| Library / Tipiṭaka / तिपिटक • Tipiṭaka / संयुत्तनिकाय (टीका) • Saṃyuttanikāya (ṭīkā) |
८. ततियओवादसुत्तवण्णना
8. Tatiyaovādasuttavaṇṇanā
१५१. पुब्बेति पठमबोधियं। एतरहीति ततो पच्छिमे काले। कारणपट्ठपनेति कारणारम्भे। तेसु वुत्तगुणयुत्तेसु थेरेसु। तस्मिन्ति तस्मिं यथावुत्तगुणयुत्ते पुग्गले। एवं सक्कारे कयिरमानेति ‘‘भद्दको वतायं भिक्खू’’ति आदरजातेहि भिक्खूहि सक्कारे कयिरमाने। इमे सब्रह्मचारी। ‘‘एहि भिक्खू’’ति तं भिक्खुं अत्तनो मुखाभिमुखं करोन्ता वदन्ति। यञ्हि तन्ति एत्थ तन्ति निपातमत्तं उपद्दवोति वुच्चति अनत्थजननतो। पत्थयति भजति बज्झतीति पत्थना, अभिसङ्गोति आह ‘‘अभिपत्थनाति अधिमत्तपत्थना’’ति।
151.Pubbeti paṭhamabodhiyaṃ. Etarahīti tato pacchime kāle. Kāraṇapaṭṭhapaneti kāraṇārambhe. Tesu vuttaguṇayuttesu theresu. Tasminti tasmiṃ yathāvuttaguṇayutte puggale. Evaṃ sakkāre kayiramāneti ‘‘bhaddako vatāyaṃ bhikkhū’’ti ādarajātehi bhikkhūhi sakkāre kayiramāne. Ime sabrahmacārī. ‘‘Ehi bhikkhū’’ti taṃ bhikkhuṃ attano mukhābhimukhaṃ karontā vadanti. Yañhi tanti ettha tanti nipātamattaṃ upaddavoti vuccati anatthajananato. Patthayati bhajati bajjhatīti patthanā, abhisaṅgoti āha ‘‘abhipatthanāti adhimattapatthanā’’ti.
ततियओवादसुत्तवण्णना निट्ठिता।
Tatiyaovādasuttavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / ८. ततियओवादसुत्तं • 8. Tatiyaovādasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / ८. ततियओवादसुत्तवण्णना • 8. Tatiyaovādasuttavaṇṇanā
