| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੯. ਤਤਿਯਅਨਾਗਤਭਯਸੁਤ੍ਤਂ
9. Tatiyaanāgatabhayasuttaṃ
੭੯. ‘‘ਪਞ੍ਚਿਮਾਨਿ , ਭਿਕ੍ਖવੇ, ਅਨਾਗਤਭਯਾਨਿ ਏਤਰਹਿ ਅਸਮੁਪ੍ਪਨ੍ਨਾਨਿ ਆਯਤਿਂ ਸਮੁਪ੍ਪਜ੍ਜਿਸ੍ਸਨ੍ਤਿ। ਤਾਨਿ વੋ 1 ਪਟਿਬੁਜ੍ਝਿਤਬ੍ਬਾਨਿ ; ਪਟਿਬੁਜ੍ਝਿਤ੍વਾ ਚ ਤੇਸਂ ਪਹਾਨਾਯ વਾਯਮਿਤਬ੍ਬਂ।
79. ‘‘Pañcimāni , bhikkhave, anāgatabhayāni etarahi asamuppannāni āyatiṃ samuppajjissanti. Tāni vo 2 paṭibujjhitabbāni ; paṭibujjhitvā ca tesaṃ pahānāya vāyamitabbaṃ.
‘‘ਕਤਮਾਨਿ ਪਞ੍ਚ? ਭવਿਸ੍ਸਨ੍ਤਿ, ਭਿਕ੍ਖવੇ, ਭਿਕ੍ਖੂ ਅਨਾਗਤਮਦ੍ਧਾਨਂ ਅਭਾવਿਤਕਾਯਾ ਅਭਾવਿਤਸੀਲਾ ਅਭਾવਿਤਚਿਤ੍ਤਾ ਅਭਾવਿਤਪਞ੍ਞਾ। ਤੇ ਅਭਾવਿਤਕਾਯਾ ਸਮਾਨਾ ਅਭਾવਿਤਸੀਲਾ ਅਭਾવਿਤਚਿਤ੍ਤਾ ਅਭਾવਿਤਪਞ੍ਞਾ ਅਞ੍ਞੇ ਉਪਸਮ੍ਪਾਦੇਸ੍ਸਨ੍ਤਿ। ਤੇਪਿ 3 ਨ ਸਕ੍ਖਿਸ੍ਸਨ੍ਤਿ વਿਨੇਤੁਂ ਅਧਿਸੀਲੇ ਅਧਿਚਿਤ੍ਤੇ ਅਧਿਪਞ੍ਞਾਯ। ਤੇਪਿ ਭવਿਸ੍ਸਨ੍ਤਿ ਅਭਾવਿਤਕਾਯਾ ਅਭਾવਿਤਸੀਲਾ ਅਭਾવਿਤਚਿਤ੍ਤਾ ਅਭਾવਿਤਪਞ੍ਞਾ। ਤੇ ਅਭਾવਿਤਕਾਯਾ ਸਮਾਨਾ ਅਭਾવਿਤਸੀਲਾ ਅਭਾવਿਤਚਿਤ੍ਤਾ ਅਭਾવਿਤਪਞ੍ਞਾ ਅਞ੍ਞੇ ਉਪਸਮ੍ਪਾਦੇਸ੍ਸਨ੍ਤਿ। ਤੇਪਿ 4 ਨ ਸਕ੍ਖਿਸ੍ਸਨ੍ਤਿ વਿਨੇਤੁਂ ਅਧਿਸੀਲੇ ਅਧਿਚਿਤ੍ਤੇ ਅਧਿਪਞ੍ਞਾਯ। ਤੇਪਿ ਭવਿਸ੍ਸਨ੍ਤਿ ਅਭਾવਿਤਕਾਯਾ ਅਭਾવਿਤਸੀਲਾ ਅਭਾવਿਤਚਿਤ੍ਤਾ ਅਭਾવਿਤਪਞ੍ਞਾ। ਇਤਿ ਖੋ, ਭਿਕ੍ਖવੇ, ਧਮ੍ਮਸਨ੍ਦੋਸਾ વਿਨਯਸਨ੍ਦੋਸੋ; વਿਨਯਸਨ੍ਦੋਸਾ ਧਮ੍ਮਸਨ੍ਦੋਸੋ। ਇਦਂ, ਭਿਕ੍ਖવੇ, ਪਠਮਂ ਅਨਾਗਤਭਯਂ ਏਤਰਹਿ ਅਸਮੁਪ੍ਪਨ੍ਨਂ ਆਯਤਿਂ ਸਮੁਪ੍ਪਜ੍ਜਿਸ੍ਸਤਿ। ਤਂ વੋ ਪਟਿਬੁਜ੍ਝਿਤਬ੍ਬਂ; ਪਟਿਬੁਜ੍ਝਿਤ੍વਾ ਚ ਤਸ੍ਸ ਪਹਾਨਾਯ વਾਯਮਿਤਬ੍ਬਂ।
‘‘Katamāni pañca? Bhavissanti, bhikkhave, bhikkhū anāgatamaddhānaṃ abhāvitakāyā abhāvitasīlā abhāvitacittā abhāvitapaññā. Te abhāvitakāyā samānā abhāvitasīlā abhāvitacittā abhāvitapaññā aññe upasampādessanti. Tepi 5 na sakkhissanti vinetuṃ adhisīle adhicitte adhipaññāya. Tepi bhavissanti abhāvitakāyā abhāvitasīlā abhāvitacittā abhāvitapaññā. Te abhāvitakāyā samānā abhāvitasīlā abhāvitacittā abhāvitapaññā aññe upasampādessanti. Tepi 6 na sakkhissanti vinetuṃ adhisīle adhicitte adhipaññāya. Tepi bhavissanti abhāvitakāyā abhāvitasīlā abhāvitacittā abhāvitapaññā. Iti kho, bhikkhave, dhammasandosā vinayasandoso; vinayasandosā dhammasandoso. Idaṃ, bhikkhave, paṭhamaṃ anāgatabhayaṃ etarahi asamuppannaṃ āyatiṃ samuppajjissati. Taṃ vo paṭibujjhitabbaṃ; paṭibujjhitvā ca tassa pahānāya vāyamitabbaṃ.
‘‘ਪੁਨ ਚਪਰਂ, ਭਿਕ੍ਖવੇ, ਭવਿਸ੍ਸਨ੍ਤਿ ਭਿਕ੍ਖੂ ਅਨਾਗਤਮਦ੍ਧਾਨਂ ਅਭਾવਿਤਕਾਯਾ ਅਭਾવਿਤਸੀਲਾ ਅਭਾવਿਤਚਿਤ੍ਤਾ ਅਭਾવਿਤਪਞ੍ਞਾ। ਤੇ ਅਭਾવਿਤਕਾਯਾ ਸਮਾਨਾ ਅਭਾવਿਤਸੀਲਾ ਅਭਾવਿਤਚਿਤ੍ਤਾ ਅਭਾવਿਤਪਞ੍ਞਾ ਅਞ੍ਞੇਸਂ ਨਿਸ੍ਸਯਂ ਦਸ੍ਸਨ੍ਤਿ। ਤੇਪਿ ਨ ਸਕ੍ਖਿਸ੍ਸਨ੍ਤਿ વਿਨੇਤੁਂ ਅਧਿਸੀਲੇ ਅਧਿਚਿਤ੍ਤੇ ਅਧਿਪਞ੍ਞਾਯ । ਤੇਪਿ ਭવਿਸ੍ਸਨ੍ਤਿ ਅਭਾવਿਤਕਾਯਾ ਅਭਾવਿਤਸੀਲਾ ਅਭਾવਿਤਚਿਤ੍ਤਾ ਅਭਾવਿਤਪਞ੍ਞਾ। ਤੇ ਅਭਾવਿਤਕਾਯਾ ਸਮਾਨਾ ਅਭਾવਿਤਸੀਲਾ ਅਭਾવਿਤਚਿਤ੍ਤਾ ਅਭਾવਿਤਪਞ੍ਞਾ ਅਞ੍ਞੇਸਂ ਨਿਸ੍ਸਯਂ ਦਸ੍ਸਨ੍ਤਿ। ਤੇਪਿ ਨ ਸਕ੍ਖਿਸ੍ਸਨ੍ਤਿ વਿਨੇਤੁਂ ਅਧਿਸੀਲੇ ਅਧਿਚਿਤ੍ਤੇ ਅਧਿਪਞ੍ਞਾਯ। ਤੇਪਿ ਭવਿਸ੍ਸਨ੍ਤਿ ਅਭਾવਿਤਕਾਯਾ ਅਭਾવਿਤਸੀਲਾ ਅਭਾવਿਤਚਿਤ੍ਤਾ ਅਭਾવਿਤਪਞ੍ਞਾ। ਇਤਿ ਖੋ, ਭਿਕ੍ਖવੇ, ਧਮ੍ਮਸਨ੍ਦੋਸਾ વਿਨਯਸਨ੍ਦੋਸੋ; વਿਨਯਸਨ੍ਦੋਸਾ ਧਮ੍ਮਸਨ੍ਦੋਸੋ। ਇਦਂ, ਭਿਕ੍ਖવੇ, ਦੁਤਿਯਂ ਅਨਾਗਤਭਯਂ ਏਤਰਹਿ ਅਸਮੁਪ੍ਪਨ੍ਨਂ ਆਯਤਿਂ ਸਮੁਪ੍ਪਜ੍ਜਿਸ੍ਸਤਿ। ਤਂ વੋ ਪਟਿਬੁਜ੍ਝਿਤਬ੍ਬਂ; ਪਟਿਬੁਜ੍ਝਿਤ੍વਾ ਚ ਤਸ੍ਸ ਪਹਾਨਾਯ વਾਯਮਿਤਬ੍ਬਂ।
‘‘Puna caparaṃ, bhikkhave, bhavissanti bhikkhū anāgatamaddhānaṃ abhāvitakāyā abhāvitasīlā abhāvitacittā abhāvitapaññā. Te abhāvitakāyā samānā abhāvitasīlā abhāvitacittā abhāvitapaññā aññesaṃ nissayaṃ dassanti. Tepi na sakkhissanti vinetuṃ adhisīle adhicitte adhipaññāya . Tepi bhavissanti abhāvitakāyā abhāvitasīlā abhāvitacittā abhāvitapaññā. Te abhāvitakāyā samānā abhāvitasīlā abhāvitacittā abhāvitapaññā aññesaṃ nissayaṃ dassanti. Tepi na sakkhissanti vinetuṃ adhisīle adhicitte adhipaññāya. Tepi bhavissanti abhāvitakāyā abhāvitasīlā abhāvitacittā abhāvitapaññā. Iti kho, bhikkhave, dhammasandosā vinayasandoso; vinayasandosā dhammasandoso. Idaṃ, bhikkhave, dutiyaṃ anāgatabhayaṃ etarahi asamuppannaṃ āyatiṃ samuppajjissati. Taṃ vo paṭibujjhitabbaṃ; paṭibujjhitvā ca tassa pahānāya vāyamitabbaṃ.
‘‘ਪੁਨ ਚਪਰਂ, ਭਿਕ੍ਖવੇ, ਭવਿਸ੍ਸਨ੍ਤਿ ਭਿਕ੍ਖੂ ਅਨਾਗਤਮਦ੍ਧਾਨਂ ਅਭਾવਿਤਕਾਯਾ ਅਭਾવਿਤਸੀਲਾ ਅਭਾવਿਤਚਿਤ੍ਤਾ ਅਭਾવਿਤਪਞ੍ਞਾ। ਤੇ ਅਭਾવਿਤਕਾਯਾ ਸਮਾਨਾ ਅਭਾવਿਤਸੀਲਾ ਅਭਾવਿਤਚਿਤ੍ਤਾ ਅਭਾવਿਤਪਞ੍ਞਾ ਅਭਿਧਮ੍ਮਕਥਂ વੇਦਲ੍ਲਕਥਂ ਕਥੇਨ੍ਤਾ ਕਣ੍ਹਧਮ੍ਮਂ ਓਕ੍ਕਮਮਾਨਾ ਨ ਬੁਜ੍ਝਿਸ੍ਸਨ੍ਤਿ। ਇਤਿ ਖੋ, ਭਿਕ੍ਖવੇ, ਧਮ੍ਮਸਨ੍ਦੋਸਾ વਿਨਯਸਨ੍ਦੋਸੋ; વਿਨਯਸਨ੍ਦੋਸਾ ਧਮ੍ਮਸਨ੍ਦੋਸੋ। ਇਦਂ, ਭਿਕ੍ਖવੇ, ਤਤਿਯਂ ਅਨਾਗਤਭਯਂ ਏਤਰਹਿ ਅਸਮੁਪ੍ਪਨ੍ਨਂ ਆਯਤਿਂ ਸਮੁਪ੍ਪਜ੍ਜਿਸ੍ਸਤਿ। ਤਂ વੋ ਪਟਿਬੁਜ੍ਝਿਤਬ੍ਬਂ; ਪਟਿਬੁਜ੍ਝਿਤ੍વਾ ਚ ਤਸ੍ਸ ਪਹਾਨਾਯ વਾਯਮਿਤਬ੍ਬਂ।
‘‘Puna caparaṃ, bhikkhave, bhavissanti bhikkhū anāgatamaddhānaṃ abhāvitakāyā abhāvitasīlā abhāvitacittā abhāvitapaññā. Te abhāvitakāyā samānā abhāvitasīlā abhāvitacittā abhāvitapaññā abhidhammakathaṃ vedallakathaṃ kathentā kaṇhadhammaṃ okkamamānā na bujjhissanti. Iti kho, bhikkhave, dhammasandosā vinayasandoso; vinayasandosā dhammasandoso. Idaṃ, bhikkhave, tatiyaṃ anāgatabhayaṃ etarahi asamuppannaṃ āyatiṃ samuppajjissati. Taṃ vo paṭibujjhitabbaṃ; paṭibujjhitvā ca tassa pahānāya vāyamitabbaṃ.
‘‘ਪੁਨ ਚਪਰਂ, ਭਿਕ੍ਖવੇ, ਭવਿਸ੍ਸਨ੍ਤਿ ਭਿਕ੍ਖੂ ਅਨਾਗਤਮਦ੍ਧਾਨਂ ਅਭਾવਿਤਕਾਯਾ ਅਭਾવਿਤਸੀਲਾ ਅਭਾવਿਤਚਿਤ੍ਤਾ ਅਭਾવਿਤਪਞ੍ਞਾ। ਤੇ ਅਭਾવਿਤਕਾਯਾ ਸਮਾਨਾ ਅਭਾવਿਤਸੀਲਾ ਅਭਾવਿਤਚਿਤ੍ਤਾ ਅਭਾવਿਤਪਞ੍ਞਾ ਯੇ ਤੇ ਸੁਤ੍ਤਨ੍ਤਾ ਤਥਾਗਤਭਾਸਿਤਾ ਗਮ੍ਭੀਰਾ ਗਮ੍ਭੀਰਤ੍ਥਾ ਲੋਕੁਤ੍ਤਰਾ ਸੁਞ੍ਞਤਾਪ੍ਪਟਿਸਂਯੁਤ੍ਤਾ, ਤੇਸੁ ਭਞ੍ਞਮਾਨੇਸੁ ਨ ਸੁਸ੍ਸੂਸਿਸ੍ਸਨ੍ਤਿ, ਨ ਸੋਤਂ ਓਦਹਿਸ੍ਸਨ੍ਤਿ, ਨ ਅਞ੍ਞਾ ਚਿਤ੍ਤਂ ਉਪਟ੍ਠਪੇਸ੍ਸਨ੍ਤਿ, ਨ ਚ ਤੇ ਧਮ੍ਮੇ ਉਗ੍ਗਹੇਤਬ੍ਬਂ ਪਰਿਯਾਪੁਣਿਤਬ੍ਬਂ ਮਞ੍ਞਿਸ੍ਸਨ੍ਤਿ। ਯੇ ਪਨ ਤੇ ਸੁਤ੍ਤਨ੍ਤਾ ਕવਿਤਾ 7 ਕਾવੇਯ੍ਯਾ ਚਿਤ੍ਤਕ੍ਖਰਾ ਚਿਤ੍ਤਬ੍ਯਞ੍ਜਨਾ ਬਾਹਿਰਕਾ ਸਾવਕਭਾਸਿਤਾ, ਤੇਸੁ ਭਞ੍ਞਮਾਨੇਸੁ ਸੁਸ੍ਸੂਸਿਸ੍ਸਨ੍ਤਿ, ਸੋਤਂ ਓਦਹਿਸ੍ਸਨ੍ਤਿ, ਅਞ੍ਞਾ ਚਿਤ੍ਤਂ ਉਪਟ੍ਠਪੇਸ੍ਸਨ੍ਤਿ, ਤੇ ਚ ਧਮ੍ਮੇ ਉਗ੍ਗਹੇਤਬ੍ਬਂ ਪਰਿਯਾਪੁਣਿਤਬ੍ਬਂ ਮਞ੍ਞਿਸ੍ਸਨ੍ਤਿ। ਇਤਿ ਖੋ, ਭਿਕ੍ਖવੇ, ਧਮ੍ਮਸਨ੍ਦੋਸਾ વਿਨਯਸਨ੍ਦੋਸੋ; વਿਨਯਸਨ੍ਦੋਸਾ ਧਮ੍ਮਸਨ੍ਦੋਸੋ। ਇਦਂ, ਭਿਕ੍ਖવੇ, ਚਤੁਤ੍ਥਂ ਅਨਾਗਤਭਯਂ ਏਤਰਹਿ ਅਸਮੁਪ੍ਪਨ੍ਨਂ ਆਯਤਿਂ ਸਮੁਪ੍ਪਜ੍ਜਿਸ੍ਸਤਿ। ਤਂ વੋ ਪਟਿਬੁਜ੍ਝਿਤਬ੍ਬਂ; ਪਟਿਬੁਜ੍ਝਿਤ੍વਾ ਚ ਤਸ੍ਸ ਪਹਾਨਾਯ વਾਯਮਿਤਬ੍ਬਂ।
‘‘Puna caparaṃ, bhikkhave, bhavissanti bhikkhū anāgatamaddhānaṃ abhāvitakāyā abhāvitasīlā abhāvitacittā abhāvitapaññā. Te abhāvitakāyā samānā abhāvitasīlā abhāvitacittā abhāvitapaññā ye te suttantā tathāgatabhāsitā gambhīrā gambhīratthā lokuttarā suññatāppaṭisaṃyuttā, tesu bhaññamānesu na sussūsissanti, na sotaṃ odahissanti, na aññā cittaṃ upaṭṭhapessanti, na ca te dhamme uggahetabbaṃ pariyāpuṇitabbaṃ maññissanti. Ye pana te suttantā kavitā 8 kāveyyā cittakkharā cittabyañjanā bāhirakā sāvakabhāsitā, tesu bhaññamānesu sussūsissanti, sotaṃ odahissanti, aññā cittaṃ upaṭṭhapessanti, te ca dhamme uggahetabbaṃ pariyāpuṇitabbaṃ maññissanti. Iti kho, bhikkhave, dhammasandosā vinayasandoso; vinayasandosā dhammasandoso. Idaṃ, bhikkhave, catutthaṃ anāgatabhayaṃ etarahi asamuppannaṃ āyatiṃ samuppajjissati. Taṃ vo paṭibujjhitabbaṃ; paṭibujjhitvā ca tassa pahānāya vāyamitabbaṃ.
‘‘ਪੁਨ ਚਪਰਂ, ਭਿਕ੍ਖવੇ, ਭવਿਸ੍ਸਨ੍ਤਿ ਭਿਕ੍ਖੂ ਅਨਾਗਤਮਦ੍ਧਾਨਂ ਅਭਾવਿਤਕਾਯਾ ਅਭਾવਿਤਸੀਲਾ ਅਭਾવਿਤਚਿਤ੍ਤਾ ਅਭਾવਿਤਪਞ੍ਞਾ । ਤੇ ਅਭਾવਿਤਕਾਯਾ ਸਮਾਨਾ ਅਭਾવਿਤਸੀਲਾ ਅਭਾવਿਤਚਿਤ੍ਤਾ ਅਭਾવਿਤਪਞ੍ਞਾ ਥੇਰਾ ਭਿਕ੍ਖੂ ਬਾਹੁਲਿਕਾ 9 ਭવਿਸ੍ਸਨ੍ਤਿ ਸਾਥਲਿਕਾ ਓਕ੍ਕਮਨੇ ਪੁਬ੍ਬਙ੍ਗਮਾ ਪવਿવੇਕੇ ਨਿਕ੍ਖਿਤ੍ਤਧੁਰਾ, ਨ વੀਰਿਯਂ ਆਰਭਿਸ੍ਸਨ੍ਤਿ ਅਪ੍ਪਤ੍ਤਸ੍ਸ ਪਤ੍ਤਿਯਾ ਅਨਧਿਗਤਸ੍ਸ ਅਧਿਗਮਾਯ ਅਸਚ੍ਛਿਕਤਸ੍ਸ ਸਚ੍ਛਿਕਿਰਿਯਾਯ। ਤੇਸਂ ਪਚ੍ਛਿਮਾ ਜਨਤਾ ਦਿਟ੍ਠਾਨੁਗਤਿਂ ਆਪਜ੍ਜਿਸ੍ਸਤਿ। ਸਾਪਿ ਭવਿਸ੍ਸਤਿ ਬਾਹੁਲਿਕਾ ਸਾਥਲਿਕਾ ਓਕ੍ਕਮਨੇ ਪੁਬ੍ਬਙ੍ਗਮਾ ਪવਿવੇਕੇ ਨਿਕ੍ਖਿਤ੍ਤਧੁਰਾ, ਨ વੀਰਿਯਂ ਆਰਭਿਸ੍ਸਤਿ ਅਪ੍ਪਤ੍ਤਸ੍ਸ ਪਤ੍ਤਿਯਾ ਅਨਧਿਗਤਸ੍ਸ ਅਧਿਗਮਾਯ ਅਸਚ੍ਛਿਕਤਸ੍ਸ ਸਚ੍ਛਿਕਿਰਿਯਾਯ। ਇਤਿ ਖੋ, ਭਿਕ੍ਖવੇ, ਧਮ੍ਮਸਨ੍ਦੋਸਾ વਿਨਯਸਨ੍ਦੋਸੋ; વਿਨਯਸਨ੍ਦੋਸਾ ਧਮ੍ਮਸਨ੍ਦੋਸੋ। ਇਦਂ, ਭਿਕ੍ਖવੇ, ਪਞ੍ਚਮਂ ਅਨਾਗਤਭਯਂ ਏਤਰਹਿ ਅਸਮੁਪ੍ਪਨ੍ਨਂ ਆਯਤਿਂ ਸਮੁਪ੍ਪਜ੍ਜਿਸ੍ਸਤਿ। ਤਂ વੋ ਪਟਿਬੁਜ੍ਝਿਤਬ੍ਬਂ; ਪਟਿਬੁਜ੍ਝਿਤ੍વਾ ਚ ਤਸ੍ਸ ਪਹਾਨਾਯ વਾਯਮਿਤਬ੍ਬਂ । ‘‘ਇਮਾਨਿ ਖੋ, ਭਿਕ੍ਖવੇ, ਪਞ੍ਚ ਅਨਾਗਤਭਯਾਨਿ ਏਤਰਹਿ ਅਸਮੁਪ੍ਪਨ੍ਨਾਨਿ ਆਯਤਿਂ ਸਮੁਪ੍ਪਜ੍ਜਿਸ੍ਸਨ੍ਤਿ। ਤਾਨਿ વੋ ਪਟਿਬੁਜ੍ਝਿਤਬ੍ਬਾਨਿ; ਪਟਿਬੁਜ੍ਝਿਤ੍વਾ ਚ ਤੇਸਂ ਪਹਾਨਾਯ વਾਯਮਿਤਬ੍ਬ’’ਨ੍ਤਿ। ਨવਮਂ।
‘‘Puna caparaṃ, bhikkhave, bhavissanti bhikkhū anāgatamaddhānaṃ abhāvitakāyā abhāvitasīlā abhāvitacittā abhāvitapaññā . Te abhāvitakāyā samānā abhāvitasīlā abhāvitacittā abhāvitapaññā therā bhikkhū bāhulikā 10 bhavissanti sāthalikā okkamane pubbaṅgamā paviveke nikkhittadhurā, na vīriyaṃ ārabhissanti appattassa pattiyā anadhigatassa adhigamāya asacchikatassa sacchikiriyāya. Tesaṃ pacchimā janatā diṭṭhānugatiṃ āpajjissati. Sāpi bhavissati bāhulikā sāthalikā okkamane pubbaṅgamā paviveke nikkhittadhurā, na vīriyaṃ ārabhissati appattassa pattiyā anadhigatassa adhigamāya asacchikatassa sacchikiriyāya. Iti kho, bhikkhave, dhammasandosā vinayasandoso; vinayasandosā dhammasandoso. Idaṃ, bhikkhave, pañcamaṃ anāgatabhayaṃ etarahi asamuppannaṃ āyatiṃ samuppajjissati. Taṃ vo paṭibujjhitabbaṃ; paṭibujjhitvā ca tassa pahānāya vāyamitabbaṃ . ‘‘Imāni kho, bhikkhave, pañca anāgatabhayāni etarahi asamuppannāni āyatiṃ samuppajjissanti. Tāni vo paṭibujjhitabbāni; paṭibujjhitvā ca tesaṃ pahānāya vāyamitabba’’nti. Navamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੯. ਤਤਿਯਅਨਾਗਤਭਯਸੁਤ੍ਤવਣ੍ਣਨਾ • 9. Tatiyaanāgatabhayasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੯. ਤਤਿਯਅਨਾਗਤਭਯਸੁਤ੍ਤવਣ੍ਣਨਾ • 9. Tatiyaanāgatabhayasuttavaṇṇanā
