| Library / Tipiṭaka / తిపిటక • Tipiṭaka / అఙ్గుత్తరనికాయ • Aṅguttaranikāya |
౧౦. తతియఅభబ్బట్ఠానసుత్తం
10. Tatiyaabhabbaṭṭhānasuttaṃ
౯౪. ‘‘ఛయిమాని, భిక్ఖవే, అభబ్బట్ఠానాని. కతమాని ఛ? అభబ్బో దిట్ఠిసమ్పన్నో పుగ్గలో మాతరం జీవితా వోరోపేతుం, అభబ్బో దిట్ఠిసమ్పన్నో పుగ్గలో పితరం జీవితా వోరోపేతుం, అభబ్బో దిట్ఠిసమ్పన్నో పుగ్గలో అరహన్తం జీవితా వోరోపేతుం, అభబ్బో దిట్ఠిసమ్పన్నో పుగ్గలో తథాగతస్స దుట్ఠేన చిత్తేన లోహితం ఉప్పాదేతుం, అభబ్బో దిట్ఠిసమ్పన్నో పుగ్గలో సఙ్ఘం భిన్దితుం, అభబ్బో దిట్ఠిసమ్పన్నో పుగ్గలో అఞ్ఞం సత్థారం ఉద్దిసితుం. ఇమాని ఖో, భిక్ఖవే, ఛ అభబ్బట్ఠానానీ’’తి. దసమం.
94. ‘‘Chayimāni, bhikkhave, abhabbaṭṭhānāni. Katamāni cha? Abhabbo diṭṭhisampanno puggalo mātaraṃ jīvitā voropetuṃ, abhabbo diṭṭhisampanno puggalo pitaraṃ jīvitā voropetuṃ, abhabbo diṭṭhisampanno puggalo arahantaṃ jīvitā voropetuṃ, abhabbo diṭṭhisampanno puggalo tathāgatassa duṭṭhena cittena lohitaṃ uppādetuṃ, abhabbo diṭṭhisampanno puggalo saṅghaṃ bhindituṃ, abhabbo diṭṭhisampanno puggalo aññaṃ satthāraṃ uddisituṃ. Imāni kho, bhikkhave, cha abhabbaṭṭhānānī’’ti. Dasamaṃ.
Related texts:
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / అఙ్గుత్తరనికాయ (అట్ఠకథా) • Aṅguttaranikāya (aṭṭhakathā) / ౮-౧౧. అభబ్బట్ఠానసుత్తచతుక్కవణ్ణనా • 8-11. Abhabbaṭṭhānasuttacatukkavaṇṇanā
టీకా • Tīkā / సుత్తపిటక (టీకా) • Suttapiṭaka (ṭīkā) / అఙ్గుత్తరనికాయ (టీకా) • Aṅguttaranikāya (ṭīkā) / ౨-౧౧. ఆవరణసుత్తాదివణ్ణనా • 2-11. Āvaraṇasuttādivaṇṇanā
