| Library / Tipiṭaka / တိပိဋက • Tipiṭaka / ခုဒ္ဒသိက္ခာ-မူလသိက္ခာ • Khuddasikkhā-mūlasikkhā |
၆. ထာလကနိဒ္ဒေသဝဏ္ဏနာ
6. Thālakaniddesavaṇṇanā
၇၁-၂. ဒာရု ။ပေ.။ ဝေဠုရိယာမယာ အကပ္ပိယာ, ဖလိကာကာစကံသဇာ ထာလကာ ဂိဟိသန္တကာ သင္ဃိကာ စ ကပ္ပိယာ, တုမ္ဗဃဋိဇာ တာဝကာလိကာ ကပ္ပိယာတိ သမ္ဗန္ဓော။ ကပ္ပန္တိ ပရိကပ္ပန္တိ အဝိရောဓိဘာဝေနေဝာတိ ကပ္ပာ, တထာ ကပ္ပိယာ။ န ကပ္ပာ အကပ္ပာ။ သင္ဃသ္သ ဣမေ သင္ဃိကာ။ တာဝ-သဒ္ဒော အဝဓိမ္ဟိ။ တာဝ ဘောဇနာဝဓိဘူတော ကာလော ဧတာသန္တိ တာဝကာလိကာ , ဘုဉ္ဇိတ္ဝာ ဆဍ္ဍေတဗ္ဗာ, န ပရိဟရိတဗ္ဗာတိ အဓိပ္ပာယော။
71-2. Dāru …pe… veḷuriyāmayā akappiyā, phalikākācakaṃsajā thālakā gihisantakā saṅghikā ca kappiyā, tumbaghaṭijā tāvakālikā kappiyāti sambandho. Kappanti parikappanti avirodhibhāvenevāti kappā, tathā kappiyā. Na kappā akappā. Saṅghassa ime saṅghikā. Tāva-saddo avadhimhi. Tāva bhojanāvadhibhūto kālo etāsanti tāvakālikā, bhuñjitvā chaḍḍetabbā, na pariharitabbāti adhippāyo.
ထာလကနိဒ္ဒေသဝဏ္ဏနာ နိဋ္ဌိတာ။
Thālakaniddesavaṇṇanā niṭṭhitā.
