| Library / Tipiṭaka / तिपिटक • Tipiṭaka / पञ्चपकरण-अनुटीका • Pañcapakaraṇa-anuṭīkā |
५. तथताकथावण्णना
5. Tathatākathāvaṇṇanā
८४१-८४३. रूपादीनं सभावताति एतेन रूपादयो एव सभावताति इममत्थं पटिक्खिपति । यतो तं परवादी रूपादीसु अपरियापन्नं इच्छति। तेनाह ‘‘भावं हेस तथताति वदति, न भावयोग’’न्ति। तत्थ भावन्ति धम्ममत्तं, पकतीति अत्थो ‘‘जातिधम्म’’न्तिआदीसु विय। रूपादीनञ्हि रुप्पनादिपकति तथा असङ्खताति च परवादिनो लद्धि। तेन वुत्तं ‘‘न भावयोग’’न्ति। येन हि भावो सभावधम्मो युज्जति, एकीभावमेव गच्छति, तं रुप्पनादिलक्खणं भावयोगो। तं पन रूपादितो अनञ्ञं, ततो एव सङ्खतं, अविपरीतट्ठेन पन ‘‘तथ’’न्ति वुच्चति।
841-843. Rūpādīnaṃ sabhāvatāti etena rūpādayo eva sabhāvatāti imamatthaṃ paṭikkhipati . Yato taṃ paravādī rūpādīsu apariyāpannaṃ icchati. Tenāha ‘‘bhāvaṃ hesa tathatāti vadati, na bhāvayoga’’nti. Tattha bhāvanti dhammamattaṃ, pakatīti attho ‘‘jātidhamma’’ntiādīsu viya. Rūpādīnañhi ruppanādipakati tathā asaṅkhatāti ca paravādino laddhi. Tena vuttaṃ ‘‘na bhāvayoga’’nti. Yena hi bhāvo sabhāvadhammo yujjati, ekībhāvameva gacchati, taṃ ruppanādilakkhaṇaṃ bhāvayogo. Taṃ pana rūpādito anaññaṃ, tato eva saṅkhataṃ, aviparītaṭṭhena pana ‘‘tatha’’nti vuccati.
तथताकथावण्णना निट्ठिता।
Tathatākathāvaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / अभिधम्मपिटक • Abhidhammapiṭaka / कथावत्थुपाळि • Kathāvatthupāḷi / (१९०) ५. तथताकथा • (190) 5. Tathatākathā
अट्ठकथा • Aṭṭhakathā / अभिधम्मपिटक (अट्ठकथा) • Abhidhammapiṭaka (aṭṭhakathā) / पञ्चपकरण-अट्ठकथा • Pañcapakaraṇa-aṭṭhakathā / ५. तथताकथावण्णना • 5. Tathatākathāvaṇṇanā
टीका • Tīkā / अभिधम्मपिटक (टीका) • Abhidhammapiṭaka (ṭīkā) / पञ्चपकरण-मूलटीका • Pañcapakaraṇa-mūlaṭīkā / ५. तथताकथावण्णना • 5. Tathatākathāvaṇṇanā
