| Library / Tipiṭaka / तिपिटक • Tipiṭaka / परिवारपाळि • Parivārapāḷi |
तेरससमुट्ठानं
Terasasamuṭṭhānaṃ
विभङ्गे द्वीसु पञ्ञत्तं, उद्दिसन्ति उपोसथे।
Vibhaṅge dvīsu paññattaṃ, uddisanti uposathe;
पवक्खामि समुट्ठानं, यथाञायं सुणाथ मे॥
Pavakkhāmi samuṭṭhānaṃ, yathāñāyaṃ suṇātha me.
पाराजिकं यं पठमं, दुतियञ्च ततो परं।
Pārājikaṃ yaṃ paṭhamaṃ, dutiyañca tato paraṃ;
सञ्चरित्तानुभासनञ्च, अतिरेकञ्च चीवरं॥
Sañcarittānubhāsanañca, atirekañca cīvaraṃ.
लोमानि पदसोधम्मो, भूतं संविधानेन च।
Lomāni padasodhammo, bhūtaṃ saṃvidhānena ca;
थेय्यदेसनचोरी च, अननुञ्ञाताय तेरस॥
Theyyadesanacorī ca, ananuññātāya terasa.
तेरसेते समुट्ठान नया, विञ्ञूहि चिन्तिता॥
Terasete samuṭṭhāna nayā, viññūhi cintitā.
एकेकस्मिं समुट्ठाने, सदिसा इध दिस्सरे॥
Ekekasmiṃ samuṭṭhāne, sadisā idha dissare.
