| Library / Tipiṭaka / திபிடக • Tipiṭaka / பரிவாரபாளி • Parivārapāḷi |
தேரஸஸமுட்டா²னங்
Terasasamuṭṭhānaṃ
விப⁴ங்கே³ த்³வீஸு பஞ்ஞத்தங், உத்³தி³ஸந்தி உபோஸதே²;
Vibhaṅge dvīsu paññattaṃ, uddisanti uposathe;
பவக்கா²மி ஸமுட்டா²னங், யதா²ஞாயங் ஸுணாத² மே.
Pavakkhāmi samuṭṭhānaṃ, yathāñāyaṃ suṇātha me.
பாராஜிகங் யங் பட²மங், து³தியஞ்ச ததோ பரங்;
Pārājikaṃ yaṃ paṭhamaṃ, dutiyañca tato paraṃ;
ஸஞ்சரித்தானுபா⁴ஸனஞ்ச, அதிரேகஞ்ச சீவரங்.
Sañcarittānubhāsanañca, atirekañca cīvaraṃ.
லோமானி பத³ஸோத⁴ம்மோ, பூ⁴தங் ஸங்விதா⁴னேன ச;
Lomāni padasodhammo, bhūtaṃ saṃvidhānena ca;
தெ²ய்யதே³ஸனசோரீ ச, அனநுஞ்ஞாதாய தேரஸ.
Theyyadesanacorī ca, ananuññātāya terasa.
தேரஸேதே ஸமுட்டா²ன நயா, விஞ்ஞூஹி சிந்திதா.
Terasete samuṭṭhāna nayā, viññūhi cintitā.
ஏகேகஸ்மிங் ஸமுட்டா²னே, ஸதி³ஸா இத⁴ தி³ஸ்ஸரே.
Ekekasmiṃ samuṭṭhāne, sadisā idha dissare.
