| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
১০. ততিযচেতনাসুত্তৰণ্ণনা
10. Tatiyacetanāsuttavaṇṇanā
৪০. রূপাদীসু ছসু আরম্মণেসু। তেন চেত্থ ভৰত্তযং সঙ্গণ্হাতি ছল়ারম্মণপরিযাপন্নত্তা। তস্সেৰ ভৰত্তযস্স পত্থনা পণিধানাদিৰসেন নতি নাম। আগতিম্হি গতীতি পচ্চুপট্ঠানৰসেন অভিমুখং গতি পৰত্তি এতস্মাতি আগতি, কম্মাদিনিমিত্তং। তস্মিং পটিসন্ধিৰিঞ্ঞাণস্স গতি পৰত্তি নিব্বত্তি হোতি। তেনাহ ‘‘আগতে’’তিআদি। চুতূপপাতোতি চৰনং চুতি, মরণং। উপপজ্জনং নিব্বত্তি, উপপাতো। চুতিতো উপপাতো পুনরুপ্পাদো। তেনাহ ‘‘এৰং ৰিঞ্ঞাণস্সা’’তিআদি। ইতোতি নিব্বত্তভৰতো। তত্থাতি পুনব্ভৰসঙ্খাতে আযতিভৰে। একোৰ সন্ধীতি একো হেতুফলসন্ধি এৰ কথিতো।
40.Rūpādīsu chasu ārammaṇesu. Tena cettha bhavattayaṃ saṅgaṇhāti chaḷārammaṇapariyāpannattā. Tasseva bhavattayassa patthanā paṇidhānādivasena nati nāma. Āgatimhi gatīti paccupaṭṭhānavasena abhimukhaṃ gati pavatti etasmāti āgati, kammādinimittaṃ. Tasmiṃ paṭisandhiviññāṇassa gati pavatti nibbatti hoti. Tenāha ‘‘āgate’’tiādi. Cutūpapātoti cavanaṃ cuti, maraṇaṃ. Upapajjanaṃ nibbatti, upapāto. Cutito upapāto punaruppādo. Tenāha ‘‘evaṃ viññāṇassā’’tiādi. Itoti nibbattabhavato. Tatthāti punabbhavasaṅkhāte āyatibhave. Ekova sandhīti eko hetuphalasandhi eva kathito.
ততিযচেতনাসুত্তৰণ্ণনা নিট্ঠিতা।
Tatiyacetanāsuttavaṇṇanā niṭṭhitā.
কল়ারখত্তিযৰগ্গৰণ্ণনা নিট্ঠিতা।
Kaḷārakhattiyavaggavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ১০. ততিযচেতনাসুত্তং • 10. Tatiyacetanāsuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ১০. ততিযচেতনাসুত্তৰণ্ণনা • 10. Tatiyacetanāsuttavaṇṇanā
