| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༥. ཏཏིཡསཏྟཀསུཏྟཾ
5. Tatiyasattakasuttaṃ
༢༥. ‘‘སཏྟ ཝོ, བྷིཀྑཝེ, ཨཔརིཧཱནིཡེ དྷམྨེ དེསེསྶཱམི། ཏཾ སུཎཱཐ, སཱདྷུཀཾ མནསི ཀརོཐ…པེ॰… ཀཏམེ ཙ, བྷིཀྑཝེ, སཏྟ ཨཔརིཧཱནིཡཱ དྷམྨཱ? ཡཱཝཀཱིཝཉྩ, བྷིཀྑཝེ, བྷིཀྑཱུ སདྡྷཱ བྷཝིསྶནྟི; ཝུདྡྷིཡེཝ, བྷིཀྑཝེ, བྷིཀྑཱུནཾ པཱཊིཀངྑཱ, ནོ པརིཧཱནི།
25. ‘‘Satta vo, bhikkhave, aparihāniye dhamme desessāmi. Taṃ suṇātha, sādhukaṃ manasi karotha…pe… katame ca, bhikkhave, satta aparihāniyā dhammā? Yāvakīvañca, bhikkhave, bhikkhū saddhā bhavissanti; vuddhiyeva, bhikkhave, bhikkhūnaṃ pāṭikaṅkhā, no parihāni.
‘‘ཡཱཝཀཱིཝཉྩ , བྷིཀྑཝེ, བྷིཀྑཱུ ཧིརིམནྟོ 1 བྷཝིསྶནྟི…པེ॰… ཨོཏྟཔྤིནོ 2 བྷཝིསྶནྟི… བཧུསྶུཏཱ བྷཝིསྶནྟི… ཨཱརདྡྷཝཱིརིཡཱ བྷཝིསྶནྟི… སཏིམནྟོ བྷཝིསྶནྟི… པཉྙཝནྟོ བྷཝིསྶནྟི; ཝུདྡྷིཡེཝ, བྷིཀྑཝེ, བྷིཀྑཱུནཾ པཱཊིཀངྑཱ, ནོ པརིཧཱནི། ‘‘ཡཱཝཀཱིཝཉྩ, བྷིཀྑཝེ, ཨིམེ སཏྟ ཨཔརིཧཱནིཡཱ དྷམྨཱ བྷིཀྑཱུསུ ཋསྶནྟི, ཨིམེསུ ཙ སཏྟསུ ཨཔརིཧཱནིཡེསུ དྷམྨེསུ བྷིཀྑཱུ སནྡིསྶིསྶནྟི; ཝུདྡྷིཡེཝ, བྷིཀྑཝེ, བྷིཀྑཱུནཾ པཱཊིཀངྑཱ, ནོ པརིཧཱནཱི’’ཏི། པཉྩམཾ།
‘‘Yāvakīvañca , bhikkhave, bhikkhū hirimanto 3 bhavissanti…pe… ottappino 4 bhavissanti… bahussutā bhavissanti… āraddhavīriyā bhavissanti… satimanto bhavissanti… paññavanto bhavissanti; vuddhiyeva, bhikkhave, bhikkhūnaṃ pāṭikaṅkhā, no parihāni. ‘‘Yāvakīvañca, bhikkhave, ime satta aparihāniyā dhammā bhikkhūsu ṭhassanti, imesu ca sattasu aparihāniyesu dhammesu bhikkhū sandississanti; vuddhiyeva, bhikkhave, bhikkhūnaṃ pāṭikaṅkhā, no parihānī’’ti. Pañcamaṃ.
Footnotes:
Related texts:
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༤-༦. དུཏིཡསཏྟཀསུཏྟཱདིཝཎྞནཱ • 4-6. Dutiyasattakasuttādivaṇṇanā
