| Library / Tipiṭaka / ਤਿਪਿਟਕ • Tipiṭaka / ਕਙ੍ਖਾવਿਤਰਣੀ-ਅਭਿਨવ-ਟੀਕਾ • Kaṅkhāvitaraṇī-abhinava-ṭīkā |
੩. ਤਤਿਯਪਾਟਿਦੇਸਨੀਯਸਿਕ੍ਖਾਪਦવਣ੍ਣਨਾ
3. Tatiyapāṭidesanīyasikkhāpadavaṇṇanā
ਲਦ੍ਧਸੇਕ੍ਖਸਮ੍ਮੁਤਿਕਾਨੀਤਿ ਞਤ੍ਤਿਦੁਤਿਯੇਨ ਕਮ੍ਮੇਨ ਲਦ੍ਧਸੇਕ੍ਖਸਮ੍ਮੁਤਿਕਾਨਿ। ਯਞ੍ਹਿ ਕੁਲਂ ਸਦ੍ਧਾਯ વਡ੍ਢਤਿ, ਭੋਗੇਨ ਹਾਯਤਿ, ਏવਰੂਪਸ੍ਸ ਕੁਲਸ੍ਸ ਞਤ੍ਤਿਦੁਤਿਯੇਨ ਕਮ੍ਮੇਨ ਸੇਕ੍ਖਸਮ੍ਮੁਤਿਂ ਦੇਨ੍ਤਿ, ਤਂ ਸਨ੍ਧਾਯੇਤਂ વੁਤ੍ਤਂ।
Laddhasekkhasammutikānīti ñattidutiyena kammena laddhasekkhasammutikāni. Yañhi kulaṃ saddhāya vaḍḍhati, bhogena hāyati, evarūpassa kulassa ñattidutiyena kammena sekkhasammutiṃ denti, taṃ sandhāyetaṃ vuttaṃ.
ਘਰਤੋ ਨੀਹਰਿਤ੍વਾਤਿ ਘਰਤੋ ਆਸਨਸਾਲਂ વਾ વਿਹਾਰਂ વਾ ਆਨੇਤ੍વਾ। ਤੇਨਾਹ ‘‘ਆਸਨਸਾਲਾਦੀਸੁ વਾ’’ਤਿ। ਇਮਸ੍ਸ ‘‘ਦੇਨ੍ਤੀ’’ਤਿ ਇਮਿਨਾ ਸਮ੍ਬਨ੍ਧੋ। ਦ੍વਾਰਮੂਲੇ વਾ ਠਪਿਤਂ ਦੇਨ੍ਤੀਤਿ ਦ੍વਾਰਮੂਲੇ ਠਪਿਤਂ ਪਚ੍ਛਾ ਸਮ੍ਪਤ੍ਤਸ੍ਸ ਦੇਨ੍ਤਿ। ਭਿਕ੍ਖੁਂ ਪਨ ਦਿਸ੍વਾ ਅਨ੍ਤੋਗੇਹਤੋ ਨੀਹਰਿਤ੍વਾ ਦਿਯ੍ਯਮਾਨਂ ਨ વਟ੍ਟਤਿ। ਨਿਚ੍ਚਭਤ੍ਤਕੇਤਿ ਨਿਚ੍ਚਂ ਦਾਤਬ੍ਬਭਤ੍ਤਕੇ। ਸਲਾਕਭਤ੍ਤੇਤਿ ਰੁਕ੍ਖਸਾਰਮਯਾਯ ਸਲਾਕਾਯ વਾ વੇਲ਼ੁવਿਲੀવਤਾਲਪਣ੍ਣਾਦਿਮਯਾਯ ਪਟ੍ਟਿਕਾਯ વਾ ‘‘ਅਸੁਕਸ੍ਸ ਨਾਮ ਸਲਾਕਭਤ੍ਤ’’ਨ੍ਤਿ ਏવਂ ਅਕ੍ਖਰਾਨਿ ਉਪਨਿਬਨ੍ਧਿਤ੍વਾ ਗਾਹਾਪੇਤ੍વਾ ਦਾਤਬ੍ਬਭਤ੍ਤੇ। ਪਕ੍ਖਿਕੇਤਿ ਏਕਸ੍ਮਿਂ ਪਕ੍ਖੇ ਏਕਦਿવਸੇ ਦਾਤਬ੍ਬਭਤ੍ਤੇ। ਉਪੋਸਥਿਕੇਤਿ ਉਪੋਸਥੇ ਦਾਤਬ੍ਬਭਤ੍ਤੇ। ਪਾਟਿਪਦਿਕੇਤਿ ਪਾਟਿਪਦਦਿવਸੇ ਦਾਤਬ੍ਬਭਤ੍ਤੇ।
Gharato nīharitvāti gharato āsanasālaṃ vā vihāraṃ vā ānetvā. Tenāha ‘‘āsanasālādīsu vā’’ti. Imassa ‘‘dentī’’ti iminā sambandho. Dvāramūle vā ṭhapitaṃ dentīti dvāramūle ṭhapitaṃ pacchā sampattassa denti. Bhikkhuṃ pana disvā antogehato nīharitvā diyyamānaṃ na vaṭṭati. Niccabhattaketi niccaṃ dātabbabhattake. Salākabhatteti rukkhasāramayāya salākāya vā veḷuvilīvatālapaṇṇādimayāya paṭṭikāya vā ‘‘asukassa nāma salākabhatta’’nti evaṃ akkharāni upanibandhitvā gāhāpetvā dātabbabhatte. Pakkhiketi ekasmiṃ pakkhe ekadivase dātabbabhatte. Uposathiketi uposathe dātabbabhatte. Pāṭipadiketi pāṭipadadivase dātabbabhatte.
ਤਤਿਯਪਾਟਿਦੇਸਨੀਯਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Tatiyapāṭidesanīyasikkhāpadavaṇṇanā niṭṭhitā.
