| Library / Tipiṭaka / তিপিটক • Tipiṭaka / অপদানপাল়ি • Apadānapāḷi |
২. তেলমক্খিযত্থেরঅপদানং
2. Telamakkhiyattheraapadānaṃ
৬.
6.
‘‘সিদ্ধত্থম্হি ভগৰতি, নিব্বুতম্হি নরাসভে।
‘‘Siddhatthamhi bhagavati, nibbutamhi narāsabhe;
বোধিযা ৰেদিকাযাহং, তেলং মক্খেসি তাৰদে॥
Bodhiyā vedikāyāhaṃ, telaṃ makkhesi tāvade.
৭.
7.
‘‘চতুন্নৰুতিতো কপ্পে, যং তেলং মক্খযিং তদা।
‘‘Catunnavutito kappe, yaṃ telaṃ makkhayiṃ tadā;
দুগ্গতিং নাভিজানামি, মক্খনায ইদং ফলং॥
Duggatiṃ nābhijānāmi, makkhanāya idaṃ phalaṃ.
৮.
8.
‘‘চতুৰীসে ইতো কপ্পে, সুচ্ছৰি নাম খত্তিযো।
‘‘Catuvīse ito kappe, succhavi nāma khattiyo;
সত্তরতনসম্পন্নো, চক্কৰত্তী মহব্বলো॥
Sattaratanasampanno, cakkavattī mahabbalo.
৯.
9.
‘‘পটিসম্ভিদা চতস্সো…পে॰… কতং বুদ্ধস্স সাসনং’’॥
‘‘Paṭisambhidā catasso…pe… kataṃ buddhassa sāsanaṃ’’.
ইত্থং সুদং আযস্মা তেলমক্খিযো থেরো ইমা গাথাযো অভাসিত্থাতি।
Itthaṃ sudaṃ āyasmā telamakkhiyo thero imā gāthāyo abhāsitthāti.
তেলমক্খিযত্থেরস্সাপদানং দুতিযং।
Telamakkhiyattherassāpadānaṃ dutiyaṃ.
