| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༡༠. ཏཐསུཏྟཾ
10. Tathasuttaṃ
༡༠༩༠. ‘‘ཙཏྟཱརིམཱནི, བྷིཀྑཝེ, ཏཐཱནི ཨཝིཏཐཱནི ཨནཉྙཐཱནི། ཀཏམཱནི ཙཏྟཱརི? ‘ཨིདཾ དུཀྑ’ནྟི, བྷིཀྑཝེ, ཏཐམེཏཾ ཨཝིཏཐམེཏཾ ཨནཉྙཐམེཏཾ ; ‘ཨཡཾ དུཀྑསམུདཡོ’ཏི ཏཐམེཏཾ ཨཝིཏཐམེཏཾ ཨནཉྙཐམེཏཾ; ‘ཨཡཾ དུཀྑནིརོདྷོ’ཏི ཏཐམེཏཾ ཨཝིཏཐམེཏཾ ཨནཉྙཐམེཏཾ; ‘ཨཡཾ དུཀྑནིརོདྷགཱམིནཱི པཊིཔདཱ’ཏི ཏཐམེཏཾ ཨཝིཏཐམེཏཾ ཨནཉྙཐམེཏཾ – ཨིམཱནི ཁོ, བྷིཀྑཝེ, ཙཏྟཱརི ཏཐཱནི ཨཝིཏཐཱནི ཨནཉྙཐཱནི།
1090. ‘‘Cattārimāni, bhikkhave, tathāni avitathāni anaññathāni. Katamāni cattāri? ‘Idaṃ dukkha’nti, bhikkhave, tathametaṃ avitathametaṃ anaññathametaṃ ; ‘ayaṃ dukkhasamudayo’ti tathametaṃ avitathametaṃ anaññathametaṃ; ‘ayaṃ dukkhanirodho’ti tathametaṃ avitathametaṃ anaññathametaṃ; ‘ayaṃ dukkhanirodhagāminī paṭipadā’ti tathametaṃ avitathametaṃ anaññathametaṃ – imāni kho, bhikkhave, cattāri tathāni avitathāni anaññathāni.
‘‘ཏསྨཱཏིཧ, བྷིཀྑཝེ, ‘ཨིདཾ དུཀྑ’ནྟི ཡོགོ ཀརཎཱིཡོ…པེ॰… ‘ཨཡཾ དུཀྑནིརོདྷགཱམིནཱི པཊིཔདཱ’ཏི ཡོགོ ཀརཎཱིཡོ’’ཏི། དསམཾ།
‘‘Tasmātiha, bhikkhave, ‘idaṃ dukkha’nti yogo karaṇīyo…pe… ‘ayaṃ dukkhanirodhagāminī paṭipadā’ti yogo karaṇīyo’’ti. Dasamaṃ.
དྷམྨཙཀྐཔྤཝཏྟནཝགྒོ དུཏིཡོ།
Dhammacakkappavattanavaggo dutiyo.
ཏསྶུདྡཱནཾ –
Tassuddānaṃ –
དྷམྨཙཀྐཾ ཏཐཱགཏཾ, ཁནྡྷཱ ཨཱཡཏནེན ཙ།
Dhammacakkaṃ tathāgataṃ, khandhā āyatanena ca;
དྷཱརཎཱ ཙ དྭེ ཨཝིཛྫཱ, ཝིཛྫཱ སངྐཱསནཱ ཏཐཱཏི༎
Dhāraṇā ca dve avijjā, vijjā saṅkāsanā tathāti.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༡༠. ཏཐསུཏྟཝཎྞནཱ • 10. Tathasuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༡༠. ཏཐསུཏྟཝཎྞནཱ • 10. Tathasuttavaṇṇanā
