| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༩. ཏཏིཡཔཱཔདྷམྨསུཏྟཾ
9. Tatiyapāpadhammasuttaṃ
༢༠༩. ‘‘པཱཔདྷམྨཉྩ ཝོ, བྷིཀྑཝེ, དེསེསྶཱམི, པཱཔདྷམྨེན པཱཔདྷམྨཏརཉྩ; ཀལྱཱཎདྷམྨཉྩ, ཀལྱཱཎདྷམྨེན ཀལྱཱཎདྷམྨཏརཉྩ། ཏཾ སུཎཱཐ…པེ॰…།
209. ‘‘Pāpadhammañca vo, bhikkhave, desessāmi, pāpadhammena pāpadhammatarañca; kalyāṇadhammañca, kalyāṇadhammena kalyāṇadhammatarañca. Taṃ suṇātha…pe….
‘‘ཀཏམོ ཙ, བྷིཀྑཝེ, པཱཔདྷམྨོ? ཨིདྷ, བྷིཀྑཝེ, ཨེཀཙྩོ པཱཎཱཏིཔཱཏཱི ཧོཏི…པེ॰… མིཙྪཱདིཊྛིཀོ ཧོཏི། ཨཡཾ ཝུཙྩཏི, བྷིཀྑཝེ, པཱཔདྷམྨོ།
‘‘Katamo ca, bhikkhave, pāpadhammo? Idha, bhikkhave, ekacco pāṇātipātī hoti…pe… micchādiṭṭhiko hoti. Ayaṃ vuccati, bhikkhave, pāpadhammo.
‘‘ཀཏམོ ཙ, བྷིཀྑཝེ, པཱཔདྷམྨེན པཱཔདྷམྨཏརོ? ཨིདྷ བྷིཀྑཝེ, ཨེཀཙྩོ ཨཏྟནཱ ཙ པཱཎཱཏིཔཱཏཱི ཧོཏི, པརཉྩ པཱཎཱཏིཔཱཏེ སམཱདཔེཏི…པེ॰… ཨཏྟནཱ ཙ མིཙྪཱདིཊྛིཀོ ཧོཏི, པརཉྩ མིཙྪཱདིཊྛིཡཱ སམཱདཔེཏི། ཨཡཾ ཝུཙྩཏི, བྷིཀྑཝེ, པཱཔདྷམྨེན པཱཔདྷམྨཏརོ།
‘‘Katamo ca, bhikkhave, pāpadhammena pāpadhammataro? Idha bhikkhave, ekacco attanā ca pāṇātipātī hoti, parañca pāṇātipāte samādapeti…pe… attanā ca micchādiṭṭhiko hoti, parañca micchādiṭṭhiyā samādapeti. Ayaṃ vuccati, bhikkhave, pāpadhammena pāpadhammataro.
‘‘ཀཏམོ ཙ, བྷིཀྑཝེ, ཀལྱཱཎདྷམྨོ? ཨིདྷ, བྷིཀྑཝེ, ཨེཀཙྩོ པཱཎཱཏིཔཱཏཱ པཊིཝིརཏོ ཧོཏི…པེ॰… སམྨཱདིཊྛིཀོ ཧོཏི། ཨཡཾ ཝུཙྩཏི, བྷིཀྑཝེ, ཀལྱཱཎདྷམྨོ།
‘‘Katamo ca, bhikkhave, kalyāṇadhammo? Idha, bhikkhave, ekacco pāṇātipātā paṭivirato hoti…pe… sammādiṭṭhiko hoti. Ayaṃ vuccati, bhikkhave, kalyāṇadhammo.
‘‘ཀཏམོ ཙ, བྷིཀྑཝེ, ཀལྱཱཎདྷམྨེན ཀལྱཱཎདྷམྨཏརོ? ཨིདྷ, བྷིཀྑཝེ, ཨེཀཙྩོ ཨཏྟནཱ ཙ པཱཎཱཏིཔཱཏཱ པཊིཝིརཏོ ཧོཏི, པརཉྩ པཱཎཱཏིཔཱཏཱ ཝེརམཎིཡཱ སམཱདཔེཏི…པེ॰… ཨཏྟནཱ ཙ སམྨཱདིཊྛིཀོ ཧོཏི, པརཉྩ སམྨཱདིཊྛིཡཱ སམཱདཔེཏི། ཨཡཾ ཝུཙྩཏི, བྷིཀྑཝེ, ཀལྱཱཎདྷམྨེན ཀལྱཱཎདྷམྨཏརོ’’ཏི། ནཝམཾ།
‘‘Katamo ca, bhikkhave, kalyāṇadhammena kalyāṇadhammataro? Idha, bhikkhave, ekacco attanā ca pāṇātipātā paṭivirato hoti, parañca pāṇātipātā veramaṇiyā samādapeti…pe… attanā ca sammādiṭṭhiko hoti, parañca sammādiṭṭhiyā samādapeti. Ayaṃ vuccati, bhikkhave, kalyāṇadhammena kalyāṇadhammataro’’ti. Navamaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༧-༡༠. པཱཔདྷམྨསུཏྟཙཏུཀྐཝཎྞནཱ • 7-10. Pāpadhammasuttacatukkavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༡-༡༠. སིཀྑཱཔདསུཏྟཱདིཝཎྞནཱ • 1-10. Sikkhāpadasuttādivaṇṇanā
