| Library / Tipiṭaka / तिपिटक • Tipiṭaka / पाचित्यादियोजनापाळि • Pācityādiyojanāpāḷi |
३. ततियसिक्खापदं
3. Tatiyasikkhāpadaṃ
९४१. ततिये उळारकुलाति जातिसेट्ठकुला, इस्सरियभोगादीहि वा विपुलकुला। गुणेहीति सीलादिगुणेहि। ‘‘उळाराति सम्भाविता’’ति इमिना इतिलोपतुल्याधिकरणसमासं दस्सेति।
941. Tatiye uḷārakulāti jātiseṭṭhakulā, issariyabhogādīhi vā vipulakulā. Guṇehīti sīlādiguṇehi. ‘‘Uḷārāti sambhāvitā’’ti iminā itilopatulyādhikaraṇasamāsaṃ dasseti.
‘‘अभिभूता’’ति इमिना ‘‘अपकता’’ति एत्थ करधातु सब्बधात्वत्थवाचीपि इध अपपुब्बत्ता विसेसतो अभिभवनत्थे वत्ततीति दस्सेति। एतासन्ति भिक्खुनीनं। ‘‘सञ्ञापयमाना’’ति इमिना सञ्ञापनं सञ्ञत्तीति वचनत्थं दस्सेति। हेतूदाहरणादीहीति एत्थ आदिसद्देन उपमादयो सङ्गण्हाति। ‘‘विविधेहि नयेहि ञापना’’ति इमिना विविधेहि ञापनं विञ्ञत्तीति वचनत्थं दस्सेति।
‘‘Abhibhūtā’’ti iminā ‘‘apakatā’’ti ettha karadhātu sabbadhātvatthavācīpi idha apapubbattā visesato abhibhavanatthe vattatīti dasseti. Etāsanti bhikkhunīnaṃ. ‘‘Saññāpayamānā’’ti iminā saññāpanaṃ saññattīti vacanatthaṃ dasseti. Hetūdāharaṇādīhīti ettha ādisaddena upamādayo saṅgaṇhāti. ‘‘Vividhehi nayehi ñāpanā’’ti iminā vividhehi ñāpanaṃ viññattīti vacanatthaṃ dasseti.
९४३. चङ्कमने पदवारगणनाय आपत्तिया न कारेतब्बोति आह ‘‘निवत्तनगणनाया’’ति। पदादिगणनायाति पदअनुपदादिगणनायाति। ततियं।
943. Caṅkamane padavāragaṇanāya āpattiyā na kāretabboti āha ‘‘nivattanagaṇanāyā’’ti. Padādigaṇanāyāti padaanupadādigaṇanāyāti. Tatiyaṃ.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / भिक्खुनीविभङ्ग • Bhikkhunīvibhaṅga / ३. ततियसिक्खापदं • 3. Tatiyasikkhāpadaṃ
अट्ठकथा • Aṭṭhakathā / विनयपिटक (अट्ठकथा) • Vinayapiṭaka (aṭṭhakathā) / भिक्खुनीविभङ्ग-अट्ठकथा • Bhikkhunīvibhaṅga-aṭṭhakathā / ३. ततियसिक्खापदवण्णना • 3. Tatiyasikkhāpadavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / वजिरबुद्धि-टीका • Vajirabuddhi-ṭīkā / ३. ततियसिक्खापदवण्णना • 3. Tatiyasikkhāpadavaṇṇanā
