| Library / Tipiṭaka / ਤਿਪਿਟਕ • Tipiṭaka / વਿਮਾਨવਤ੍ਥੁਪਾਲ਼ਿ • Vimānavatthupāḷi |
੩. ਤਤਿਯਪੀਠવਿਮਾਨવਤ੍ਥੁ
3. Tatiyapīṭhavimānavatthu
੧੫.
15.
‘‘ਪੀਠਂ ਤੇ ਸੋવਣ੍ਣਮਯਂ ਉਲ਼ਾਰਂ, ਮਨੋਜવਂ ਗਚ੍ਛਤਿ ਯੇਨਕਾਮਂ।
‘‘Pīṭhaṃ te sovaṇṇamayaṃ uḷāraṃ, manojavaṃ gacchati yenakāmaṃ;
ਅਲਙ੍ਕਤੇ ਮਲ੍ਯਧਰੇ ਸੁવਤ੍ਥੇ, ਓਭਾਸਸਿ વਿਜ੍ਜੁਰਿવਬ੍ਭਕੂਟਂ॥
Alaṅkate malyadhare suvatthe, obhāsasi vijjurivabbhakūṭaṃ.
੧੬.
16.
‘‘ਕੇਨ ਤੇਤਾਦਿਸੋ વਣ੍ਣੋ, ਕੇਨ ਤੇ ਇਧ ਮਿਜ੍ਝਤਿ।
‘‘Kena tetādiso vaṇṇo, kena te idha mijjhati;
ਉਪ੍ਪਜ੍ਜਨ੍ਤਿ ਚ ਤੇ ਭੋਗਾ, ਯੇ ਕੇਚਿ ਮਨਸੋ ਪਿਯਾ॥
Uppajjanti ca te bhogā, ye keci manaso piyā.
੧੭.
17.
‘‘ਪੁਚ੍ਛਾਮਿ ਤਂ ਦੇવਿ ਮਹਾਨੁਭਾવੇ, ਮਨੁਸ੍ਸਭੂਤਾ ਕਿਮਕਾਸਿ ਪੁਞ੍ਞਂ।
‘‘Pucchāmi taṃ devi mahānubhāve, manussabhūtā kimakāsi puññaṃ;
ਕੇਨਾਸਿ ਏવਂ ਜਲਿਤਾਨੁਭਾવਾ, વਣ੍ਣੋ ਚ ਤੇ ਸਬ੍ਬਦਿਸਾ ਪਭਾਸਤੀ’’ਤਿ॥
Kenāsi evaṃ jalitānubhāvā, vaṇṇo ca te sabbadisā pabhāsatī’’ti.
੧੮.
18.
ਸਾ ਦੇવਤਾ ਅਤ੍ਤਮਨਾ, ਮੋਗ੍ਗਲ੍ਲਾਨੇਨ ਪੁਚ੍ਛਿਤਾ।
Sā devatā attamanā, moggallānena pucchitā;
ਪਞ੍ਹਂ ਪੁਟ੍ਠਾ વਿਯਾਕਾਸਿ, ਯਸ੍ਸ ਕਮ੍ਮਸ੍ਸਿਦਂ ਫਲਂ॥
Pañhaṃ puṭṭhā viyākāsi, yassa kammassidaṃ phalaṃ.
੧੯.
19.
ਅਹਂ ਮਨੁਸ੍ਸੇਸੁ ਮਨੁਸ੍ਸਭੂਤਾ, ਪੁਰਿਮਾਯ ਜਾਤਿਯਾ ਮਨੁਸ੍ਸਲੋਕੇ॥
Ahaṃ manussesu manussabhūtā, purimāya jātiyā manussaloke.
੨੦.
20.
‘‘ਅਦ੍ਦਸਂ વਿਰਜਂ ਭਿਕ੍ਖੁਂ, વਿਪ੍ਪਸਨ੍ਨਮਨਾવਿਲਂ।
‘‘Addasaṃ virajaṃ bhikkhuṃ, vippasannamanāvilaṃ;
ਤਸ੍ਸ ਅਦਾਸਹਂ ਪੀਠਂ, ਪਸਨ੍ਨਾ ਸੇਹਿ ਪਾਣਿਭਿ॥
Tassa adāsahaṃ pīṭhaṃ, pasannā sehi pāṇibhi.
੨੧.
21.
‘‘ਤੇਨ ਮੇਤਾਦਿਸੋ વਣ੍ਣੋ, ਤੇਨ ਮੇ ਇਧ ਮਿਜ੍ਝਤਿ।
‘‘Tena metādiso vaṇṇo, tena me idha mijjhati;
ਉਪ੍ਪਜ੍ਜਨ੍ਤਿ ਚ ਮੇ ਭੋਗਾ, ਯੇ ਕੇਚਿ ਮਨਸੋ ਪਿਯਾ॥
Uppajjanti ca me bhogā, ye keci manaso piyā.
੨੨.
22.
‘‘ਅਕ੍ਖਾਮਿ ਤੇ ਭਿਕ੍ਖੁ ਮਹਾਨੁਭਾવ, ਮਨੁਸ੍ਸਭੂਤਾ ਯਮਕਾਸਿ ਪੁਞ੍ਞਂ।
‘‘Akkhāmi te bhikkhu mahānubhāva, manussabhūtā yamakāsi puññaṃ;
ਤੇਨਮ੍ਹਿ ਏવਂ ਜਲਿਤਾਨੁਭਾવਾ, વਣ੍ਣੋ ਚ ਮੇ ਸਬ੍ਬਦਿਸਾ ਪਭਾਸਤੀ’’ਤਿ॥
Tenamhi evaṃ jalitānubhāvā, vaṇṇo ca me sabbadisā pabhāsatī’’ti.
ਤਤਿਯਪੀਠવਿਮਾਨਂ ਤਤਿਯਂ।
Tatiyapīṭhavimānaṃ tatiyaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / વਿਮਾਨવਤ੍ਥੁ-ਅਟ੍ਠਕਥਾ • Vimānavatthu-aṭṭhakathā / ੩. ਤਤਿਯਪੀਠવਿਮਾਨવਣ੍ਣਨਾ • 3. Tatiyapīṭhavimānavaṇṇanā
