| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၃. တတိယအဓမ္မသုတ္တဝဏ္ဏနာ
3. Tatiyaadhammasuttavaṇṇanā
၁၁၅. တတိယေ ဥဒ္ဒေသံ ဥဒ္ဒိသိတ္ဝာတိ မာတိကံ နိက္ခိပိတ္ဝာ။ သတ္ထု စေဝ သံဝဏ္ဏိတောတိ ပဉ္စသု ဌာနေသု ဧတဒဂ္ဂေ ဌပေန္တေန သတ္ထာရာ သံဝဏ္ဏိတော။ သမ္ဘာဝိတောတိ ဂုဏသမ္ဘာဝနာယ သမ္ဘာဝိတော။ ပဟောတီတိ သက္ကောတိ။ အတိသိတ္ဝာတိ အတိက္ကမိတ္ဝာ။ ဇာနံ ဇာနာတီတိ ဇာနိတဗ္ဗကံ ဇာနာတိ။ ပသ္သံ ပသ္သတီတိ ပသ္သိတဗ္ဗကံ ပသ္သတိ။ စက္ခုဘူတောတိ စက္ခု ဝိယ ဘူတော ဇာတော နိဗ္ဗတ္တော။ ဉာဏဘူတောတိ ဉာဏသဘာဝော။ ဓမ္မဘူတောတိ ဓမ္မသဘာဝော။ ဗ္ရဟ္မဘူတောတိ သေဋ္ဌသဘာဝော။ ဝတ္တာတိ ဝတ္တုံ သမတ္ထော။ ပဝတ္တာတိ ပဝတ္တေတုံ သမတ္ထော။ အတ္ထသ္သ နိန္နေတာတိ အတ္ထံ နီဟရိတ္ဝာ ဒသ္သေတာ။ ယထာ နော ဘဂဝာတိ ယထာ အမ္ဟာကံ ဘဂဝာ ဗ္ယာကရေယ္ယ။
115. Tatiye uddesaṃ uddisitvāti mātikaṃ nikkhipitvā. Satthuceva saṃvaṇṇitoti pañcasu ṭhānesu etadagge ṭhapentena satthārā saṃvaṇṇito. Sambhāvitoti guṇasambhāvanāya sambhāvito. Pahotīti sakkoti. Atisitvāti atikkamitvā. Jānaṃ jānātīti jānitabbakaṃ jānāti. Passaṃ passatīti passitabbakaṃ passati. Cakkhubhūtoti cakkhu viya bhūto jāto nibbatto. Ñāṇabhūtoti ñāṇasabhāvo. Dhammabhūtoti dhammasabhāvo. Brahmabhūtoti seṭṭhasabhāvo. Vattāti vattuṃ samattho. Pavattāti pavattetuṃ samattho. Atthassa ninnetāti atthaṃ nīharitvā dassetā. Yathā no bhagavāti yathā amhākaṃ bhagavā byākareyya.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၃. တတိယအဓမ္မသုတ္တံ • 3. Tatiyaadhammasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၁-၄. ပဌမအဓမ္မသုတ္တာဒိဝဏ္ဏနာ • 1-4. Paṭhamaadhammasuttādivaṇṇanā
