| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
10. ததியஅப⁴ப்³ப³ட்டா²னஸுத்தங்
10. Tatiyaabhabbaṭṭhānasuttaṃ
94. ‘‘ச²யிமானி, பி⁴க்க²வே, அப⁴ப்³ப³ட்டா²னானி. கதமானி ச²? அப⁴ப்³போ³ தி³ட்டி²ஸம்பன்னோ புக்³க³லோ மாதரங் ஜீவிதா வோரோபேதுங், அப⁴ப்³போ³ தி³ட்டி²ஸம்பன்னோ புக்³க³லோ பிதரங் ஜீவிதா வோரோபேதுங், அப⁴ப்³போ³ தி³ட்டி²ஸம்பன்னோ புக்³க³லோ அரஹந்தங் ஜீவிதா வோரோபேதுங், அப⁴ப்³போ³ தி³ட்டி²ஸம்பன்னோ புக்³க³லோ ததா²க³தஸ்ஸ து³ட்டே²ன சித்தேன லோஹிதங் உப்பாதே³துங், அப⁴ப்³போ³ தி³ட்டி²ஸம்பன்னோ புக்³க³லோ ஸங்க⁴ங் பி⁴ந்தி³துங், அப⁴ப்³போ³ தி³ட்டி²ஸம்பன்னோ புக்³க³லோ அஞ்ஞங் ஸத்தா²ரங் உத்³தி³ஸிதுங். இமானி கோ², பி⁴க்க²வே, ச² அப⁴ப்³ப³ட்டா²னானீ’’தி. த³ஸமங்.
94. ‘‘Chayimāni, bhikkhave, abhabbaṭṭhānāni. Katamāni cha? Abhabbo diṭṭhisampanno puggalo mātaraṃ jīvitā voropetuṃ, abhabbo diṭṭhisampanno puggalo pitaraṃ jīvitā voropetuṃ, abhabbo diṭṭhisampanno puggalo arahantaṃ jīvitā voropetuṃ, abhabbo diṭṭhisampanno puggalo tathāgatassa duṭṭhena cittena lohitaṃ uppādetuṃ, abhabbo diṭṭhisampanno puggalo saṅghaṃ bhindituṃ, abhabbo diṭṭhisampanno puggalo aññaṃ satthāraṃ uddisituṃ. Imāni kho, bhikkhave, cha abhabbaṭṭhānānī’’ti. Dasamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 8-11. அப⁴ப்³ப³ட்டா²னஸுத்தசதுக்கவண்ணனா • 8-11. Abhabbaṭṭhānasuttacatukkavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 2-11. ஆவரணஸுத்தாதி³வண்ணனா • 2-11. Āvaraṇasuttādivaṇṇanā
