| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
১৩. ততিযমোরনিৰাপসুত্তং
13. Tatiyamoranivāpasuttaṃ
১৪৬. ‘‘তীহি, ভিক্খৰে, ধম্মেহি সমন্নাগতো ভিক্খু অচ্চন্তনিট্ঠো হোতি অচ্চন্তযোগক্খেমী অচ্চন্তব্রহ্মচারী অচ্চন্তপরিযোসানো সেট্ঠো দেৰমনুস্সানং। কতমেহি তীহি? সম্মাদিট্ঠিযা, সম্মাঞাণেন, সম্মাৰিমুত্তিযা – ইমেহি খো, ভিক্খৰে, তীহি ধম্মেহি সমন্নাগতো ভিক্খু অচ্চন্তনিট্ঠো হোতি অচ্চন্তযোগক্খেমী অচ্চন্তব্রহ্মচারী অচ্চন্তপরিযোসানো সেট্ঠো দেৰমনুস্সান’’ন্তি। তেরসমং।
146. ‘‘Tīhi, bhikkhave, dhammehi samannāgato bhikkhu accantaniṭṭho hoti accantayogakkhemī accantabrahmacārī accantapariyosāno seṭṭho devamanussānaṃ. Katamehi tīhi? Sammādiṭṭhiyā, sammāñāṇena, sammāvimuttiyā – imehi kho, bhikkhave, tīhi dhammehi samannāgato bhikkhu accantaniṭṭho hoti accantayogakkhemī accantabrahmacārī accantapariyosāno seṭṭho devamanussāna’’nti. Terasamaṃ.
যোধাজীৰৰগ্গো চুদ্দসমো।
Yodhājīvavaggo cuddasamo.
তস্সুদ্দানং –
Tassuddānaṃ –
যোধো পরিসমিত্তঞ্চ, উপ্পাদা কেসকম্বলো।
Yodho parisamittañca, uppādā kesakambalo;
সম্পদা ৰুদ্ধি তযো, অস্সা তযো মোরনিৰাপিনোতি॥
Sampadā vuddhi tayo, assā tayo moranivāpinoti.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ১৩. ততিযমোরনিৰাপসুত্তৰণ্ণনা • 13. Tatiyamoranivāpasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ১১-১৩. পঠমমোরনিৰাপসুত্তাদিৰণ্ণনা • 11-13. Paṭhamamoranivāpasuttādivaṇṇanā
