| Library / Tipiṭaka / তিপিটক • Tipiṭaka / পরিৰারপাল়ি • Parivārapāḷi |
তেরসসমুট্ঠানং
Terasasamuṭṭhānaṃ
ৰিভঙ্গে দ্ৰীসু পঞ্ঞত্তং, উদ্দিসন্তি উপোসথে।
Vibhaṅge dvīsu paññattaṃ, uddisanti uposathe;
পৰক্খামি সমুট্ঠানং, যথাঞাযং সুণাথ মে॥
Pavakkhāmi samuṭṭhānaṃ, yathāñāyaṃ suṇātha me.
পারাজিকং যং পঠমং, দুতিযঞ্চ ততো পরং।
Pārājikaṃ yaṃ paṭhamaṃ, dutiyañca tato paraṃ;
সঞ্চরিত্তানুভাসনঞ্চ, অতিরেকঞ্চ চীৰরং॥
Sañcarittānubhāsanañca, atirekañca cīvaraṃ.
লোমানি পদসোধম্মো, ভূতং সংৰিধানেন চ।
Lomāni padasodhammo, bhūtaṃ saṃvidhānena ca;
থেয্যদেসনচোরী চ, অননুঞ্ঞাতায তেরস॥
Theyyadesanacorī ca, ananuññātāya terasa.
তেরসেতে সমুট্ঠান নযা, ৰিঞ্ঞূহি চিন্তিতা॥
Terasete samuṭṭhāna nayā, viññūhi cintitā.
একেকস্মিং সমুট্ঠানে, সদিসা ইধ দিস্সরে॥
Ekekasmiṃ samuṭṭhāne, sadisā idha dissare.
