| Library / Tipiṭaka / તિપિટક • Tipiṭaka / ભિક્ખુનીવિભઙ્ગ-અટ્ઠકથા • Bhikkhunīvibhaṅga-aṭṭhakathā |
૩. તતિયસિક્ખાપદવણ્ણના
3. Tatiyasikkhāpadavaṇṇanā
૯૪૧. તતિયે – ઉળારસમ્ભાવિતાતિ ઉળારકુલા પબ્બજિતત્તા ગુણેહિ ચ ઉળારત્તા ઉળારાતિ સમ્ભાવિતા. ઇસ્સાપકતાતિ ઇસ્સાય અપકતા; અભિભૂતાતિ અત્થો. સઞ્ઞત્તિ બહુલા એતાસન્તિ સઞ્ઞત્તિબહુલા; દિવસં મહાજનં સઞ્ઞાપયમાનાતિ અત્થો. વિઞ્ઞત્તિ બહુલા એતાસન્તિ વિઞ્ઞત્તિબહુલા. વિઞ્ઞત્તીતિ હેતૂદાહરણાદીહિ વિવિધેહિ નયેહિ ઞાપના વેદિતબ્બા, ન યાચના.
941. Tatiye – uḷārasambhāvitāti uḷārakulā pabbajitattā guṇehi ca uḷārattā uḷārāti sambhāvitā. Issāpakatāti issāya apakatā; abhibhūtāti attho. Saññatti bahulā etāsanti saññattibahulā; divasaṃ mahājanaṃ saññāpayamānāti attho. Viññatti bahulā etāsanti viññattibahulā. Viññattīti hetūdāharaṇādīhi vividhehi nayehi ñāpanā veditabbā, na yācanā.
૯૪૩. ચઙ્કમને નિવત્તનગણનાય આપત્તિયો વેદિતબ્બા. તિટ્ઠતિ વાતિઆદીસુ પયોગગણનાય. ઉદ્દિસતિ વાતિઆદીસુ પદાદિગણનાય. સેસં ઉત્તાનમેવ.
943. Caṅkamane nivattanagaṇanāya āpattiyo veditabbā. Tiṭṭhati vātiādīsu payogagaṇanāya. Uddisati vātiādīsu padādigaṇanāya. Sesaṃ uttānameva.
તિસમુટ્ઠાનં – કિરિયાકિરિયં , સઞ્ઞાવિમોક્ખં, સચિત્તકં, લોકવજ્જં, કાયકમ્મં, વચીકમ્મં, અકુસલચિત્તં, દુક્ખવેદનન્તિ.
Tisamuṭṭhānaṃ – kiriyākiriyaṃ , saññāvimokkhaṃ, sacittakaṃ, lokavajjaṃ, kāyakammaṃ, vacīkammaṃ, akusalacittaṃ, dukkhavedananti.
તતિયસિક્ખાપદં.
Tatiyasikkhāpadaṃ.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / ભિક્ખુનીવિભઙ્ગ • Bhikkhunīvibhaṅga / ૩. તતિયસિક્ખાપદં • 3. Tatiyasikkhāpadaṃ
ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā / ૩. તતિયસિક્ખાપદવણ્ણના • 3. Tatiyasikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / પાચિત્યાદિયોજનાપાળિ • Pācityādiyojanāpāḷi / ૩. તતિયસિક્ખાપદં • 3. Tatiyasikkhāpadaṃ
