| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༤. ཏཏིཡསཾཁིཏྟསུཏྟཾ
4. Tatiyasaṃkhittasuttaṃ
༤༨༤. ‘‘པཉྩིམཱནི , བྷིཀྑཝེ, ཨིནྡྲིཡཱནི། ཀཏམཱནི པཉྩ? སདྡྷིནྡྲིཡཾ…པེ॰… པཉྙིནྡྲིཡཾ – ཨིམཱནི ཁོ, བྷིཀྑཝེ, པཉྩིནྡྲིཡཱནི། ཨིམེསཾ ཁོ, བྷིཀྑཝེ, པཉྩནྣཾ ཨིནྡྲིཡཱནཾ སམཏྟཱ པརིཔཱུརཏྟཱ ཨརཧཾ ཧོཏི, ཏཏོ མུདུཏརེཧི ཨནཱགཱམཱི ཧོཏི, ཏཏོ མུདུཏརེཧི སཀདཱགཱམཱི ཧོཏི, ཏཏོ མུདུཏརེཧི སོཏཱཔནྣོ ཧོཏི, ཏཏོ མུདུཏརེཧི དྷམྨཱནུསཱརཱི ཧོཏི, ཏཏོ མུདུཏརེཧི སདྡྷཱནུསཱརཱི ཧོཏི། ཨིཏི ཁོ, བྷིཀྑཝེ, པརིཔཱུརཾ པརིཔཱུརཀཱརཱི ཨཱརཱདྷེཏི, པདེསཾ པདེསཀཱརཱི ཨཱརཱདྷེཏི། ‘ཨཝཉྫྷཱནི ཏྭེཝཱཧཾ, བྷིཀྑཝེ, པཉྩིནྡྲིཡཱནཱི’ཏི ཝདཱམཱི’’ཏི། ཙཏུཏྠཾ།
484. ‘‘Pañcimāni , bhikkhave, indriyāni. Katamāni pañca? Saddhindriyaṃ…pe… paññindriyaṃ – imāni kho, bhikkhave, pañcindriyāni. Imesaṃ kho, bhikkhave, pañcannaṃ indriyānaṃ samattā paripūrattā arahaṃ hoti, tato mudutarehi anāgāmī hoti, tato mudutarehi sakadāgāmī hoti, tato mudutarehi sotāpanno hoti, tato mudutarehi dhammānusārī hoti, tato mudutarehi saddhānusārī hoti. Iti kho, bhikkhave, paripūraṃ paripūrakārī ārādheti, padesaṃ padesakārī ārādheti. ‘Avañjhāni tvevāhaṃ, bhikkhave, pañcindriyānī’ti vadāmī’’ti. Catutthaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༤. ཏཏིཡསཾཁིཏྟསུཏྟཝཎྞནཱ • 4. Tatiyasaṃkhittasuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༤. ཏཏིཡསཾཁིཏྟསུཏྟཝཎྞནཱ • 4. Tatiyasaṃkhittasuttavaṇṇanā
