| Library / Tipiṭaka / තිපිටක • Tipiṭaka / පරිවාරපාළි • Parivārapāḷi |
තෙරසසමුට්ඨානං
Terasasamuṭṭhānaṃ
විභඞ්ගෙ ද්වීසු පඤ්ඤත්තං, උද්දිසන්ති උපොසථෙ;
Vibhaṅge dvīsu paññattaṃ, uddisanti uposathe;
පවක්ඛාමි සමුට්ඨානං, යථාඤායං සුණාථ මෙ.
Pavakkhāmi samuṭṭhānaṃ, yathāñāyaṃ suṇātha me.
පාරාජිකං යං පඨමං, දුතියඤ්ච තතො පරං;
Pārājikaṃ yaṃ paṭhamaṃ, dutiyañca tato paraṃ;
සඤ්චරිත්තානුභාසනඤ්ච, අතිරෙකඤ්ච චීවරං.
Sañcarittānubhāsanañca, atirekañca cīvaraṃ.
ලොමානි පදසොධම්මො, භූතං සංවිධානෙන ච;
Lomāni padasodhammo, bhūtaṃ saṃvidhānena ca;
ථෙය්යදෙසනචොරී ච, අනනුඤ්ඤාතාය තෙරස.
Theyyadesanacorī ca, ananuññātāya terasa.
තෙරසෙතෙ සමුට්ඨාන නයා, විඤ්ඤූහි චින්තිතා.
Terasete samuṭṭhāna nayā, viññūhi cintitā.
එකෙකස්මිං සමුට්ඨානෙ, සදිසා ඉධ දිස්සරෙ.
Ekekasmiṃ samuṭṭhāne, sadisā idha dissare.
