| Library / Tipiṭaka / തിപിടക • Tipiṭaka / സംയുത്തനികായ (ടീകാ) • Saṃyuttanikāya (ṭīkā) |
൧൦. തതിയചേതനാസുത്തവണ്ണനാ
10. Tatiyacetanāsuttavaṇṇanā
൪൦. രൂപാദീസു ഛസു ആരമ്മണേസു. തേന ചേത്ഥ ഭവത്തയം സങ്ഗണ്ഹാതി ഛളാരമ്മണപരിയാപന്നത്താ. തസ്സേവ ഭവത്തയസ്സ പത്ഥനാ പണിധാനാദിവസേന നതി നാമ. ആഗതിമ്ഹി ഗതീതി പച്ചുപട്ഠാനവസേന അഭിമുഖം ഗതി പവത്തി ഏതസ്മാതി ആഗതി, കമ്മാദിനിമിത്തം. തസ്മിം പടിസന്ധിവിഞ്ഞാണസ്സ ഗതി പവത്തി നിബ്ബത്തി ഹോതി. തേനാഹ ‘‘ആഗതേ’’തിആദി. ചുതൂപപാതോതി ചവനം ചുതി, മരണം. ഉപപജ്ജനം നിബ്ബത്തി, ഉപപാതോ. ചുതിതോ ഉപപാതോ പുനരുപ്പാദോ. തേനാഹ ‘‘ഏവം വിഞ്ഞാണസ്സാ’’തിആദി. ഇതോതി നിബ്ബത്തഭവതോ. തത്ഥാതി പുനബ്ഭവസങ്ഖാതേ ആയതിഭവേ. ഏകോവ സന്ധീതി ഏകോ ഹേതുഫലസന്ധി ഏവ കഥിതോ.
40.Rūpādīsu chasu ārammaṇesu. Tena cettha bhavattayaṃ saṅgaṇhāti chaḷārammaṇapariyāpannattā. Tasseva bhavattayassa patthanā paṇidhānādivasena nati nāma. Āgatimhi gatīti paccupaṭṭhānavasena abhimukhaṃ gati pavatti etasmāti āgati, kammādinimittaṃ. Tasmiṃ paṭisandhiviññāṇassa gati pavatti nibbatti hoti. Tenāha ‘‘āgate’’tiādi. Cutūpapātoti cavanaṃ cuti, maraṇaṃ. Upapajjanaṃ nibbatti, upapāto. Cutito upapāto punaruppādo. Tenāha ‘‘evaṃ viññāṇassā’’tiādi. Itoti nibbattabhavato. Tatthāti punabbhavasaṅkhāte āyatibhave. Ekova sandhīti eko hetuphalasandhi eva kathito.
തതിയചേതനാസുത്തവണ്ണനാ നിട്ഠിതാ.
Tatiyacetanāsuttavaṇṇanā niṭṭhitā.
കളാരഖത്തിയവഗ്ഗവണ്ണനാ നിട്ഠിതാ.
Kaḷārakhattiyavaggavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൧൦. തതിയചേതനാസുത്തം • 10. Tatiyacetanāsuttaṃ
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / സംയുത്തനികായ (അട്ഠകഥാ) • Saṃyuttanikāya (aṭṭhakathā) / ൧൦. തതിയചേതനാസുത്തവണ്ണനാ • 10. Tatiyacetanāsuttavaṇṇanā
