| Library / Tipiṭaka / တိပိဋက • Tipiṭaka / ပာစိတ္ယာဒိယောဇနာပာဠိ • Pācityādiyojanāpāḷi |
၃. တတိယသိက္ခာပဒံ
3. Tatiyasikkhāpadaṃ
၉၄၁. တတိယေ ဥဠာရကုလာတိ ဇာတိသေဋ္ဌကုလာ, ဣသ္သရိယဘောဂာဒီဟိ ဝာ ဝိပုလကုလာ။ ဂုဏေဟီတိ သီလာဒိဂုဏေဟိ။ ‘‘ဥဠာရာတိ သမ္ဘာဝိတာ’’တိ ဣမိနာ ဣတိလောပတုလ္ယာဓိကရဏသမာသံ ဒသ္သေတိ။
941. Tatiye uḷārakulāti jātiseṭṭhakulā, issariyabhogādīhi vā vipulakulā. Guṇehīti sīlādiguṇehi. ‘‘Uḷārāti sambhāvitā’’ti iminā itilopatulyādhikaraṇasamāsaṃ dasseti.
‘‘အဘိဘူတာ’’တိ ဣမိနာ ‘‘အပကတာ’’တိ ဧတ္ထ ကရဓာတု သဗ္ဗဓာတ္ဝတ္ထဝာစီပိ ဣဓ အပပုဗ္ဗတ္တာ ဝိသေသတော အဘိဘဝနတ္ထေ ဝတ္တတီတိ ဒသ္သေတိ။ ဧတာသန္တိ ဘိက္ခုနီနံ။ ‘‘သညာပယမာနာ’’တိ ဣမိနာ သညာပနံ သညတ္တီတိ ဝစနတ္ထံ ဒသ္သေတိ။ ဟေတူဒာဟရဏာဒီဟီတိ ဧတ္ထ အာဒိသဒ္ဒေန ဥပမာဒယော သင္ဂဏ္ဟာတိ။ ‘‘ဝိဝိဓေဟိ နယေဟိ ဉာပနာ’’တိ ဣမိနာ ဝိဝိဓေဟိ ဉာပနံ ဝိညတ္တီတိ ဝစနတ္ထံ ဒသ္သေတိ။
‘‘Abhibhūtā’’ti iminā ‘‘apakatā’’ti ettha karadhātu sabbadhātvatthavācīpi idha apapubbattā visesato abhibhavanatthe vattatīti dasseti. Etāsanti bhikkhunīnaṃ. ‘‘Saññāpayamānā’’ti iminā saññāpanaṃ saññattīti vacanatthaṃ dasseti. Hetūdāharaṇādīhīti ettha ādisaddena upamādayo saṅgaṇhāti. ‘‘Vividhehi nayehi ñāpanā’’ti iminā vividhehi ñāpanaṃ viññattīti vacanatthaṃ dasseti.
၉၄၃. စင္ကမနေ ပဒဝာရဂဏနာယ အာပတ္တိယာ န ကာရေတဗ္ဗောတိ အာဟ ‘‘နိဝတ္တနဂဏနာယာ’’တိ။ ပဒာဒိဂဏနာယာတိ ပဒအနုပဒာဒိဂဏနာယာတိ။ တတိယံ။
943. Caṅkamane padavāragaṇanāya āpattiyā na kāretabboti āha ‘‘nivattanagaṇanāyā’’ti. Padādigaṇanāyāti padaanupadādigaṇanāyāti. Tatiyaṃ.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / ဘိက္ခုနီဝိဘင္ဂ • Bhikkhunīvibhaṅga / ၃. တတိယသိက္ခာပဒံ • 3. Tatiyasikkhāpadaṃ
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / ဘိက္ခုနီဝိဘင္ဂ-အဋ္ဌကထာ • Bhikkhunīvibhaṅga-aṭṭhakathā / ၃. တတိယသိက္ခာပဒဝဏ္ဏနာ • 3. Tatiyasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ၃. တတိယသိက္ခာပဒဝဏ္ဏနာ • 3. Tatiyasikkhāpadavaṇṇanā
