| Library / Tipiṭaka / တိပိဋက • Tipiṭaka / ပာစိတ္ယာဒိယောဇနာပာဠိ • Pācityādiyojanāpāḷi |
၃. တတိယသိက္ခာပဒံ
3. Tatiyasikkhāpadaṃ
၉၈၈. တတိယေ ယတ္တကန္တိ ယတ္တကံ သုတ္တန္တိ သမ္ဗန္ဓော။ အဉ္ဆိတန္တိ ကဍ္ဎိတံ။ တသ္မိန္တိ တတ္တကေ သုတ္တေတိ သမ္ဗန္ဓော။ တက္ကမ္ဟီတိ ဧတ္ထ တက္ကောတိ ဧကော အယောမယော သုတ္တကန္တနသ္သ ဥပကရဏဝိသေသော။ သော ဟိ တကီယတိ သုတ္တံ ဗန္ဓီယတိ ဧတ္ထ, ဧတေနာတိ ဝာ တက္ကောတိ ဝုစ္စတိ, တသ္မိံ။ ကန္တနတောတိ ကန္တီယတေ ကပ္ပာသာဒိဘာဝသ္သ ဆိန္ဒီယတေ ကန္တနံ, တတော။
988. Tatiye yattakanti yattakaṃ suttanti sambandho. Añchitanti kaḍḍhitaṃ. Tasminti tattake sutteti sambandho. Takkamhīti ettha takkoti eko ayomayo suttakantanassa upakaraṇaviseso. So hi takīyati suttaṃ bandhīyati ettha, etenāti vā takkoti vuccati, tasmiṃ. Kantanatoti kantīyate kappāsādibhāvassa chindīyate kantanaṃ, tato.
၉၈၉. ဒသိကသုတ္တာဒိန္တိ ဧတ္ထ ဒသာတိ ဝတ္ထသ္သာဝယဝော။ သော ဟိ ဒိယ္ယတိ အဝခဏ္ဍီယတီတိ ဒသာတိ ဝုစ္စတိ, တသ္သံ ဒသာယံ ပဝတ္တံ ဒသိကံ, တမေဝ သုတ္တံ ဒသိကသုတ္တံ။ အာဒိသဒ္ဒေန ဝက္ခမာနံ ဒုက္ကန္တိတသုတ္တာဒိံ သင္ဂဏ္ဟာတီတိ။ တတိယံ။
989.Dasikasuttādinti ettha dasāti vatthassāvayavo. So hi diyyati avakhaṇḍīyatīti dasāti vuccati, tassaṃ dasāyaṃ pavattaṃ dasikaṃ, tameva suttaṃ dasikasuttaṃ. Ādisaddena vakkhamānaṃ dukkantitasuttādiṃ saṅgaṇhātīti. Tatiyaṃ.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / ဘိက္ခုနီဝိဘင္ဂ • Bhikkhunīvibhaṅga / ၃. တတိယသိက္ခာပဒံ • 3. Tatiyasikkhāpadaṃ
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / ဘိက္ခုနီဝိဘင္ဂ-အဋ္ဌကထာ • Bhikkhunīvibhaṅga-aṭṭhakathā / ၃. တတိယသိက္ခာပဒဝဏ္ဏနာ • 3. Tatiyasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ၃. တတိယသိက္ခာပဒဝဏ္ဏနာ • 3. Tatiyasikkhāpadavaṇṇanā
