| Library / Tipiṭaka / ཏིཔིཊཀ • Tipiṭaka / པཱཙིཏྱཱདིཡོཛནཱཔཱལི༹ • Pācityādiyojanāpāḷi |
༣. ཏཏིཡསིཀྑཱཔདཾ
3. Tatiyasikkhāpadaṃ
༩༤༡. ཏཏིཡེ ཨུལཱ༹རཀུལཱཏི ཛཱཏིསེཊྛཀུལཱ, ཨིསྶརིཡབྷོགཱདཱིཧི ཝཱ ཝིཔུལཀུལཱ། གུཎེཧཱིཏི སཱིལཱདིགུཎེཧི། ‘‘ཨུལཱ༹རཱཏི སམྦྷཱཝིཏཱ’’ཏི ཨིམིནཱ ཨིཏིལོཔཏུལྱཱདྷིཀརཎསམཱསཾ དསྶེཏི།
941. Tatiye uḷārakulāti jātiseṭṭhakulā, issariyabhogādīhi vā vipulakulā. Guṇehīti sīlādiguṇehi. ‘‘Uḷārāti sambhāvitā’’ti iminā itilopatulyādhikaraṇasamāsaṃ dasseti.
‘‘ཨབྷིབྷཱུཏཱ’’ཏི ཨིམིནཱ ‘‘ཨཔཀཏཱ’’ཏི ཨེཏྠ ཀརདྷཱཏུ སབྦདྷཱཏྭཏྠཝཱཙཱིཔི ཨིདྷ ཨཔཔུབྦཏྟཱ ཝིསེསཏོ ཨབྷིབྷཝནཏྠེ ཝཏྟཏཱིཏི དསྶེཏི། ཨེཏཱསནྟི བྷིཀྑུནཱིནཾ། ‘‘སཉྙཱཔཡམཱནཱ’’ཏི ཨིམིནཱ སཉྙཱཔནཾ སཉྙཏྟཱིཏི ཝཙནཏྠཾ དསྶེཏི། ཧེཏཱུདཱཧརཎཱདཱིཧཱིཏི ཨེཏྠ ཨཱདིསདྡེན ཨུཔམཱདཡོ སངྒཎྷཱཏི། ‘‘ཝིཝིདྷེཧི ནཡེཧི ཉཱཔནཱ’’ཏི ཨིམིནཱ ཝིཝིདྷེཧི ཉཱཔནཾ ཝིཉྙཏྟཱིཏི ཝཙནཏྠཾ དསྶེཏི།
‘‘Abhibhūtā’’ti iminā ‘‘apakatā’’ti ettha karadhātu sabbadhātvatthavācīpi idha apapubbattā visesato abhibhavanatthe vattatīti dasseti. Etāsanti bhikkhunīnaṃ. ‘‘Saññāpayamānā’’ti iminā saññāpanaṃ saññattīti vacanatthaṃ dasseti. Hetūdāharaṇādīhīti ettha ādisaddena upamādayo saṅgaṇhāti. ‘‘Vividhehi nayehi ñāpanā’’ti iminā vividhehi ñāpanaṃ viññattīti vacanatthaṃ dasseti.
༩༤༣. ཙངྐམནེ པདཝཱརགཎནཱཡ ཨཱཔཏྟིཡཱ ན ཀཱརེཏབྦོཏི ཨཱཧ ‘‘ནིཝཏྟནགཎནཱཡཱ’’ཏི། པདཱདིགཎནཱཡཱཏི པདཨནུཔདཱདིགཎནཱཡཱཏི། ཏཏིཡཾ།
943. Caṅkamane padavāragaṇanāya āpattiyā na kāretabboti āha ‘‘nivattanagaṇanāyā’’ti. Padādigaṇanāyāti padaanupadādigaṇanāyāti. Tatiyaṃ.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / བྷིཀྑུནཱིཝིབྷངྒ • Bhikkhunīvibhaṅga / ༣. ཏཏིཡསིཀྑཱཔདཾ • 3. Tatiyasikkhāpadaṃ
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / བྷིཀྑུནཱིཝིབྷངྒ-ཨཊྛཀཐཱ • Bhikkhunīvibhaṅga-aṭṭhakathā / ༣. ཏཏིཡསིཀྑཱཔདཝཎྞནཱ • 3. Tatiyasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ༣. ཏཏིཡསིཀྑཱཔདཝཎྞནཱ • 3. Tatiyasikkhāpadavaṇṇanā
