| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
৪. ততিযসংখিত্তসুত্তৰণ্ণনা
4. Tatiyasaṃkhittasuttavaṇṇanā
৪৮৪. সীলক্খন্ধাদীহি সদ্ধিন্দ্রিযাদীহি চ পরিতো পূরণেন পরিপূরং অরহত্তমগ্গং করোন্তো নিপ্ফত্তিতো অরহত্তফলং আরাধেতি নিপ্ফাদেতি। তযো পদেসমগ্গেতি সীলক্খন্ধাদীনং অপারিপূরিযা একদেসভূতে তযো হেট্ঠিমমগ্গে। পদেসং হেট্ঠিমফলত্তযং। চতূসূতি ইমস্মিং ৰগ্গে পঠমাদীসু চতূসু সুত্তেসু। কামঞ্চেত্থ ততিযে ‘‘ততোতি ফলৰসেন নিস্সক্ক’’ন্তি ৰুত্তং, চতুত্থে ‘‘পরিপূরং পরিপূরকারী আরাধেতি, পদেসং পদেসকারী’’তি, ‘‘চতূসুপি সুত্তেসু মিস্সকানেৰ ইন্দ্রিযানি কথিতানী’’তি পন ৰচনতো ৰিপস্সনাৰসেনপি যোজনা লব্ভতেৰাতি দট্ঠব্বং।
484. Sīlakkhandhādīhi saddhindriyādīhi ca parito pūraṇena paripūraṃ arahattamaggaṃ karonto nipphattito arahattaphalaṃ ārādheti nipphādeti. Tayo padesamaggeti sīlakkhandhādīnaṃ apāripūriyā ekadesabhūte tayo heṭṭhimamagge. Padesaṃ heṭṭhimaphalattayaṃ. Catūsūti imasmiṃ vagge paṭhamādīsu catūsu suttesu. Kāmañcettha tatiye ‘‘tatoti phalavasena nissakka’’nti vuttaṃ, catutthe ‘‘paripūraṃ paripūrakārī ārādheti, padesaṃ padesakārī’’ti, ‘‘catūsupi suttesu missakāneva indriyāni kathitānī’’ti pana vacanato vipassanāvasenapi yojanā labbhatevāti daṭṭhabbaṃ.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৪. ততিযসংখিত্তসুত্তং • 4. Tatiyasaṃkhittasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৪. ততিযসংখিত্তসুত্তৰণ্ণনা • 4. Tatiyasaṃkhittasuttavaṇṇanā
