| Library / Tipiṭaka / തിപിടക • Tipiṭaka / മഹാവഗ്ഗപാളി • Mahāvaggapāḷi |
൨൩൩. തസ്സുദ്ദാനം
233. Tassuddānaṃ
രാജഗഹകോ നേഗമോ, ദിസ്വാ വേസാലിയം ഗണിം;
Rājagahako negamo, disvā vesāliyaṃ gaṇiṃ;
പുന രാജഗഹം ഗന്ത്വാ, രഞ്ഞോ തം പടിവേദയി.
Puna rājagahaṃ gantvā, rañño taṃ paṭivedayi.
പുത്തോ സാലവതികായ, അഭയസ്സ ഹി അത്രജോ;
Putto sālavatikāya, abhayassa hi atrajo;
ജീവതീതി കുമാരേന, സങ്ഖാതോ ജീവകോ ഇതി.
Jīvatīti kumārena, saṅkhāto jīvako iti.
സോ ഹി തക്കസീലം ഗന്ത്വാ, ഉഗ്ഗഹേത്വാ മഹാഭിസോ;
So hi takkasīlaṃ gantvā, uggahetvā mahābhiso;
സത്തവസ്സികആബാധം, നത്ഥുകമ്മേന നാസയി.
Sattavassikaābādhaṃ, natthukammena nāsayi.
രഞ്ഞോ ഭഗന്ദലാബാധം, ആലേപേന അപാകഡ്ഢി;
Rañño bhagandalābādhaṃ, ālepena apākaḍḍhi;
മമഞ്ച ഇത്ഥാഗാരഞ്ച, ബുദ്ധസങ്ഘം ചുപട്ഠഹി.
Mamañca itthāgārañca, buddhasaṅghaṃ cupaṭṭhahi.
രാജഗഹകോ ച സേട്ഠി, അന്തഗണ്ഠി തികിച്ഛിതം;
Rājagahako ca seṭṭhi, antagaṇṭhi tikicchitaṃ;
പജ്ജോതസ്സ മഹാരോഗം, ഘതപാനേന നാസയി.
Pajjotassa mahārogaṃ, ghatapānena nāsayi.
അധികാരഞ്ച സിവേയ്യം, അഭിസന്നം സിനേഹതി;
Adhikārañca siveyyaṃ, abhisannaṃ sinehati;
തീഹി ഉപ്പലഹത്ഥേഹി, സമത്തിംസവിരേചനം.
Tīhi uppalahatthehi, samattiṃsavirecanaṃ.
പകതത്തം വരം യാചി, സിവേയ്യഞ്ച പടിഗ്ഗഹി;
Pakatattaṃ varaṃ yāci, siveyyañca paṭiggahi;
ചീവരഞ്ച ഗിഹിദാനം, അനുഞ്ഞാസി തഥാഗതോ.
Cīvarañca gihidānaṃ, anuññāsi tathāgato.
രാജഗഹേ ജനപദേ ബഹും, ഉപ്പജ്ജി ചീവരം;
Rājagahe janapade bahuṃ, uppajji cīvaraṃ;
പാവാരോ കോസിയഞ്ചേവ, കോജവോ അഡ്ഢകാസികം.
Pāvāro kosiyañceva, kojavo aḍḍhakāsikaṃ.
ഉച്ചാവചാ ച സന്തുട്ഠി, നാഗമേസാഗമേസും ച;
Uccāvacā ca santuṭṭhi, nāgamesāgamesuṃ ca;
പഠമം പച്ഛാ സദിസാ, കതികാ ച പടിഹരും.
Paṭhamaṃ pacchā sadisā, katikā ca paṭiharuṃ.
ഭണ്ഡാഗാരം അഗുത്തഞ്ച, വുട്ഠാപേന്തി തഥേവ ച;
Bhaṇḍāgāraṃ aguttañca, vuṭṭhāpenti tatheva ca;
ഉസ്സന്നം കോലാഹലഞ്ച, കഥം ഭാജേ കഥം ദദേ.
Ussannaṃ kolāhalañca, kathaṃ bhāje kathaṃ dade.
സകാതിരേകഭാഗേന, പടിവീസോ കഥം ദദേ;
Sakātirekabhāgena, paṭivīso kathaṃ dade;
ആരോപേന്താ ഭാജനഞ്ച, പാതിയാ ച ഛമായ ച;
Āropentā bhājanañca, pātiyā ca chamāya ca;
ഉപചികാമജ്ഝേ ജീരന്തി, ഏകതോ പത്ഥിന്നേന ച.
Upacikāmajjhe jīranti, ekato patthinnena ca.
ഫരുസാച്ഛിന്നച്ഛിബന്ധാ , അദ്ദസാസി ഉബ്ഭണ്ഡിതേ;
Pharusācchinnacchibandhā , addasāsi ubbhaṇḍite;
വീമംസിത്വാ സക്യമുനി, അനുഞ്ഞാസി തിചീവരം.
Vīmaṃsitvā sakyamuni, anuññāsi ticīvaraṃ.
അഞ്ഞേന അതിരേകേന, ഉപ്പജ്ജി ഛിദ്ദമേവ ച;
Aññena atirekena, uppajji chiddameva ca;
ചാതുദ്ദീപോ വരം യാചി, ദാതും വസ്സികസാടികം.
Cātuddīpo varaṃ yāci, dātuṃ vassikasāṭikaṃ.
ആഗന്തുഗമിഗിലാനം, ഉപട്ഠാകഞ്ച ഭേസജ്ജം;
Āgantugamigilānaṃ, upaṭṭhākañca bhesajjaṃ;
ധുവം ഉദകസാടിഞ്ച, പണീതം അതിഖുദ്ദകം.
Dhuvaṃ udakasāṭiñca, paṇītaṃ atikhuddakaṃ.
ഥുല്ലകച്ഛുമുഖം ഖോമം, പരിപുണ്ണം അധിട്ഠാനം;
Thullakacchumukhaṃ khomaṃ, paripuṇṇaṃ adhiṭṭhānaṃ;
പച്ഛിമം കതോ ഗരുകോ, വികണ്ണോ സുത്തമോകിരി.
Pacchimaṃ kato garuko, vikaṇṇo suttamokiri.
ലുജ്ജന്തി നപ്പഹോന്തി, ച അന്വാധികം ബഹൂനി ച;
Lujjanti nappahonti, ca anvādhikaṃ bahūni ca;
അന്ധവനേ അസ്സതിയാ, ഏകോ വസ്സം ഉതുമ്ഹി ച.
Andhavane assatiyā, eko vassaṃ utumhi ca.
ദ്വേ ഭാതുകാ രാജഗഹേ, ഉപനന്ദോ പുന ദ്വിസു;
Dve bhātukā rājagahe, upanando puna dvisu;
നഗ്ഗാ കുസാ വാകചീരം, ഫലകോ കേസകമ്ബലം;
Naggā kusā vākacīraṃ, phalako kesakambalaṃ;
വാളഉലൂകപക്ഖഞ്ച, അജിനം അക്കനാളകം.
Vāḷaulūkapakkhañca, ajinaṃ akkanāḷakaṃ.
പോത്ഥകം നീലപീതഞ്ച, ലോഹിതം മഞ്ജിട്ഠേന ച;
Potthakaṃ nīlapītañca, lohitaṃ mañjiṭṭhena ca;
കണ്ഹാ മഹാരങ്ഗനാമ, അച്ഛിന്നദസികാ തഥാ.
Kaṇhā mahāraṅganāma, acchinnadasikā tathā.
ദീഘപുപ്ഫഫണദസാ , കഞ്ചുതിരീടവേഠനം;
Dīghapupphaphaṇadasā , kañcutirīṭaveṭhanaṃ;
അനുപ്പന്നേ പക്കമതി, സങ്ഘോ ഭിജ്ജതി താവദേ.
Anuppanne pakkamati, saṅgho bhijjati tāvade.
പക്ഖേ ദദന്തി സങ്ഘസ്സ, ആയസ്മാ രേവതോ പഹി;
Pakkhe dadanti saṅghassa, āyasmā revato pahi;
വിസ്സാസഗാഹാധിട്ഠാതി, അട്ഠ ചീവരമാതികാതി.
Vissāsagāhādhiṭṭhāti, aṭṭha cīvaramātikāti.
ഇമമ്ഹി ഖന്ധകേ വത്ഥൂ ഛന്നവുതി.
Imamhi khandhake vatthū channavuti.
ചീവരക്ഖന്ധകോ നിട്ഠിതോ.
Cīvarakkhandhako niṭṭhito.
Footnotes:
