| Library / Tipiṭaka / ತಿಪಿಟಕ • Tipiṭaka / ಮಹಾವಗ್ಗಪಾಳಿ • Mahāvaggapāḷi |
೨೩೩. ತಸ್ಸುದ್ದಾನಂ
233. Tassuddānaṃ
ರಾಜಗಹಕೋ ನೇಗಮೋ, ದಿಸ್ವಾ ವೇಸಾಲಿಯಂ ಗಣಿಂ।
Rājagahako negamo, disvā vesāliyaṃ gaṇiṃ;
ಪುನ ರಾಜಗಹಂ ಗನ್ತ್ವಾ, ರಞ್ಞೋ ತಂ ಪಟಿವೇದಯಿ॥
Puna rājagahaṃ gantvā, rañño taṃ paṭivedayi.
ಪುತ್ತೋ ಸಾಲವತಿಕಾಯ, ಅಭಯಸ್ಸ ಹಿ ಅತ್ರಜೋ।
Putto sālavatikāya, abhayassa hi atrajo;
ಜೀವತೀತಿ ಕುಮಾರೇನ, ಸಙ್ಖಾತೋ ಜೀವಕೋ ಇತಿ॥
Jīvatīti kumārena, saṅkhāto jīvako iti.
ಸೋ ಹಿ ತಕ್ಕಸೀಲಂ ಗನ್ತ್ವಾ, ಉಗ್ಗಹೇತ್ವಾ ಮಹಾಭಿಸೋ।
So hi takkasīlaṃ gantvā, uggahetvā mahābhiso;
ಸತ್ತವಸ್ಸಿಕಆಬಾಧಂ, ನತ್ಥುಕಮ್ಮೇನ ನಾಸಯಿ॥
Sattavassikaābādhaṃ, natthukammena nāsayi.
ರಞ್ಞೋ ಭಗನ್ದಲಾಬಾಧಂ, ಆಲೇಪೇನ ಅಪಾಕಡ್ಢಿ।
Rañño bhagandalābādhaṃ, ālepena apākaḍḍhi;
ಮಮಞ್ಚ ಇತ್ಥಾಗಾರಞ್ಚ, ಬುದ್ಧಸಙ್ಘಂ ಚುಪಟ್ಠಹಿ॥
Mamañca itthāgārañca, buddhasaṅghaṃ cupaṭṭhahi.
ರಾಜಗಹಕೋ ಚ ಸೇಟ್ಠಿ, ಅನ್ತಗಣ್ಠಿ ತಿಕಿಚ್ಛಿತಂ।
Rājagahako ca seṭṭhi, antagaṇṭhi tikicchitaṃ;
ಪಜ್ಜೋತಸ್ಸ ಮಹಾರೋಗಂ, ಘತಪಾನೇನ ನಾಸಯಿ॥
Pajjotassa mahārogaṃ, ghatapānena nāsayi.
ಅಧಿಕಾರಞ್ಚ ಸಿವೇಯ್ಯಂ, ಅಭಿಸನ್ನಂ ಸಿನೇಹತಿ।
Adhikārañca siveyyaṃ, abhisannaṃ sinehati;
ತೀಹಿ ಉಪ್ಪಲಹತ್ಥೇಹಿ, ಸಮತ್ತಿಂಸವಿರೇಚನಂ॥
Tīhi uppalahatthehi, samattiṃsavirecanaṃ.
ಪಕತತ್ತಂ ವರಂ ಯಾಚಿ, ಸಿವೇಯ್ಯಞ್ಚ ಪಟಿಗ್ಗಹಿ।
Pakatattaṃ varaṃ yāci, siveyyañca paṭiggahi;
ಚೀವರಞ್ಚ ಗಿಹಿದಾನಂ, ಅನುಞ್ಞಾಸಿ ತಥಾಗತೋ॥
Cīvarañca gihidānaṃ, anuññāsi tathāgato.
ರಾಜಗಹೇ ಜನಪದೇ ಬಹುಂ, ಉಪ್ಪಜ್ಜಿ ಚೀವರಂ।
Rājagahe janapade bahuṃ, uppajji cīvaraṃ;
ಪಾವಾರೋ ಕೋಸಿಯಞ್ಚೇವ, ಕೋಜವೋ ಅಡ್ಢಕಾಸಿಕಂ॥
Pāvāro kosiyañceva, kojavo aḍḍhakāsikaṃ.
ಉಚ್ಚಾವಚಾ ಚ ಸನ್ತುಟ್ಠಿ, ನಾಗಮೇಸಾಗಮೇಸುಂ ಚ।
Uccāvacā ca santuṭṭhi, nāgamesāgamesuṃ ca;
ಪಠಮಂ ಪಚ್ಛಾ ಸದಿಸಾ, ಕತಿಕಾ ಚ ಪಟಿಹರುಂ॥
Paṭhamaṃ pacchā sadisā, katikā ca paṭiharuṃ.
ಭಣ್ಡಾಗಾರಂ ಅಗುತ್ತಞ್ಚ, ವುಟ್ಠಾಪೇನ್ತಿ ತಥೇವ ಚ।
Bhaṇḍāgāraṃ aguttañca, vuṭṭhāpenti tatheva ca;
ಉಸ್ಸನ್ನಂ ಕೋಲಾಹಲಞ್ಚ, ಕಥಂ ಭಾಜೇ ಕಥಂ ದದೇ॥
Ussannaṃ kolāhalañca, kathaṃ bhāje kathaṃ dade.
ಸಕಾತಿರೇಕಭಾಗೇನ, ಪಟಿವೀಸೋ ಕಥಂ ದದೇ।
Sakātirekabhāgena, paṭivīso kathaṃ dade;
ಆರೋಪೇನ್ತಾ ಭಾಜನಞ್ಚ, ಪಾತಿಯಾ ಚ ಛಮಾಯ ಚ।
Āropentā bhājanañca, pātiyā ca chamāya ca;
ಉಪಚಿಕಾಮಜ್ಝೇ ಜೀರನ್ತಿ, ಏಕತೋ ಪತ್ಥಿನ್ನೇನ ಚ॥
Upacikāmajjhe jīranti, ekato patthinnena ca.
ಫರುಸಾಚ್ಛಿನ್ನಚ್ಛಿಬನ್ಧಾ , ಅದ್ದಸಾಸಿ ಉಬ್ಭಣ್ಡಿತೇ।
Pharusācchinnacchibandhā , addasāsi ubbhaṇḍite;
ವೀಮಂಸಿತ್ವಾ ಸಕ್ಯಮುನಿ, ಅನುಞ್ಞಾಸಿ ತಿಚೀವರಂ॥
Vīmaṃsitvā sakyamuni, anuññāsi ticīvaraṃ.
ಅಞ್ಞೇನ ಅತಿರೇಕೇನ, ಉಪ್ಪಜ್ಜಿ ಛಿದ್ದಮೇವ ಚ।
Aññena atirekena, uppajji chiddameva ca;
ಚಾತುದ್ದೀಪೋ ವರಂ ಯಾಚಿ, ದಾತುಂ ವಸ್ಸಿಕಸಾಟಿಕಂ॥
Cātuddīpo varaṃ yāci, dātuṃ vassikasāṭikaṃ.
ಆಗನ್ತುಗಮಿಗಿಲಾನಂ, ಉಪಟ್ಠಾಕಞ್ಚ ಭೇಸಜ್ಜಂ।
Āgantugamigilānaṃ, upaṭṭhākañca bhesajjaṃ;
ಧುವಂ ಉದಕಸಾಟಿಞ್ಚ, ಪಣೀತಂ ಅತಿಖುದ್ದಕಂ॥
Dhuvaṃ udakasāṭiñca, paṇītaṃ atikhuddakaṃ.
ಥುಲ್ಲಕಚ್ಛುಮುಖಂ ಖೋಮಂ, ಪರಿಪುಣ್ಣಂ ಅಧಿಟ್ಠಾನಂ।
Thullakacchumukhaṃ khomaṃ, paripuṇṇaṃ adhiṭṭhānaṃ;
ಪಚ್ಛಿಮಂ ಕತೋ ಗರುಕೋ, ವಿಕಣ್ಣೋ ಸುತ್ತಮೋಕಿರಿ॥
Pacchimaṃ kato garuko, vikaṇṇo suttamokiri.
ಲುಜ್ಜನ್ತಿ ನಪ್ಪಹೋನ್ತಿ, ಚ ಅನ್ವಾಧಿಕಂ ಬಹೂನಿ ಚ।
Lujjanti nappahonti, ca anvādhikaṃ bahūni ca;
ಅನ್ಧವನೇ ಅಸ್ಸತಿಯಾ, ಏಕೋ ವಸ್ಸಂ ಉತುಮ್ಹಿ ಚ॥
Andhavane assatiyā, eko vassaṃ utumhi ca.
ದ್ವೇ ಭಾತುಕಾ ರಾಜಗಹೇ, ಉಪನನ್ದೋ ಪುನ ದ್ವಿಸು।
Dve bhātukā rājagahe, upanando puna dvisu;
ನಗ್ಗಾ ಕುಸಾ ವಾಕಚೀರಂ, ಫಲಕೋ ಕೇಸಕಮ್ಬಲಂ।
Naggā kusā vākacīraṃ, phalako kesakambalaṃ;
ವಾಳಉಲೂಕಪಕ್ಖಞ್ಚ, ಅಜಿನಂ ಅಕ್ಕನಾಳಕಂ॥
Vāḷaulūkapakkhañca, ajinaṃ akkanāḷakaṃ.
ಪೋತ್ಥಕಂ ನೀಲಪೀತಞ್ಚ, ಲೋಹಿತಂ ಮಞ್ಜಿಟ್ಠೇನ ಚ।
Potthakaṃ nīlapītañca, lohitaṃ mañjiṭṭhena ca;
ಕಣ್ಹಾ ಮಹಾರಙ್ಗನಾಮ, ಅಚ್ಛಿನ್ನದಸಿಕಾ ತಥಾ॥
Kaṇhā mahāraṅganāma, acchinnadasikā tathā.
ದೀಘಪುಪ್ಫಫಣದಸಾ , ಕಞ್ಚುತಿರೀಟವೇಠನಂ।
Dīghapupphaphaṇadasā , kañcutirīṭaveṭhanaṃ;
ಅನುಪ್ಪನ್ನೇ ಪಕ್ಕಮತಿ, ಸಙ್ಘೋ ಭಿಜ್ಜತಿ ತಾವದೇ॥
Anuppanne pakkamati, saṅgho bhijjati tāvade.
ಪಕ್ಖೇ ದದನ್ತಿ ಸಙ್ಘಸ್ಸ, ಆಯಸ್ಮಾ ರೇವತೋ ಪಹಿ।
Pakkhe dadanti saṅghassa, āyasmā revato pahi;
ವಿಸ್ಸಾಸಗಾಹಾಧಿಟ್ಠಾತಿ, ಅಟ್ಠ ಚೀವರಮಾತಿಕಾತಿ॥
Vissāsagāhādhiṭṭhāti, aṭṭha cīvaramātikāti.
ಇಮಮ್ಹಿ ಖನ್ಧಕೇ ವತ್ಥೂ ಛನ್ನವುತಿ।
Imamhi khandhake vatthū channavuti.
ಚೀವರಕ್ಖನ್ಧಕೋ ನಿಟ್ಠಿತೋ।
Cīvarakkhandhako niṭṭhito.
Footnotes:
