| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੧੦. ਤਤਿਯਚੇਤਨਾਸੁਤ੍ਤਂ
10. Tatiyacetanāsuttaṃ
੪੦. ਸਾવਤ੍ਥਿਯਂ વਿਹਰਤਿ…ਪੇ॰… ‘‘ਯਞ੍ਚ , ਭਿਕ੍ਖવੇ, ਚੇਤੇਤਿ ਯਞ੍ਚ ਪਕਪ੍ਪੇਤਿ ਯਞ੍ਚ ਅਨੁਸੇਤਿ ਆਰਮ੍ਮਣਮੇਤਂ ਹੋਤਿ વਿਞ੍ਞਾਣਸ੍ਸ ਠਿਤਿਯਾ। ਆਰਮ੍ਮਣੇ ਸਤਿ ਪਤਿਟ੍ਠਾ વਿਞ੍ਞਾਣਸ੍ਸ ਹੋਤਿ। ਤਸ੍ਮਿਂ ਪਤਿਟ੍ਠਿਤੇ વਿਞ੍ਞਾਣੇ વਿਰੂਲ਼੍ਹੇ ਨਤਿ ਹੋਤਿ। ਨਤਿਯਾ ਸਤਿ ਆਗਤਿਗਤਿ ਹੋਤਿ। ਆਗਤਿਗਤਿਯਾ ਸਤਿ ਚੁਤੂਪਪਾਤੋ ਹੋਤਿ। ਚੁਤੂਪਪਾਤੇ ਸਤਿ ਆਯਤਿਂ ਜਾਤਿਜਰਾਮਰਣਂ ਸੋਕਪਰਿਦੇવਦੁਕ੍ਖਦੋਮਨਸ੍ਸੁਪਾਯਾਸਾ ਸਮ੍ਭવਨ੍ਤਿ। ਏવਮੇਤਸ੍ਸ ਕੇવਲਸ੍ਸ ਦੁਕ੍ਖਕ੍ਖਨ੍ਧਸ੍ਸ ਸਮੁਦਯੋ ਹੋਤਿ’’।
40. Sāvatthiyaṃ viharati…pe… ‘‘yañca , bhikkhave, ceteti yañca pakappeti yañca anuseti ārammaṇametaṃ hoti viññāṇassa ṭhitiyā. Ārammaṇe sati patiṭṭhā viññāṇassa hoti. Tasmiṃ patiṭṭhite viññāṇe virūḷhe nati hoti. Natiyā sati āgatigati hoti. Āgatigatiyā sati cutūpapāto hoti. Cutūpapāte sati āyatiṃ jātijarāmaraṇaṃ sokaparidevadukkhadomanassupāyāsā sambhavanti. Evametassa kevalassa dukkhakkhandhassa samudayo hoti’’.
‘‘ਨੋ ਚੇ, ਭਿਕ੍ਖવੇ, ਚੇਤੇਤਿ ਨੋ ਚੇ ਪਕਪ੍ਪੇਤਿ ਅਥ ਚੇ ਅਨੁਸੇਤਿ, ਆਰਮ੍ਮਣਮੇਤਂ ਹੋਤਿ વਿਞ੍ਞਾਣਸ੍ਸ ਠਿਤਿਯਾ। ਆਰਮ੍ਮਣੇ ਸਤਿ ਪਤਿਟ੍ਠਾ વਿਞ੍ਞਾਣਸ੍ਸ ਹੋਤਿ। ਤਸ੍ਮਿਂ ਪਤਿਟ੍ਠਿਤੇ વਿਞ੍ਞਾਣੇ વਿਰੂਲ਼੍ਹੇ ਨਤਿ ਹੋਤਿ। ਨਤਿਯਾ ਸਤਿ ਆਗਤਿਗਤਿ ਹੋਤਿ। ਆਗਤਿਗਤਿਯਾ ਸਤਿ ਚੁਤੂਪਪਾਤੋ ਹੋਤਿ। ਚੁਤੂਪਪਾਤੇ ਸਤਿ ਆਯਤਿਂ ਜਾਤਿਜਰਾਮਰਣਂ ਸੋਕਪਰਿਦੇવਦੁਕ੍ਖਦੋਮਨਸ੍ਸੁਪਾਯਾਸਾ ਸਮ੍ਭવਨ੍ਤਿ। ਏવਮੇਤਸ੍ਸ ਕੇવਲਸ੍ਸ ਦੁਕ੍ਖਕ੍ਖਨ੍ਧਸ੍ਸ ਸਮੁਦਯੋ ਹੋਤਿ।
‘‘No ce, bhikkhave, ceteti no ce pakappeti atha ce anuseti, ārammaṇametaṃ hoti viññāṇassa ṭhitiyā. Ārammaṇe sati patiṭṭhā viññāṇassa hoti. Tasmiṃ patiṭṭhite viññāṇe virūḷhe nati hoti. Natiyā sati āgatigati hoti. Āgatigatiyā sati cutūpapāto hoti. Cutūpapāte sati āyatiṃ jātijarāmaraṇaṃ sokaparidevadukkhadomanassupāyāsā sambhavanti. Evametassa kevalassa dukkhakkhandhassa samudayo hoti.
‘‘ਯਤੋ ਚ ਖੋ, ਭਿਕ੍ਖવੇ, ਨੋ ਚੇવ ਚੇਤੇਤਿ ਨੋ ਚ ਪਕਪ੍ਪੇਤਿ ਨੋ ਚ ਅਨੁਸੇਤਿ, ਆਰਮ੍ਮਣਮੇਤਂ ਨ ਹੋਤਿ વਿਞ੍ਞਾਣਸ੍ਸ ਠਿਤਿਯਾ। ਆਰਮ੍ਮਣੇ ਅਸਤਿ ਪਤਿਟ੍ਠਾ વਿਞ੍ਞਾਣਸ੍ਸ ਨ ਹੋਤਿ। ਤਦਪ੍ਪਤਿਟ੍ਠਿਤੇ વਿਞ੍ਞਾਣੇ ਅવਿਰੂਲ਼੍ਹੇ ਨਤਿ ਨ ਹੋਤਿ। ਨਤਿਯਾ ਅਸਤਿ ਆਗਤਿਗਤਿ ਨ ਹੋਤਿ। ਆਗਤਿਗਤਿਯਾ ਅਸਤਿ ਚੁਤੂਪਪਾਤੋ ਨ ਹੋਤਿ। ਚੁਤੂਪਪਾਤੇ ਅਸਤਿ ਆਯਤਿਂ ਜਾਤਿ ਜਰਾਮਰਣਂ ਸੋਕਪਰਿਦੇવਦੁਕ੍ਖਦੋਮਨਸ੍ਸੁਪਾਯਾਸਾ ਨਿਰੁਜ੍ਝਨ੍ਤਿ। ਏવਮੇਤਸ੍ਸ ਕੇવਲਸ੍ਸ ਦੁਕ੍ਖਕ੍ਖਨ੍ਧਸ੍ਸ ਨਿਰੋਧੋ ਹੋਤੀ’’ਤਿ। ਦਸਮਂ।
‘‘Yato ca kho, bhikkhave, no ceva ceteti no ca pakappeti no ca anuseti, ārammaṇametaṃ na hoti viññāṇassa ṭhitiyā. Ārammaṇe asati patiṭṭhā viññāṇassa na hoti. Tadappatiṭṭhite viññāṇe avirūḷhe nati na hoti. Natiyā asati āgatigati na hoti. Āgatigatiyā asati cutūpapāto na hoti. Cutūpapāte asati āyatiṃ jāti jarāmaraṇaṃ sokaparidevadukkhadomanassupāyāsā nirujjhanti. Evametassa kevalassa dukkhakkhandhassa nirodho hotī’’ti. Dasamaṃ.
ਕਲ਼ਾਰਖਤ੍ਤਿਯવਗ੍ਗੋ ਚਤੁਤ੍ਥੋ।
Kaḷārakhattiyavaggo catuttho.
ਤਸ੍ਸੁਦ੍ਦਾਨਂ –
Tassuddānaṃ –
ਭੂਤਮਿਦਂ ਕਲ਼ਾਰਞ੍ਚ, ਦੁવੇ ਚ ਞਾਣવਤ੍ਥੂਨਿ।
Bhūtamidaṃ kaḷārañca, duve ca ñāṇavatthūni;
ਅવਿਜ੍ਜਾਪਚ੍ਚਯਾ ਚ ਦ੍વੇ, ਨਤੁਮ੍ਹਾ ਚੇਤਨਾ ਤਯੋਤਿ॥
Avijjāpaccayā ca dve, natumhā cetanā tayoti.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧੦. ਤਤਿਯਚੇਤਨਾਸੁਤ੍ਤવਣ੍ਣਨਾ • 10. Tatiyacetanāsuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧੦. ਤਤਿਯਚੇਤਨਾਸੁਤ੍ਤવਣ੍ਣਨਾ • 10. Tatiyacetanāsuttavaṇṇanā
