| Library / Tipiṭaka / तिपिटक • Tipiṭaka / संयुत्तनिकाय (टीका) • Saṃyuttanikāya (ṭīkā) |
१०. ततियचेतनासुत्तवण्णना
10. Tatiyacetanāsuttavaṇṇanā
४०. रूपादीसु छसु आरम्मणेसु। तेन चेत्थ भवत्तयं सङ्गण्हाति छळारम्मणपरियापन्नत्ता। तस्सेव भवत्तयस्स पत्थना पणिधानादिवसेन नति नाम। आगतिम्हि गतीति पच्चुपट्ठानवसेन अभिमुखं गति पवत्ति एतस्माति आगति, कम्मादिनिमित्तं। तस्मिं पटिसन्धिविञ्ञाणस्स गति पवत्ति निब्बत्ति होति। तेनाह ‘‘आगते’’तिआदि। चुतूपपातोति चवनं चुति, मरणं। उपपज्जनं निब्बत्ति, उपपातो। चुतितो उपपातो पुनरुप्पादो। तेनाह ‘‘एवं विञ्ञाणस्सा’’तिआदि। इतोति निब्बत्तभवतो। तत्थाति पुनब्भवसङ्खाते आयतिभवे। एकोव सन्धीति एको हेतुफलसन्धि एव कथितो।
40.Rūpādīsu chasu ārammaṇesu. Tena cettha bhavattayaṃ saṅgaṇhāti chaḷārammaṇapariyāpannattā. Tasseva bhavattayassa patthanā paṇidhānādivasena nati nāma. Āgatimhi gatīti paccupaṭṭhānavasena abhimukhaṃ gati pavatti etasmāti āgati, kammādinimittaṃ. Tasmiṃ paṭisandhiviññāṇassa gati pavatti nibbatti hoti. Tenāha ‘‘āgate’’tiādi. Cutūpapātoti cavanaṃ cuti, maraṇaṃ. Upapajjanaṃ nibbatti, upapāto. Cutito upapāto punaruppādo. Tenāha ‘‘evaṃ viññāṇassā’’tiādi. Itoti nibbattabhavato. Tatthāti punabbhavasaṅkhāte āyatibhave. Ekova sandhīti eko hetuphalasandhi eva kathito.
ततियचेतनासुत्तवण्णना निट्ठिता।
Tatiyacetanāsuttavaṇṇanā niṭṭhitā.
कळारखत्तियवग्गवण्णना निट्ठिता।
Kaḷārakhattiyavaggavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / १०. ततियचेतनासुत्तं • 10. Tatiyacetanāsuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / १०. ततियचेतनासुत्तवण्णना • 10. Tatiyacetanāsuttavaṇṇanā
