| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
2. தேலமக்கி²யத்தே²ரஅபதா³னங்
2. Telamakkhiyattheraapadānaṃ
6.
6.
‘‘ஸித்³த⁴த்த²ம்ஹி ப⁴க³வதி, நிப்³பு³தம்ஹி நராஸபே⁴;
‘‘Siddhatthamhi bhagavati, nibbutamhi narāsabhe;
போ³தி⁴யா வேதி³காயாஹங், தேலங் மக்கே²ஸி தாவதே³.
Bodhiyā vedikāyāhaṃ, telaṃ makkhesi tāvade.
7.
7.
‘‘சதுன்னவுதிதோ கப்பே, யங் தேலங் மக்க²யிங் ததா³;
‘‘Catunnavutito kappe, yaṃ telaṃ makkhayiṃ tadā;
து³க்³க³திங் நாபி⁴ஜானாமி, மக்க²னாய இத³ங் ப²லங்.
Duggatiṃ nābhijānāmi, makkhanāya idaṃ phalaṃ.
8.
8.
‘‘சதுவீஸே இதோ கப்பே, ஸுச்ச²வி நாம க²த்தியோ;
‘‘Catuvīse ito kappe, succhavi nāma khattiyo;
ஸத்தரதனஸம்பன்னோ, சக்கவத்தீ மஹப்³ப³லோ.
Sattaratanasampanno, cakkavattī mahabbalo.
9.
9.
‘‘படிஸம்பி⁴தா³ சதஸ்ஸோ…பே॰… கதங் பு³த்³த⁴ஸ்ஸ ஸாஸனங்’’.
‘‘Paṭisambhidā catasso…pe… kataṃ buddhassa sāsanaṃ’’.
இத்த²ங் ஸுத³ங் ஆயஸ்மா தேலமக்கி²யோ தே²ரோ இமா கா³தா²யோ அபா⁴ஸித்தா²தி.
Itthaṃ sudaṃ āyasmā telamakkhiyo thero imā gāthāyo abhāsitthāti.
தேலமக்கி²யத்தே²ரஸ்ஸாபதா³னங் து³தியங்.
Telamakkhiyattherassāpadānaṃ dutiyaṃ.
