| Library / Tipiṭaka / তিপিটক • Tipiṭaka / পঞ্চপকরণ-অনুটীকা • Pañcapakaraṇa-anuṭīkā |
৫. তথতাকথাৰণ্ণনা
5. Tathatākathāvaṇṇanā
৮৪১-৮৪৩. রূপাদীনং সভাৰতাতি এতেন রূপাদযো এৰ সভাৰতাতি ইমমত্থং পটিক্খিপতি । যতো তং পরৰাদী রূপাদীসু অপরিযাপন্নং ইচ্ছতি। তেনাহ ‘‘ভাৰং হেস তথতাতি ৰদতি, ন ভাৰযোগ’’ন্তি। তত্থ ভাৰন্তি ধম্মমত্তং, পকতীতি অত্থো ‘‘জাতিধম্ম’’ন্তিআদীসু ৰিয। রূপাদীনঞ্হি রুপ্পনাদিপকতি তথা অসঙ্খতাতি চ পরৰাদিনো লদ্ধি। তেন ৰুত্তং ‘‘ন ভাৰযোগ’’ন্তি। যেন হি ভাৰো সভাৰধম্মো যুজ্জতি, একীভাৰমেৰ গচ্ছতি, তং রুপ্পনাদিলক্খণং ভাৰযোগো। তং পন রূপাদিতো অনঞ্ঞং, ততো এৰ সঙ্খতং, অৰিপরীতট্ঠেন পন ‘‘তথ’’ন্তি ৰুচ্চতি।
841-843. Rūpādīnaṃ sabhāvatāti etena rūpādayo eva sabhāvatāti imamatthaṃ paṭikkhipati . Yato taṃ paravādī rūpādīsu apariyāpannaṃ icchati. Tenāha ‘‘bhāvaṃ hesa tathatāti vadati, na bhāvayoga’’nti. Tattha bhāvanti dhammamattaṃ, pakatīti attho ‘‘jātidhamma’’ntiādīsu viya. Rūpādīnañhi ruppanādipakati tathā asaṅkhatāti ca paravādino laddhi. Tena vuttaṃ ‘‘na bhāvayoga’’nti. Yena hi bhāvo sabhāvadhammo yujjati, ekībhāvameva gacchati, taṃ ruppanādilakkhaṇaṃ bhāvayogo. Taṃ pana rūpādito anaññaṃ, tato eva saṅkhataṃ, aviparītaṭṭhena pana ‘‘tatha’’nti vuccati.
তথতাকথাৰণ্ণনা নিট্ঠিতা।
Tathatākathāvaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / কথাৰত্থুপাল়ি • Kathāvatthupāḷi / (১৯০) ৫. তথতাকথা • (190) 5. Tathatākathā
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / পঞ্চপকরণ-অট্ঠকথা • Pañcapakaraṇa-aṭṭhakathā / ৫. তথতাকথাৰণ্ণনা • 5. Tathatākathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ৫. তথতাকথাৰণ্ণনা • 5. Tathatākathāvaṇṇanā
