| Library / Tipiṭaka / திபிடக • Tipiṭaka / பி⁴க்கு²னீவிப⁴ங்க³ • Bhikkhunīvibhaṅga |
3. ததியஸிக்கா²பத³ங்
3. Tatiyasikkhāpadaṃ
743. தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ ஆராமே. தேன கோ² பன ஸமயேன து²ல்லனந்தா³ பி⁴க்கு²னீ அஞ்ஞதராய பி⁴க்கு²னியா ஸத்³தி⁴ங் சீவரங் பரிவத்தெத்வா பரிபு⁴ஞ்ஜி. அத² கோ² ஸா பி⁴க்கு²னீ தங் சீவரங் ஸங்க⁴ரித்வா 1 நிக்கி²பி. து²ல்லனந்தா³ பி⁴க்கு²னீ தங் பி⁴க்கு²னிங் ஏதத³வோச – ‘‘யங் தே, அய்யே, மயா ஸத்³தி⁴ங் சீவரங் பரிவத்திதங், கஹங் தங் சீவர’’ந்தி? அத² கோ² ஸா பி⁴க்கு²னீ தங் சீவரங் நீஹரித்வா து²ல்லனந்தா³ய பி⁴க்கு²னியா த³ஸ்ஸேஸி. து²ல்லனந்தா³ பி⁴க்கு²னீ தங் பி⁴க்கு²னிங் ஏதத³வோச – ‘‘ஹந்தா³ய்யே, துய்ஹங் சீவரங், ஆஹர மே’தங் சீவரங், யங் துய்ஹங் துய்ஹமேவேதங், யங் மய்ஹங் மய்ஹமேவேதங், ஆஹர மே’தங், ஸகங் பச்சாஹரா’’தி அச்சி²ந்தி³. அத² கோ² ஸா பி⁴க்கு²னீ பி⁴க்கு²னீனங் ஏதமத்த²ங் ஆரோசேஸி. யா தா பி⁴க்கு²னியோ அப்பிச்சா²…பே॰… தா உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம அய்யா து²ல்லனந்தா³ பி⁴க்கு²னியா ஸத்³தி⁴ங் சீவரங் பரிவத்தெத்வா அச்சி²ந்தி³ஸ்ஸதீ’’தி! அத² கோ² தா பி⁴க்கு²னியோ பி⁴க்கூ²னங் ஏதமத்த²ங் ஆரோசேஸுங். பி⁴க்கூ² ப⁴க³வதோ ஏதமத்த²ங் ஆராசேஸுங்…பே॰… ஸச்சங் கிர, பி⁴க்க²வே, து²ல்லனந்தா³ பி⁴க்கு²னீ பி⁴க்கு²னியா ஸத்³தி⁴ங் சீவரங் பரிவத்தெத்வா அச்சி²ந்த³தீதி 2? ‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம, பி⁴க்க²வே, து²ல்லனந்தா³ பி⁴க்கு²னீ பி⁴க்கு²னியா ஸத்³தி⁴ங் சீவரங் பரிவத்தெத்வா அச்சி²ந்தி³ஸ்ஸதி! நேதங், பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, பி⁴க்கு²னியோ இமங் ஸிக்கா²பத³ங் உத்³தி³ஸந்து –
743. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena thullanandā bhikkhunī aññatarāya bhikkhuniyā saddhiṃ cīvaraṃ parivattetvā paribhuñji. Atha kho sā bhikkhunī taṃ cīvaraṃ saṅgharitvā 3 nikkhipi. Thullanandā bhikkhunī taṃ bhikkhuniṃ etadavoca – ‘‘yaṃ te, ayye, mayā saddhiṃ cīvaraṃ parivattitaṃ, kahaṃ taṃ cīvara’’nti? Atha kho sā bhikkhunī taṃ cīvaraṃ nīharitvā thullanandāya bhikkhuniyā dassesi. Thullanandā bhikkhunī taṃ bhikkhuniṃ etadavoca – ‘‘handāyye, tuyhaṃ cīvaraṃ, āhara me’taṃ cīvaraṃ, yaṃ tuyhaṃ tuyhamevetaṃ, yaṃ mayhaṃ mayhamevetaṃ, āhara me’taṃ, sakaṃ paccāharā’’ti acchindi. Atha kho sā bhikkhunī bhikkhunīnaṃ etamatthaṃ ārocesi. Yā tā bhikkhuniyo appicchā…pe… tā ujjhāyanti khiyyanti vipācenti – ‘‘kathañhi nāma ayyā thullanandā bhikkhuniyā saddhiṃ cīvaraṃ parivattetvā acchindissatī’’ti! Atha kho tā bhikkhuniyo bhikkhūnaṃ etamatthaṃ ārocesuṃ. Bhikkhū bhagavato etamatthaṃ ārācesuṃ…pe… saccaṃ kira, bhikkhave, thullanandā bhikkhunī bhikkhuniyā saddhiṃ cīvaraṃ parivattetvā acchindatīti 4? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave, thullanandā bhikkhunī bhikkhuniyā saddhiṃ cīvaraṃ parivattetvā acchindissati! Netaṃ, bhikkhave, appasannānaṃ vā pasādāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
744. ‘‘யா பன பி⁴க்கு²னீ பி⁴க்கு²னியா ஸத்³தி⁴ங் சீவரங் பரிவத்தெத்வா ஸா பச்சா² ஏவங் வதெ³ய்ய – ‘ஹந்தா³ய்யே, துய்ஹங் சீவரங் ஆஹர, மேதங் சீவரங், யங் துய்ஹங் துய்ஹமேவேதங், யங் மய்ஹங் மய்ஹமேவேதங், ஆஹர மேதங், ஸகங் பச்சாஹரா’தி அச்சி²ந்தெ³ய்ய வா அச்சி²ந்தா³பெய்ய வா, நிஸ்ஸக்³கி³யங் பாசித்திய’’ந்தி.
744.‘‘Yāpana bhikkhunī bhikkhuniyā saddhiṃ cīvaraṃ parivattetvā sā pacchā evaṃ vadeyya – ‘handāyye, tuyhaṃ cīvaraṃ āhara, metaṃ cīvaraṃ, yaṃ tuyhaṃ tuyhamevetaṃ, yaṃ mayhaṃ mayhamevetaṃ, āhara metaṃ, sakaṃ paccāharā’ti acchindeyya vā acchindāpeyya vā, nissaggiyaṃ pācittiya’’nti.
745. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.
745.Yā panāti yā yādisā…pe… bhikkhunīti…pe… ayaṃ imasmiṃ atthe adhippetā bhikkhunīti.
பி⁴க்கு²னியா ஸத்³தி⁴ந்தி அஞ்ஞாய பி⁴க்கு²னியா ஸத்³தி⁴ங்.
Bhikkhuniyā saddhinti aññāya bhikkhuniyā saddhiṃ.
சீவரங் நாம ச²ன்னங் சீவரானங் அஞ்ஞதரங் சீவரங் விகப்பனுபக³ங் பச்சி²மங்.
Cīvaraṃ nāma channaṃ cīvarānaṃ aññataraṃ cīvaraṃ vikappanupagaṃ pacchimaṃ.
பரிவத்தெத்வாதி பரித்தேன வா விபுலங், விபுலேன வா பரித்தங்.
Parivattetvāti parittena vā vipulaṃ, vipulena vā parittaṃ.
அச்சி²ந்தெ³ய்யாதி ஸயங் அச்சி²ந்த³தி நிஸ்ஸக்³கி³யங் பாசித்தியங்.
Acchindeyyāti sayaṃ acchindati nissaggiyaṃ pācittiyaṃ.
அச்சி²ந்தா³பெய்யாதி அஞ்ஞங் ஆணாபேதி, ஆபத்தி து³க்கடஸ்ஸ. ஸகிங் ஆணத்தா ப³ஹுகம்பி அச்சி²ந்த³தி, நிஸ்ஸக்³கி³யங் ஹோதி. நிஸ்ஸஜ்ஜிதப்³ப³ங் ஸங்க⁴ஸ்ஸ வா க³ணஸ்ஸ வா ஏகபி⁴க்கு²னியா வா. ஏவஞ்ச பன, பி⁴க்க²வே, நிஸ்ஸஜ்ஜிதப்³ப³ங்…பே॰… ‘‘இத³ங் மே அய்யே சீவரங் பி⁴க்கு²னியா ஸத்³தி⁴ங் பரிவத்தெத்வா அச்சி²ன்னங் நிஸ்ஸக்³கி³யங், இமாஹங் ஸங்க⁴ஸ்ஸ நிஸ்ஸஜ்ஜாமீ’’தி…பே॰… த³தெ³ய்யாதி…பே॰… த³தெ³ய்யுந்தி…பே॰… அய்யாய த³ம்மீதி.
Acchindāpeyyāti aññaṃ āṇāpeti, āpatti dukkaṭassa. Sakiṃ āṇattā bahukampi acchindati, nissaggiyaṃ hoti. Nissajjitabbaṃ saṅghassa vā gaṇassa vā ekabhikkhuniyā vā. Evañca pana, bhikkhave, nissajjitabbaṃ…pe… ‘‘idaṃ me ayye cīvaraṃ bhikkhuniyā saddhiṃ parivattetvā acchinnaṃ nissaggiyaṃ, imāhaṃ saṅghassa nissajjāmī’’ti…pe… dadeyyāti…pe… dadeyyunti…pe… ayyāya dammīti.
746. உபஸம்பன்னாய உபஸம்பன்னஸஞ்ஞா சீவரங் பரிவத்தெத்வா அச்சி²ந்த³தி வா அச்சி²ந்தா³பேதி வா, நிஸ்ஸக்³கி³யங் பாசித்தியங். உபஸம்பன்னாய வேமதிகா சீவரங் பரிவத்தெத்வா அச்சி²ந்த³தி வா அச்சி²ந்தா³பேதி வா, நிஸ்ஸக்³கி³யங் பாசித்தியங். உபஸம்பன்னாய அனுபஸம்பன்னஸஞ்ஞா சீவரங் பரிவத்தெத்வா அச்சி²ந்த³தி வா அச்சி²ந்தா³பேதி வா, நிஸ்ஸக்³கி³யங் பாசித்தியங்.
746. Upasampannāya upasampannasaññā cīvaraṃ parivattetvā acchindati vā acchindāpeti vā, nissaggiyaṃ pācittiyaṃ. Upasampannāya vematikā cīvaraṃ parivattetvā acchindati vā acchindāpeti vā, nissaggiyaṃ pācittiyaṃ. Upasampannāya anupasampannasaññā cīvaraṃ parivattetvā acchindati vā acchindāpeti vā, nissaggiyaṃ pācittiyaṃ.
அஞ்ஞங் பரிக்கா²ரங் பரிவத்தெத்வா அச்சி²ந்த³தி வா அச்சி²ந்தா³பேதி வா, ஆபத்தி து³க்கடஸ்ஸ. அனுபஸம்பன்னாய ஸத்³தி⁴ங் சீவரங் வா அஞ்ஞங் வா பரிக்கா²ரங் பரிவத்தெத்வா அச்சி²ந்த³தி வா அச்சி²ந்தா³பேதி வா, ஆபத்தி து³க்கடஸ்ஸ. அனுபஸம்பன்னாய உபஸம்பன்னஸஞ்ஞா, ஆபத்தி து³க்கடஸ்ஸ. அனுபஸம்பன்னாய வேமதிகா, ஆபத்தி து³க்கடஸ்ஸ. அனுபஸம்பன்னாய அனுபஸம்பன்னஸஞ்ஞா, ஆபத்தி து³க்கடஸ்ஸ.
Aññaṃ parikkhāraṃ parivattetvā acchindati vā acchindāpeti vā, āpatti dukkaṭassa. Anupasampannāya saddhiṃ cīvaraṃ vā aññaṃ vā parikkhāraṃ parivattetvā acchindati vā acchindāpeti vā, āpatti dukkaṭassa. Anupasampannāya upasampannasaññā, āpatti dukkaṭassa. Anupasampannāya vematikā, āpatti dukkaṭassa. Anupasampannāya anupasampannasaññā, āpatti dukkaṭassa.
747. அனாபத்தி ஸா வா தே³தி, தஸ்ஸா வா விஸ்ஸஸந்தீ க³ண்ஹாதி, உம்மத்திகாய, ஆதி³கம்மிகாயாதி.
747. Anāpatti sā vā deti, tassā vā vissasantī gaṇhāti, ummattikāya, ādikammikāyāti.
ததியஸிக்கா²பத³ங் நிட்டி²தங்.
Tatiyasikkhāpadaṃ niṭṭhitaṃ.
Footnotes:
Related texts:
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / பி⁴க்கு²னீவிப⁴ங்க³-அட்ட²கதா² • Bhikkhunīvibhaṅga-aṭṭhakathā / ததியனிஸ்ஸக்³கி³யபாசித்தியஸிக்கா²பத³வண்ணனா • Tatiyanissaggiyapācittiyasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 3. நிஸ்ஸக்³கி³யகண்ட³ங் (பி⁴க்கு²னீவிப⁴ங்க³வண்ணனா) • 3. Nissaggiyakaṇḍaṃ (bhikkhunīvibhaṅgavaṇṇanā)
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 3. ததியனிஸ்ஸக்³கி³யபாசித்தியஸிக்கா²பத³வண்ணனா • 3. Tatiyanissaggiyapācittiyasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 2. து³தியனிஸ்ஸக்³கி³யாதி³பாசித்தியஸிக்கா²பத³வண்ணனா • 2. Dutiyanissaggiyādipācittiyasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 3. ததியனிஸ்ஸக்³கி³யபாசித்தியஸிக்கா²பத³ங் • 3. Tatiyanissaggiyapācittiyasikkhāpadaṃ
