| Library / Tipiṭaka / તિપિટક • Tipiṭaka / અપદાનપાળિ • Apadānapāḷi |
૨. તેલમક્ખિયત્થેરઅપદાનં
2. Telamakkhiyattheraapadānaṃ
૬.
6.
‘‘સિદ્ધત્થમ્હિ ભગવતિ, નિબ્બુતમ્હિ નરાસભે;
‘‘Siddhatthamhi bhagavati, nibbutamhi narāsabhe;
બોધિયા વેદિકાયાહં, તેલં મક્ખેસિ તાવદે.
Bodhiyā vedikāyāhaṃ, telaṃ makkhesi tāvade.
૭.
7.
‘‘ચતુન્નવુતિતો કપ્પે, યં તેલં મક્ખયિં તદા;
‘‘Catunnavutito kappe, yaṃ telaṃ makkhayiṃ tadā;
દુગ્ગતિં નાભિજાનામિ, મક્ખનાય ઇદં ફલં.
Duggatiṃ nābhijānāmi, makkhanāya idaṃ phalaṃ.
૮.
8.
‘‘ચતુવીસે ઇતો કપ્પે, સુચ્છવિ નામ ખત્તિયો;
‘‘Catuvīse ito kappe, succhavi nāma khattiyo;
સત્તરતનસમ્પન્નો, ચક્કવત્તી મહબ્બલો.
Sattaratanasampanno, cakkavattī mahabbalo.
૯.
9.
‘‘પટિસમ્ભિદા ચતસ્સો…પે॰… કતં બુદ્ધસ્સ સાસનં’’.
‘‘Paṭisambhidā catasso…pe… kataṃ buddhassa sāsanaṃ’’.
ઇત્થં સુદં આયસ્મા તેલમક્ખિયો થેરો ઇમા ગાથાયો અભાસિત્થાતિ.
Itthaṃ sudaṃ āyasmā telamakkhiyo thero imā gāthāyo abhāsitthāti.
તેલમક્ખિયત્થેરસ્સાપદાનં દુતિયં.
Telamakkhiyattherassāpadānaṃ dutiyaṃ.
