| Library / Tipiṭaka / တိပိဋက • Tipiṭaka / မိလိန္ဒပဉ္ဟပာဠိ • Milindapañhapāḷi |
၂. ထနသ္သိတဒာရကင္ဂပဉ္ဟော
2. Thanassitadārakaṅgapañho
၂. ‘‘ဘန္တေ နာဂသေန, ‘ထနသ္သိတဒာရကသ္သ ဧကံ အင္ဂံ ဂဟေတဗ္ဗ’န္တိ ယံ ဝဒေသိ, ကတမံ တံ ဧကံ အင္ဂံ ဂဟေတဗ္ဗ’’န္တိ ? ‘‘ယထာ, မဟာရာဇ, ထနသ္သိတဒာရကော သဒတ္ထေ လဂ္ဂတိ, ခီရတ္ထိကော ရောဒတိ, ဧဝမေဝ ခော, မဟာရာဇ, ယောဂိနာ ယောဂာဝစရေန သဒတ္ထေ လဂ္ဂိတဗ္ဗံ, သဗ္ဗတ္ထ ဓမ္မဉာဏေန ဘဝိတဗ္ဗံ, ဥဒ္ဒေသေ ပရိပုစ္ဆာယ သမ္မပ္ပယောဂေ ပဝိဝေကေ ဂရုသံဝာသေ ကလ္ယာဏမိတ္တသေဝနေ။ ဣဒံ, မဟာရာဇ, ထနသ္သိတဒာရကသ္သ ဧကံ အင္ဂံ ဂဟေတဗ္ဗံ။ ဘာသိတမ္ပေတံ, မဟာရာဇ, ဘဂဝတာ ဒေဝာတိဒေဝေန ဒီဃနိကာယဝရေ ပရိနိဗ္ဗာနသုတ္တန္တေ –
2. ‘‘Bhante nāgasena, ‘thanassitadārakassa ekaṃ aṅgaṃ gahetabba’nti yaṃ vadesi, katamaṃ taṃ ekaṃ aṅgaṃ gahetabba’’nti ? ‘‘Yathā, mahārāja, thanassitadārako sadatthe laggati, khīratthiko rodati, evameva kho, mahārāja, yoginā yogāvacarena sadatthe laggitabbaṃ, sabbattha dhammañāṇena bhavitabbaṃ, uddese paripucchāya sammappayoge paviveke garusaṃvāse kalyāṇamittasevane. Idaṃ, mahārāja, thanassitadārakassa ekaṃ aṅgaṃ gahetabbaṃ. Bhāsitampetaṃ, mahārāja, bhagavatā devātidevena dīghanikāyavare parinibbānasuttante –
‘‘‘ဣင္ဃံ တုမ္ဟေ၊ အာနန္ဒ၊ သာရတ္ထေ 1 ဃဋထ၊ သာရတ္ထေ အနုယုဉ္ဇထ။
‘‘‘Iṅghaṃ tumhe, ānanda, sāratthe 2 ghaṭatha, sāratthe anuyuñjatha;
သာရတ္ထေ အပ္ပမတ္တာ အာတာပိနော ပဟိတတ္တာ ဝိဟရထာ’’’တိ။
Sāratthe appamattā ātāpino pahitattā viharathā’’’ti.
ထနသ္သိတဒာရကင္ဂပဉ္ဟော ဒုတိယော။
Thanassitadārakaṅgapañho dutiyo.
Footnotes:
