| Library / Tipiṭaka / តិបិដក • Tipiṭaka / សំយុត្តនិកាយ (ដីកា) • Saṃyuttanikāya (ṭīkā) |
៤. តតិយសំខិត្តសុត្តវណ្ណនា
4. Tatiyasaṃkhittasuttavaṇṇanā
៤៨៤. សីលក្ខន្ធាទីហិ សទ្ធិន្ទ្រិយាទីហិ ច បរិតោ បូរណេន បរិបូរំ អរហត្តមគ្គំ ករោន្តោ និប្ផត្តិតោ អរហត្តផលំ អារាធេតិ និប្ផាទេតិ។ តយោ បទេសមគ្គេតិ សីលក្ខន្ធាទីនំ អបារិបូរិយា ឯកទេសភូតេ តយោ ហេដ្ឋិមមគ្គេ។ បទេសំ ហេដ្ឋិមផលត្តយំ។ ចតូសូតិ ឥមស្មិំ វគ្គេ បឋមាទីសុ ចតូសុ សុត្តេសុ។ កាមញ្ចេត្ថ តតិយេ ‘‘តតោតិ ផលវសេន និស្សក្ក’’ន្តិ វុត្តំ, ចតុត្ថេ ‘‘បរិបូរំ បរិបូរការី អារាធេតិ, បទេសំ បទេសការី’’តិ, ‘‘ចតូសុបិ សុត្តេសុ មិស្សកានេវ ឥន្ទ្រិយានិ កថិតានី’’តិ បន វចនតោ វិបស្សនាវសេនបិ យោជនា លព្ភតេវាតិ ទដ្ឋព្ពំ។
484. Sīlakkhandhādīhi saddhindriyādīhi ca parito pūraṇena paripūraṃ arahattamaggaṃ karonto nipphattito arahattaphalaṃ ārādheti nipphādeti. Tayo padesamaggeti sīlakkhandhādīnaṃ apāripūriyā ekadesabhūte tayo heṭṭhimamagge. Padesaṃ heṭṭhimaphalattayaṃ. Catūsūti imasmiṃ vagge paṭhamādīsu catūsu suttesu. Kāmañcettha tatiye ‘‘tatoti phalavasena nissakka’’nti vuttaṃ, catutthe ‘‘paripūraṃ paripūrakārī ārādheti, padesaṃ padesakārī’’ti, ‘‘catūsupi suttesu missakāneva indriyāni kathitānī’’ti pana vacanato vipassanāvasenapi yojanā labbhatevāti daṭṭhabbaṃ.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ៤. តតិយសំខិត្តសុត្តំ • 4. Tatiyasaṃkhittasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ៤. តតិយសំខិត្តសុត្តវណ្ណនា • 4. Tatiyasaṃkhittasuttavaṇṇanā
