| Library / Tipiṭaka / ತಿಪಿಟಕ • Tipiṭaka / ಪರಿವಾರಪಾಳಿ • Parivārapāḷi |
ತೇರಸಸಮುಟ್ಠಾನಂ
Terasasamuṭṭhānaṃ
ವಿಭಙ್ಗೇ ದ್ವೀಸು ಪಞ್ಞತ್ತಂ, ಉದ್ದಿಸನ್ತಿ ಉಪೋಸಥೇ।
Vibhaṅge dvīsu paññattaṃ, uddisanti uposathe;
ಪವಕ್ಖಾಮಿ ಸಮುಟ್ಠಾನಂ, ಯಥಾಞಾಯಂ ಸುಣಾಥ ಮೇ॥
Pavakkhāmi samuṭṭhānaṃ, yathāñāyaṃ suṇātha me.
ಪಾರಾಜಿಕಂ ಯಂ ಪಠಮಂ, ದುತಿಯಞ್ಚ ತತೋ ಪರಂ।
Pārājikaṃ yaṃ paṭhamaṃ, dutiyañca tato paraṃ;
ಸಞ್ಚರಿತ್ತಾನುಭಾಸನಞ್ಚ, ಅತಿರೇಕಞ್ಚ ಚೀವರಂ॥
Sañcarittānubhāsanañca, atirekañca cīvaraṃ.
ಲೋಮಾನಿ ಪದಸೋಧಮ್ಮೋ, ಭೂತಂ ಸಂವಿಧಾನೇನ ಚ।
Lomāni padasodhammo, bhūtaṃ saṃvidhānena ca;
ಥೇಯ್ಯದೇಸನಚೋರೀ ಚ, ಅನನುಞ್ಞಾತಾಯ ತೇರಸ॥
Theyyadesanacorī ca, ananuññātāya terasa.
ತೇರಸೇತೇ ಸಮುಟ್ಠಾನ ನಯಾ, ವಿಞ್ಞೂಹಿ ಚಿನ್ತಿತಾ॥
Terasete samuṭṭhāna nayā, viññūhi cintitā.
ಏಕೇಕಸ್ಮಿಂ ಸಮುಟ್ಠಾನೇ, ಸದಿಸಾ ಇಧ ದಿಸ್ಸರೇ॥
Ekekasmiṃ samuṭṭhāne, sadisā idha dissare.
