| Library / Tipiṭaka / ਤਿਪਿਟਕ • Tipiṭaka / ਧਮ੍ਮਸਙ੍ਗਣੀ-ਅਨੁਟੀਕਾ • Dhammasaṅgaṇī-anuṭīkā |
ਤੇਭੂਮਕਕੁਸਲવਣ੍ਣਨਾ
Tebhūmakakusalavaṇṇanā
੨੬੯. ਸਤ੍ਤਹਿ ਮਹਾવਾਰੇਹੀਤਿ ਪਟਿਚ੍ਚਸਹਜਾਤਪਚ੍ਚਯਨਿਸ੍ਸਯਸਂਸਟ੍ਠਸਮ੍ਪਯੁਤ੍ਤਪਞ੍ਹਾવਾਰੇਹਿ ਅਨੁਲੋਮਪਚ੍ਚਨੀਯਅਨੁਲੋਮਪਚ੍ਚਨੀਯਪਚ੍ਚਨੀਯਾਨੁਲੋਮਾਦਿਨਯਾ ਅਨੁਲੋਮਾਦਿਨਯਾ। ਭਾਰਦ੍વਾਜਗੋਤਮਾਦਯੋ ਅਟ੍ਠਚਤ੍ਤਾਲੀਸ ਲੋਕੇ ਗੋਤ੍ਤਾਨਿ ਮੂਲਭੂਤਾਨਿ, ਤਥਾ ਕਟ੍ਠਕਲਾਪਾਦਯੋ ਅਟ੍ਠਚਤ੍ਤਾਲੀਸੇવ ਚਰਣਾਨੀਤਿ ਆਹ ‘‘ਅਟ੍ਠਚਤ੍ਤਾਲੀਸ’’ਨ੍ਤਿਆਦਿ। ਤਤ੍ਥ ਤੇਸਨ੍ਤਿ ਭਬ੍ਬਾਭਬ੍ਬਾਨਂ। ਦ੍વਾਰਸੀਸੇਨ ਦ੍વਾਰવਨ੍ਤਾਨਿ ਗਯ੍ਹਨ੍ਤੀਤਿ ਅਧਿਪ੍ਪਾਯੇਨਾਹ ‘‘ਤਂਤਂਦ੍વਾਰਾਨਿ વਾ ਕਾਯਾਦੀਨੀ’’ਤਿ। ਅਚਿਤ੍ਤੀਕਾਰੇਨ વਾ ਕਤਂ ਹੀਨਂ, ਅਜ੍ਝੁਪੇਕ੍ਖਨੇਨ ਕਤਂ ਮਜ੍ਝਿਮਂ, ਸਕ੍ਕਚ੍ਚਕਤਂ ਪਣੀਤਂ। ਆਮਿਸਕਿਞ੍ਜਕ੍ਖਾਦਿਹੇਤੁ વਾ ਕਤਂ ਹੀਨਂ, ਪੁਞ੍ਞਫਲਕਾਮਤਾਯ ਕਤਂ ਮਜ੍ਝਿਮਂ, ਕਤ੍ਤਬ੍ਬਮਿਚ੍ਚੇવ ਅਰਿਯਭਾવੇ ਠਿਤੇਨ ਕਤਂ ਪਣੀਤਂ। ਭવਸਮ੍ਪਤ੍ਤਿਲੋਭੇਨ વਾ ਪવਤ੍ਤਿਤਂ ਹੀਨਂ, ਅਲੋਭਜ੍ਝਾਸਯੇਨ ਪવਤ੍ਤਿਤਂ ਮਜ੍ਝਿਮਂ, ਪਰਹਿਤਾਯ ਪવਤ੍ਤਿਤਂ ਪਣੀਤਂ। ਪਰਿਤ੍ਤਕਤਂ વਾ ਹੀਨਂ, ਮਤ੍ਤਸੋ ਕਤਂ ਮਜ੍ਝਿਮਂ, ਅਧਿਮਤ੍ਤਸੋ ਕਤਂ ਪਣੀਤਂ। ਮਹਗ੍ਗਤੇਸੁ ਪਨ ਪਟਿਲਦ੍ਧਮਤ੍ਤਂ ਹੀਨਂ, ਨਾਤਿਸੁਭਾવਿਤਂ ਮਜ੍ਝਿਮਂ, ਸੁਭਾવਿਤਂ વਸਿਪ੍ਪਤ੍ਤਂ ਪਣੀਤਂ। ਇਮੇਸੁਪਿ ਏਕੇਕਸ੍ਸ ਹੀਨਾਦਿਕਸ੍ਸ ਆਯੂਹਨਨਾਨਤ੍ਤਾਦਿવਸੇਨ ਹੀਨਾਦਿਭੇਦੋ ਲਬ੍ਭਤਿਯੇવਾਤਿ ਦਟ੍ਠਬ੍ਬਂ। ਸਮ੍ਪਯੁਤ੍ਤਧਮ੍ਮਾਨਂ વਸੇਨਾਤਿ ਯੋ ਚਿਤ੍ਤਪ੍ਪਭਾવਿਤੋ ਚਿਤ੍ਤਸਮ੍ਪਯੁਤ੍ਤਾਨਂ ਚਿਤ੍ਤਾਧਿਪਤੇਯ੍ਯਭਾવੋ, ਸੋ ਤਂਨਿਮਿਤ੍ਤੇ ਚਿਤ੍ਤੇ ਉਪਚਰਿਤੋਤਿ ਏવਂ વਾ ਏਤ੍ਥ ਅਤ੍ਥੋ।
269. Sattahimahāvārehīti paṭiccasahajātapaccayanissayasaṃsaṭṭhasampayuttapañhāvārehi anulomapaccanīyaanulomapaccanīyapaccanīyānulomādinayā anulomādinayā. Bhāradvājagotamādayo aṭṭhacattālīsa loke gottāni mūlabhūtāni, tathā kaṭṭhakalāpādayo aṭṭhacattālīseva caraṇānīti āha ‘‘aṭṭhacattālīsa’’ntiādi. Tattha tesanti bhabbābhabbānaṃ. Dvārasīsena dvāravantāni gayhantīti adhippāyenāha ‘‘taṃtaṃdvārāni vā kāyādīnī’’ti. Acittīkārena vā kataṃ hīnaṃ, ajjhupekkhanena kataṃ majjhimaṃ, sakkaccakataṃ paṇītaṃ. Āmisakiñjakkhādihetu vā kataṃ hīnaṃ, puññaphalakāmatāya kataṃ majjhimaṃ, kattabbamicceva ariyabhāve ṭhitena kataṃ paṇītaṃ. Bhavasampattilobhena vā pavattitaṃ hīnaṃ, alobhajjhāsayena pavattitaṃ majjhimaṃ, parahitāya pavattitaṃ paṇītaṃ. Parittakataṃ vā hīnaṃ, mattaso kataṃ majjhimaṃ, adhimattaso kataṃ paṇītaṃ. Mahaggatesu pana paṭiladdhamattaṃ hīnaṃ, nātisubhāvitaṃ majjhimaṃ, subhāvitaṃ vasippattaṃ paṇītaṃ. Imesupi ekekassa hīnādikassa āyūhananānattādivasena hīnādibhedo labbhatiyevāti daṭṭhabbaṃ. Sampayuttadhammānaṃ vasenāti yo cittappabhāvito cittasampayuttānaṃ cittādhipateyyabhāvo, so taṃnimitte citte upacaritoti evaṃ vā ettha attho.
ਤੇਭੂਮਕਕੁਸਲવਣ੍ਣਨਾ ਨਿਟ੍ਠਿਤਾ।
Tebhūmakakusalavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਧਮ੍ਮਸਙ੍ਗਣੀਪਾਲ਼ਿ • Dhammasaṅgaṇīpāḷi / ਤੇਭੂਮਕਕੁਸਲਂ • Tebhūmakakusalaṃ
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਧਮ੍ਮਸਙ੍ਗਣਿ-ਅਟ੍ਠਕਥਾ • Dhammasaṅgaṇi-aṭṭhakathā / ਤੇਭੂਮਕਕੁਸਲવਣ੍ਣਨਾ • Tebhūmakakusalavaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਧਮ੍ਮਸਙ੍ਗਣੀ-ਮੂਲਟੀਕਾ • Dhammasaṅgaṇī-mūlaṭīkā / ਤੇਭੂਮਕਕੁਸਲવਣ੍ਣਨਾ • Tebhūmakakusalavaṇṇanā
