| Library / Tipiṭaka / തിപിടക • Tipiṭaka / സംയുത്തനികായ (ടീകാ) • Saṃyuttanikāya (ṭīkā) |
൪. തതിയസംഖിത്തസുത്തവണ്ണനാ
4. Tatiyasaṃkhittasuttavaṇṇanā
൪൮൪. സീലക്ഖന്ധാദീഹി സദ്ധിന്ദ്രിയാദീഹി ച പരിതോ പൂരണേന പരിപൂരം അരഹത്തമഗ്ഗം കരോന്തോ നിപ്ഫത്തിതോ അരഹത്തഫലം ആരാധേതി നിപ്ഫാദേതി. തയോ പദേസമഗ്ഗേതി സീലക്ഖന്ധാദീനം അപാരിപൂരിയാ ഏകദേസഭൂതേ തയോ ഹേട്ഠിമമഗ്ഗേ. പദേസം ഹേട്ഠിമഫലത്തയം. ചതൂസൂതി ഇമസ്മിം വഗ്ഗേ പഠമാദീസു ചതൂസു സുത്തേസു. കാമഞ്ചേത്ഥ തതിയേ ‘‘തതോതി ഫലവസേന നിസ്സക്ക’’ന്തി വുത്തം, ചതുത്ഥേ ‘‘പരിപൂരം പരിപൂരകാരീ ആരാധേതി, പദേസം പദേസകാരീ’’തി, ‘‘ചതൂസുപി സുത്തേസു മിസ്സകാനേവ ഇന്ദ്രിയാനി കഥിതാനീ’’തി പന വചനതോ വിപസ്സനാവസേനപി യോജനാ ലബ്ഭതേവാതി ദട്ഠബ്ബം.
484. Sīlakkhandhādīhi saddhindriyādīhi ca parito pūraṇena paripūraṃ arahattamaggaṃ karonto nipphattito arahattaphalaṃ ārādheti nipphādeti. Tayo padesamaggeti sīlakkhandhādīnaṃ apāripūriyā ekadesabhūte tayo heṭṭhimamagge. Padesaṃ heṭṭhimaphalattayaṃ. Catūsūti imasmiṃ vagge paṭhamādīsu catūsu suttesu. Kāmañcettha tatiye ‘‘tatoti phalavasena nissakka’’nti vuttaṃ, catutthe ‘‘paripūraṃ paripūrakārī ārādheti, padesaṃ padesakārī’’ti, ‘‘catūsupi suttesu missakāneva indriyāni kathitānī’’ti pana vacanato vipassanāvasenapi yojanā labbhatevāti daṭṭhabbaṃ.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൪. തതിയസംഖിത്തസുത്തം • 4. Tatiyasaṃkhittasuttaṃ
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / സംയുത്തനികായ (അട്ഠകഥാ) • Saṃyuttanikāya (aṭṭhakathā) / ൪. തതിയസംഖിത്തസുത്തവണ്ണനാ • 4. Tatiyasaṃkhittasuttavaṇṇanā
