманаабам̣ гаад̇ум̣; д̇ан̃жа гаяирамаанам̣ анад̇т̇ааяа сам̣вад̇д̇ад̇и. ад̇т̇и, бхигкавз, таанам̣ аманаабам̣ гаад̇ум̣; д̇ан̃жа гаяирамаанам̣ ад̇т̇ааяа сам̣вад̇д̇ад̇и. ад̇т̇и, бхигкавз, таанам̣ манаабам̣ гаад̇ум̣; д̇ан̃жа гаяирамаанам̣ анад̇т̇ааяа сам̣вад̇д̇ад̇и. ад̇т̇и, бхигкавз, таанам̣ манаабам̣ гаад̇ум̣; д̇ан̃жа гаяирамаанам̣ ад̇т̇ааяа сам̣вад̇д̇ад̇и.
115. ‘‘Cattārimāni, bhikkhave, ṭhānāni. Katamāni cattāri? Atthi, bhikkhave, ṭhānaṃ amanāpaṃ kātuṃ; tañca kayiramānaṃ anatthāya saṃvattati. Atthi, bhikkhave, ṭhānaṃ amanāpaṃ kātuṃ; tañca kayiramānaṃ atthāya saṃvattati. Atthi, bhikkhave, ṭhānaṃ manāpaṃ kātuṃ; tañca kayiramānaṃ anatthāya saṃvattati. Atthi, bhikkhave, ṭhānaṃ manāpaṃ kātuṃ; tañca kayiramānaṃ atthāya saṃvattati.
‘‘д̇ад̇ра, бхигкавз, яамид̣̇ам̣ 1 таанам̣ аманаабам̣ гаад̇ум̣; д̇ан̃жа гаяирамаанам̣ анад̇т̇ааяа сам̣вад̇д̇ад̇и – ид̣̇ам̣, бхигкавз, таанам̣ убхаязнзва на гад̇д̇аб̣б̣ам̣ ман̃н̃ад̇и 2. яамбид̣̇ам̣ 3 таанам̣ аманаабам̣ гаад̇ум̣; иминааби нам̣ 4 на гад̇д̇аб̣б̣ам̣ ман̃н̃ад̇и. яамбид̣̇ам̣ таанам̣ гаяирамаанам̣ анад̇т̇ааяа сам̣вад̇д̇ад̇и; иминааби нам̣ 5 на гад̇д̇аб̣б̣ам̣ ман̃н̃ад̇и. ид̣̇ам̣, бхигкавз, таанам̣ убхаязнзва на гад̇д̇аб̣б̣ам̣ ман̃н̃ад̇и.
‘‘Tatra, bhikkhave, yamidaṃ 6 ṭhānaṃ amanāpaṃ kātuṃ; tañca kayiramānaṃ anatthāya saṃvattati – idaṃ, bhikkhave, ṭhānaṃ ubhayeneva na kattabbaṃ maññati 7. Yampidaṃ 8 ṭhānaṃ amanāpaṃ kātuṃ; imināpi naṃ 9 na kattabbaṃ maññati. Yampidaṃ ṭhānaṃ kayiramānaṃ anatthāya saṃvattati; imināpi naṃ 10 na kattabbaṃ maññati. Idaṃ, bhikkhave, ṭhānaṃ ubhayeneva na kattabbaṃ maññati.
‘‘д̇ад̇ра, бхигкавз, яамид̣̇ам̣ таанам̣ аманаабам̣ гаад̇ум̣; д̇ан̃жа гаяирамаанам̣ ад̇т̇ааяа сам̣вад̇д̇ад̇и – имасмим̣, бхигкавз, таанз б̣аало жа бан̣д̣ид̇о жа взд̣̇ид̇аб̣б̣о бурисат̇аамз бурисавийрияз бурисабараггамз. на, бхигкавз, б̣аало ид̇и бадисан̃жигкад̇и – ‘гин̃жааби ко ид̣̇ам̣ таанам̣ аманаабам̣ гаад̇ум̣; ат̇а жарахид̣̇ам̣ таанам̣ гаяирамаанам̣ ад̇т̇ааяа сам̣вад̇д̇ад̇ий’д̇и. со д̇ам̣ таанам̣ на гарод̇и. д̇асса д̇ам̣ таанам̣ агаяирамаанам̣ анад̇т̇ааяа сам̣вад̇д̇ад̇и. бан̣д̣ид̇о жа ко, бхигкавз, ид̇и бадисан̃жигкад̇и – ‘гин̃жааби ко ид̣̇ам̣ таанам̣ аманаабам̣ гаад̇ум̣; ат̇а жарахид̣̇ам̣ таанам̣ гаяирамаанам̣ ад̇т̇ааяа сам̣вад̇д̇ад̇ий’д̇и. со д̇ам̣ таанам̣ гарод̇и. д̇асса д̇ам̣ таанам̣ гаяирамаанам̣ ад̇т̇ааяа сам̣вад̇д̇ад̇и.
‘‘Tatra, bhikkhave, yamidaṃ ṭhānaṃ amanāpaṃ kātuṃ; tañca kayiramānaṃ atthāya saṃvattati – imasmiṃ, bhikkhave, ṭhāne bālo ca paṇḍito ca veditabbo purisathāme purisavīriye purisaparakkame. Na, bhikkhave, bālo iti paṭisañcikkhati – ‘kiñcāpi kho idaṃ ṭhānaṃ amanāpaṃ kātuṃ; atha carahidaṃ ṭhānaṃ kayiramānaṃ atthāya saṃvattatī’ti. So taṃ ṭhānaṃ na karoti. Tassa taṃ ṭhānaṃ akayiramānaṃ anatthāya saṃvattati. Paṇḍito ca kho, bhikkhave, iti paṭisañcikkhati – ‘kiñcāpi kho idaṃ ṭhānaṃ amanāpaṃ kātuṃ; atha carahidaṃ ṭhānaṃ kayiramānaṃ atthāya saṃvattatī’ti. So taṃ ṭhānaṃ karoti. Tassa taṃ ṭhānaṃ kayiramānaṃ atthāya saṃvattati.
‘‘д̇ад̇ра, бхигкавз, яамид̣̇ам̣ 11 таанам̣ манаабам̣ гаад̇ум̣; д̇ан̃жа гаяирамаанам̣ анад̇т̇ааяа сам̣вад̇д̇ад̇и – имасмимби, бхигкавз, таанз б̣аало жа бан̣д̣ид̇о жа взд̣̇ид̇аб̣б̣о бурисат̇аамз бурисавийрияз бурисабараггамз. на, бхигкавз, б̣аало ид̇и бадисан̃жигкад̇и – ‘гин̃жааби ко ид̣̇ам̣ таанам̣ манаабам̣ гаад̇ум̣; ат̇а жарахид̣̇ам̣ таанам̣ гаяирамаанам̣ анад̇т̇ааяа сам̣вад̇д̇ад̇ий’д̇и. со д̇ам̣ таанам̣ гарод̇и. д̇асса д̇ам̣ таанам̣ гаяирамаанам̣ анад̇т̇ааяа сам̣вад̇д̇ад̇и. бан̣д̣ид̇о жа ко, бхигкавз, ид̇и бадисан̃жигкад̇и – ‘гин̃жааби ко ид̣̇ам̣ таанам̣ манаабам̣ гаад̇ум̣; ат̇а жарахид̣̇ам̣ таанам̣ гаяирамаанам̣ анад̇т̇ааяа сам̣вад̇д̇ад̇ий’д̇и. со д̇ам̣ таанам̣ на гарод̇и. д̇асса д̇ам̣ таанам̣ агаяирамаанам̣ ад̇т̇ааяа сам̣вад̇д̇ад̇и.
‘‘Tatra, bhikkhave, yamidaṃ 12 ṭhānaṃ manāpaṃ kātuṃ; tañca kayiramānaṃ anatthāya saṃvattati – imasmimpi, bhikkhave, ṭhāne bālo ca paṇḍito ca veditabbo purisathāme purisavīriye purisaparakkame. Na, bhikkhave, bālo iti paṭisañcikkhati – ‘kiñcāpi kho idaṃ ṭhānaṃ manāpaṃ kātuṃ; atha carahidaṃ ṭhānaṃ kayiramānaṃ anatthāya saṃvattatī’ti. So taṃ ṭhānaṃ karoti. Tassa taṃ ṭhānaṃ kayiramānaṃ anatthāya saṃvattati. Paṇḍito ca kho, bhikkhave, iti paṭisañcikkhati – ‘kiñcāpi kho idaṃ ṭhānaṃ manāpaṃ kātuṃ; atha carahidaṃ ṭhānaṃ kayiramānaṃ anatthāya saṃvattatī’ti. So taṃ ṭhānaṃ na karoti. Tassa taṃ ṭhānaṃ akayiramānaṃ atthāya saṃvattati.
‘‘д̇ад̇ра, бхигкавз, яамид̣̇ам̣ таанам̣ манаабам̣ гаад̇ум̣, д̇ан̃жа гаяирамаанам̣ ад̇т̇ааяа сам̣вад̇д̇ад̇и – ид̣̇ам̣, бхигкавз, таанам̣ убхаязнзва гад̇д̇аб̣б̣ам̣ ман̃н̃ад̇и. яамбид̣̇ам̣ таанам̣ манаабам̣ гаад̇ум̣, иминааби нам̣ гад̇д̇аб̣б̣ам̣ ман̃н̃ад̇и; яамбид̣̇ам̣ таанам̣ гаяирамаанам̣ ад̇т̇ааяа сам̣вад̇д̇ад̇и, иминааби нам̣ гад̇д̇аб̣б̣ам̣ ман̃н̃ад̇и. ид̣̇ам̣, бхигкавз, таанам̣ убхаязнзва гад̇д̇аб̣б̣ам̣ ман̃н̃ад̇и. имаани ко, бхигкавз, жад̇д̇аари таанааний’’д̇и. бан̃жамам̣.
‘‘Tatra, bhikkhave, yamidaṃ ṭhānaṃ manāpaṃ kātuṃ, tañca kayiramānaṃ atthāya saṃvattati – idaṃ, bhikkhave, ṭhānaṃ ubhayeneva kattabbaṃ maññati. Yampidaṃ ṭhānaṃ manāpaṃ kātuṃ, imināpi naṃ kattabbaṃ maññati; yampidaṃ ṭhānaṃ kayiramānaṃ atthāya saṃvattati, imināpi naṃ kattabbaṃ maññati. Idaṃ, bhikkhave, ṭhānaṃ ubhayeneva kattabbaṃ maññati. Imāni kho, bhikkhave, cattāri ṭhānānī’’ti. Pañcamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 5. таанасуд̇д̇аван̣н̣анаа • 5. Ṭhānasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-7. гзсисуд̇д̇аад̣̇иван̣н̣анаа • 1-7. Kesisuttādivaṇṇanā
