| Library / Tipiṭaka / തിപിടക • Tipiṭaka / മിലിന്ദപഞ്ഹപാളി • Milindapañhapāḷi |
൨. ഥനസ്സിതദാരകങ്ഗപഞ്ഹോ
2. Thanassitadārakaṅgapañho
൨. ‘‘ഭന്തേ നാഗസേന, ‘ഥനസ്സിതദാരകസ്സ ഏകം അങ്ഗം ഗഹേതബ്ബ’ന്തി യം വദേസി, കതമം തം ഏകം അങ്ഗം ഗഹേതബ്ബ’’ന്തി ? ‘‘യഥാ, മഹാരാജ, ഥനസ്സിതദാരകോ സദത്ഥേ ലഗ്ഗതി, ഖീരത്ഥികോ രോദതി, ഏവമേവ ഖോ, മഹാരാജ, യോഗിനാ യോഗാവചരേന സദത്ഥേ ലഗ്ഗിതബ്ബം, സബ്ബത്ഥ ധമ്മഞാണേന ഭവിതബ്ബം, ഉദ്ദേസേ പരിപുച്ഛായ സമ്മപ്പയോഗേ പവിവേകേ ഗരുസംവാസേ കല്യാണമിത്തസേവനേ. ഇദം, മഹാരാജ, ഥനസ്സിതദാരകസ്സ ഏകം അങ്ഗം ഗഹേതബ്ബം. ഭാസിതമ്പേതം, മഹാരാജ, ഭഗവതാ ദേവാതിദേവേന ദീഘനികായവരേ പരിനിബ്ബാനസുത്തന്തേ –
2. ‘‘Bhante nāgasena, ‘thanassitadārakassa ekaṃ aṅgaṃ gahetabba’nti yaṃ vadesi, katamaṃ taṃ ekaṃ aṅgaṃ gahetabba’’nti ? ‘‘Yathā, mahārāja, thanassitadārako sadatthe laggati, khīratthiko rodati, evameva kho, mahārāja, yoginā yogāvacarena sadatthe laggitabbaṃ, sabbattha dhammañāṇena bhavitabbaṃ, uddese paripucchāya sammappayoge paviveke garusaṃvāse kalyāṇamittasevane. Idaṃ, mahārāja, thanassitadārakassa ekaṃ aṅgaṃ gahetabbaṃ. Bhāsitampetaṃ, mahārāja, bhagavatā devātidevena dīghanikāyavare parinibbānasuttante –
‘‘‘ഇങ്ഘം തുമ്ഹേ, ആനന്ദ, സാരത്ഥേ 1 ഘടഥ, സാരത്ഥേ അനുയുഞ്ജഥ;
‘‘‘Iṅghaṃ tumhe, ānanda, sāratthe 2 ghaṭatha, sāratthe anuyuñjatha;
സാരത്ഥേ അപ്പമത്താ ആതാപിനോ പഹിതത്താ വിഹരഥാ’’’തി.
Sāratthe appamattā ātāpino pahitattā viharathā’’’ti.
ഥനസ്സിതദാരകങ്ഗപഞ്ഹോ ദുതിയോ.
Thanassitadārakaṅgapañho dutiyo.
Footnotes:
