| Library / Tipiṭaka / តិបិដក • Tipiṭaka / បាចិត្យាទិយោជនាបាឡិ • Pācityādiyojanāpāḷi |
៣. តតិយបារាជិកសិក្ខាបទំ
3. Tatiyapārājikasikkhāpadaṃ
៦៦៩. តតិយេ អស្សាតិ ‘‘ធម្មេន វិនយេនា’’តិ បទស្ស។ បទភាជនំ វុត្តន្តិ សម្ពន្ធោ។ ញត្តិសម្បទា ចេវ អនុសាវនសម្បទា ច សត្ថុសាសនំ នាមាតិ ទស្សេន្តោ អាហ ‘‘ញត្តិ…បេ.… សម្បទាយ ចា’’តិ។ សត្ថុសាសនេនាតិ ច សត្ថុ អាណាយ។ កម្មន្តិ ឧក្ខេបនីយកម្មំ។ តត្ថាតិ សង្ឃេ។ ‘‘វចនំ នាទិយតី’’តិអាទីសុ វិយ សង្ឃំ វា នាទិយតីតិ ឯត្ថ នាទិយនំ នាម នានុវត្តនមេវាតិ អាហ ‘‘នានុវត្តតី’’តិ។ តត្ថាតិ សង្ឃាទីសុ។ អយំ តាវ សំវាសោតិ សហ ភិក្ខូ វសន្តិ ឯត្ថាតិ សំវាសោតិ អត្ថេន អយំ ឯកកម្មាទិ សំវាសោ នាម។ ‘‘សហ អយនភាវេនា’’តិឥមិនា សហ អយន្តិ បវត្តន្តីតិ សហាយាតិ វចនត្ថំ ទស្សេតិ។ តេតិ ភិក្ខូ។ យេហិ ចាតិ ភិក្ខូហិ ច។ តស្សាតិ ឧក្ខិត្តកស្ស។ តេនាតិ ឧក្ខិត្តកេន។ អត្តនោតិ ឧក្ខិត្តកស្សាតិ។ តតិយំ។
669. Tatiye assāti ‘‘dhammena vinayenā’’ti padassa. Padabhājanaṃ vuttanti sambandho. Ñattisampadā ceva anusāvanasampadā ca satthusāsanaṃ nāmāti dassento āha ‘‘ñatti…pe… sampadāya cā’’ti. Satthusāsanenāti ca satthu āṇāya. Kammanti ukkhepanīyakammaṃ. Tatthāti saṅghe. ‘‘Vacanaṃ nādiyatī’’tiādīsu viya saṅghaṃ vā nādiyatīti ettha nādiyanaṃ nāma nānuvattanamevāti āha ‘‘nānuvattatī’’ti. Tatthāti saṅghādīsu. Ayaṃ tāva saṃvāsoti saha bhikkhū vasanti etthāti saṃvāsoti atthena ayaṃ ekakammādi saṃvāso nāma. ‘‘Saha ayanabhāvenā’’tiiminā saha ayanti pavattantīti sahāyāti vacanatthaṃ dasseti. Teti bhikkhū. Yehi cāti bhikkhūhi ca. Tassāti ukkhittakassa. Tenāti ukkhittakena. Attanoti ukkhittakassāti. Tatiyaṃ.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / ភិក្ខុនីវិភង្គ • Bhikkhunīvibhaṅga / ៣. តតិយបារាជិកំ • 3. Tatiyapārājikaṃ
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / ភិក្ខុនីវិភង្គ-អដ្ឋកថា • Bhikkhunīvibhaṅga-aṭṭhakathā / ៣. តតិយបារាជិកសិក្ខាបទវណ្ណនា • 3. Tatiyapārājikasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / ៣. តតិយបារាជិកសិក្ខាបទវណ្ណនា • 3. Tatiyapārājikasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / ២. វជ្ជបដិច្ឆាទិកសិក្ខាបទវណ្ណនា • 2. Vajjapaṭicchādikasikkhāpadavaṇṇanā
