| Library / Tipiṭaka / ติปิฎก • Tipiṭaka / องฺคุตฺตรนิกาย • Aṅguttaranikāya |
๑๐. ตติยอภพฺพฎฺฐานสุตฺตํ
10. Tatiyaabhabbaṭṭhānasuttaṃ
๙๔. ‘‘ฉยิมานิ, ภิกฺขเว, อภพฺพฎฺฐานานิฯ กตมานิ ฉ? อภโพฺพ ทิฎฺฐิสมฺปโนฺน ปุคฺคโล มาตรํ ชีวิตา โวโรเปตุํ, อภโพฺพ ทิฎฺฐิสมฺปโนฺน ปุคฺคโล ปิตรํ ชีวิตา โวโรเปตุํ, อภโพฺพ ทิฎฺฐิสมฺปโนฺน ปุคฺคโล อรหนฺตํ ชีวิตา โวโรเปตุํ, อภโพฺพ ทิฎฺฐิสมฺปโนฺน ปุคฺคโล ตถาคตสฺส ทุเฎฺฐน จิเตฺตน โลหิตํ อุปฺปาเทตุํ, อภโพฺพ ทิฎฺฐิสมฺปโนฺน ปุคฺคโล สงฺฆํ ภินฺทิตุํ, อภโพฺพ ทิฎฺฐิสมฺปโนฺน ปุคฺคโล อญฺญํ สตฺถารํ อุทฺทิสิตุํฯ อิมานิ โข, ภิกฺขเว, ฉ อภพฺพฎฺฐานานี’’ติฯ ทสมํฯ
94. ‘‘Chayimāni, bhikkhave, abhabbaṭṭhānāni. Katamāni cha? Abhabbo diṭṭhisampanno puggalo mātaraṃ jīvitā voropetuṃ, abhabbo diṭṭhisampanno puggalo pitaraṃ jīvitā voropetuṃ, abhabbo diṭṭhisampanno puggalo arahantaṃ jīvitā voropetuṃ, abhabbo diṭṭhisampanno puggalo tathāgatassa duṭṭhena cittena lohitaṃ uppādetuṃ, abhabbo diṭṭhisampanno puggalo saṅghaṃ bhindituṃ, abhabbo diṭṭhisampanno puggalo aññaṃ satthāraṃ uddisituṃ. Imāni kho, bhikkhave, cha abhabbaṭṭhānānī’’ti. Dasamaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) / ๘-๑๑. อภพฺพฎฺฐานสุตฺตจตุกฺกวณฺณนา • 8-11. Abhabbaṭṭhānasuttacatukkavaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๒-๑๑. อาวรณสุตฺตาทิวณฺณนา • 2-11. Āvaraṇasuttādivaṇṇanā
