| Library / Tipiṭaka / ਤਿਪਿਟਕ • Tipiṭaka / ਭਿਕ੍ਖੁਨੀવਿਭਙ੍ਗ-ਅਟ੍ਠਕਥਾ • Bhikkhunīvibhaṅga-aṭṭhakathā |
੩. ਤਤਿਯਸਿਕ੍ਖਾਪਦવਣ੍ਣਨਾ
3. Tatiyasikkhāpadavaṇṇanā
੯੪੧. ਤਤਿਯੇ – ਉਲ਼ਾਰਸਮ੍ਭਾવਿਤਾਤਿ ਉਲ਼ਾਰਕੁਲਾ ਪਬ੍ਬਜਿਤਤ੍ਤਾ ਗੁਣੇਹਿ ਚ ਉਲ਼ਾਰਤ੍ਤਾ ਉਲ਼ਾਰਾਤਿ ਸਮ੍ਭਾવਿਤਾ। ਇਸ੍ਸਾਪਕਤਾਤਿ ਇਸ੍ਸਾਯ ਅਪਕਤਾ; ਅਭਿਭੂਤਾਤਿ ਅਤ੍ਥੋ। ਸਞ੍ਞਤ੍ਤਿ ਬਹੁਲਾ ਏਤਾਸਨ੍ਤਿ ਸਞ੍ਞਤ੍ਤਿਬਹੁਲਾ; ਦਿવਸਂ ਮਹਾਜਨਂ ਸਞ੍ਞਾਪਯਮਾਨਾਤਿ ਅਤ੍ਥੋ। વਿਞ੍ਞਤ੍ਤਿ ਬਹੁਲਾ ਏਤਾਸਨ੍ਤਿ વਿਞ੍ਞਤ੍ਤਿਬਹੁਲਾ। વਿਞ੍ਞਤ੍ਤੀਤਿ ਹੇਤੂਦਾਹਰਣਾਦੀਹਿ વਿવਿਧੇਹਿ ਨਯੇਹਿ ਞਾਪਨਾ વੇਦਿਤਬ੍ਬਾ, ਨ ਯਾਚਨਾ।
941. Tatiye – uḷārasambhāvitāti uḷārakulā pabbajitattā guṇehi ca uḷārattā uḷārāti sambhāvitā. Issāpakatāti issāya apakatā; abhibhūtāti attho. Saññatti bahulā etāsanti saññattibahulā; divasaṃ mahājanaṃ saññāpayamānāti attho. Viññatti bahulā etāsanti viññattibahulā. Viññattīti hetūdāharaṇādīhi vividhehi nayehi ñāpanā veditabbā, na yācanā.
੯੪੩. ਚਙ੍ਕਮਨੇ ਨਿવਤ੍ਤਨਗਣਨਾਯ ਆਪਤ੍ਤਿਯੋ વੇਦਿਤਬ੍ਬਾ। ਤਿਟ੍ਠਤਿ વਾਤਿਆਦੀਸੁ ਪਯੋਗਗਣਨਾਯ। ਉਦ੍ਦਿਸਤਿ વਾਤਿਆਦੀਸੁ ਪਦਾਦਿਗਣਨਾਯ। ਸੇਸਂ ਉਤ੍ਤਾਨਮੇવ।
943. Caṅkamane nivattanagaṇanāya āpattiyo veditabbā. Tiṭṭhati vātiādīsu payogagaṇanāya. Uddisati vātiādīsu padādigaṇanāya. Sesaṃ uttānameva.
ਤਿਸਮੁਟ੍ਠਾਨਂ – ਕਿਰਿਯਾਕਿਰਿਯਂ , ਸਞ੍ਞਾવਿਮੋਕ੍ਖਂ, ਸਚਿਤ੍ਤਕਂ, ਲੋਕવਜ੍ਜਂ, ਕਾਯਕਮ੍ਮਂ, વਚੀਕਮ੍ਮਂ, ਅਕੁਸਲਚਿਤ੍ਤਂ, ਦੁਕ੍ਖવੇਦਨਨ੍ਤਿ।
Tisamuṭṭhānaṃ – kiriyākiriyaṃ , saññāvimokkhaṃ, sacittakaṃ, lokavajjaṃ, kāyakammaṃ, vacīkammaṃ, akusalacittaṃ, dukkhavedananti.
ਤਤਿਯਸਿਕ੍ਖਾਪਦਂ।
Tatiyasikkhāpadaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਭਿਕ੍ਖੁਨੀવਿਭਙ੍ਗ • Bhikkhunīvibhaṅga / ੩. ਤਤਿਯਸਿਕ੍ਖਾਪਦਂ • 3. Tatiyasikkhāpadaṃ
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੩. ਤਤਿਯਸਿਕ੍ਖਾਪਦવਣ੍ਣਨਾ • 3. Tatiyasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੩. ਤਤਿਯਸਿਕ੍ਖਾਪਦਂ • 3. Tatiyasikkhāpadaṃ
