| Library / Tipiṭaka / తిపిటక • Tipiṭaka / పరివారపాళి • Parivārapāḷi |
తేరససముట్ఠానం
Terasasamuṭṭhānaṃ
విభఙ్గే ద్వీసు పఞ్ఞత్తం, ఉద్దిసన్తి ఉపోసథే;
Vibhaṅge dvīsu paññattaṃ, uddisanti uposathe;
పవక్ఖామి సముట్ఠానం, యథాఞాయం సుణాథ మే.
Pavakkhāmi samuṭṭhānaṃ, yathāñāyaṃ suṇātha me.
పారాజికం యం పఠమం, దుతియఞ్చ తతో పరం;
Pārājikaṃ yaṃ paṭhamaṃ, dutiyañca tato paraṃ;
సఞ్చరిత్తానుభాసనఞ్చ, అతిరేకఞ్చ చీవరం.
Sañcarittānubhāsanañca, atirekañca cīvaraṃ.
లోమాని పదసోధమ్మో, భూతం సంవిధానేన చ;
Lomāni padasodhammo, bhūtaṃ saṃvidhānena ca;
థేయ్యదేసనచోరీ చ, అననుఞ్ఞాతాయ తేరస.
Theyyadesanacorī ca, ananuññātāya terasa.
తేరసేతే సముట్ఠాన నయా, విఞ్ఞూహి చిన్తితా.
Terasete samuṭṭhāna nayā, viññūhi cintitā.
ఏకేకస్మిం సముట్ఠానే, సదిసా ఇధ దిస్సరే.
Ekekasmiṃ samuṭṭhāne, sadisā idha dissare.
