| Library / Tipiṭaka / တိပိဋက • Tipiṭaka / ပဉ္စပကရဏ-အနုဋီကာ • Pañcapakaraṇa-anuṭīkā |
၅. တထတာကထာဝဏ္ဏနာ
5. Tathatākathāvaṇṇanā
၈၄၁-၈၄၃. ရူပာဒီနံ သဘာဝတာတိ ဧတေန ရူပာဒယော ဧဝ သဘာဝတာတိ ဣမမတ္ထံ ပဋိက္ခိပတိ ။ ယတော တံ ပရဝာဒီ ရူပာဒီသု အပရိယာပန္နံ ဣစ္ဆတိ။ တေနာဟ ‘‘ဘာဝံ ဟေသ တထတာတိ ဝဒတိ, န ဘာဝယောဂ’’န္တိ။ တတ္ထ ဘာဝန္တိ ဓမ္မမတ္တံ, ပကတီတိ အတ္ထော ‘‘ဇာတိဓမ္မ’’န္တိအာဒီသု ဝိယ။ ရူပာဒီနဉ္ဟိ ရုပ္ပနာဒိပကတိ တထာ အသင္ခတာတိ စ ပရဝာဒိနော လဒ္ဓိ။ တေန ဝုတ္တံ ‘‘န ဘာဝယောဂ’’န္တိ။ ယေန ဟိ ဘာဝော သဘာဝဓမ္မော ယုဇ္ဇတိ, ဧကီဘာဝမေဝ ဂစ္ဆတိ, တံ ရုပ္ပနာဒိလက္ခဏံ ဘာဝယောဂော။ တံ ပန ရူပာဒိတော အနညံ, တတော ဧဝ သင္ခတံ, အဝိပရီတဋ္ဌေန ပန ‘‘တထ’’န္တိ ဝုစ္စတိ။
841-843. Rūpādīnaṃ sabhāvatāti etena rūpādayo eva sabhāvatāti imamatthaṃ paṭikkhipati . Yato taṃ paravādī rūpādīsu apariyāpannaṃ icchati. Tenāha ‘‘bhāvaṃ hesa tathatāti vadati, na bhāvayoga’’nti. Tattha bhāvanti dhammamattaṃ, pakatīti attho ‘‘jātidhamma’’ntiādīsu viya. Rūpādīnañhi ruppanādipakati tathā asaṅkhatāti ca paravādino laddhi. Tena vuttaṃ ‘‘na bhāvayoga’’nti. Yena hi bhāvo sabhāvadhammo yujjati, ekībhāvameva gacchati, taṃ ruppanādilakkhaṇaṃ bhāvayogo. Taṃ pana rūpādito anaññaṃ, tato eva saṅkhataṃ, aviparītaṭṭhena pana ‘‘tatha’’nti vuccati.
တထတာကထာဝဏ္ဏနာ နိဋ္ဌိတာ။
Tathatākathāvaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / အဘိဓမ္မပိဋက • Abhidhammapiṭaka / ကထာဝတ္ထုပာဠိ • Kathāvatthupāḷi / (၁၉၀) ၅. တထတာကထာ • (190) 5. Tathatākathā
အဋ္ဌကထာ • Aṭṭhakathā / အဘိဓမ္မပိဋက (အဋ္ဌကထာ) • Abhidhammapiṭaka (aṭṭhakathā) / ပဉ္စပကရဏ-အဋ္ဌကထာ • Pañcapakaraṇa-aṭṭhakathā / ၅. တထတာကထာဝဏ္ဏနာ • 5. Tathatākathāvaṇṇanā
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ပဉ္စပကရဏ-မူလဋီကာ • Pañcapakaraṇa-mūlaṭīkā / ၅. တထတာကထာဝဏ္ဏနာ • 5. Tathatākathāvaṇṇanā
