| Library / Tipiṭaka / ತಿಪಿಟಕ • Tipiṭaka / ಮಹಾವಗ್ಗಪಾಳಿ • Mahāvaggapāḷi |
೬೭. ತಸ್ಸುದ್ದಾನಂ
67. Tassuddānaṃ
೧೩೧.
131.
ವಿನಯಮ್ಹಿ ಮಹತ್ಥೇಸು, ಪೇಸಲಾನಂ ಸುಖಾವಹೇ।
Vinayamhi mahatthesu, pesalānaṃ sukhāvahe;
ನಿಗ್ಗಹಾನಞ್ಚ ಪಾಪಿಚ್ಛೇ, ಲಜ್ಜೀನಂ ಪಗ್ಗಹೇಸು ಚ॥
Niggahānañca pāpicche, lajjīnaṃ paggahesu ca.
ಸಾಸನಾಧಾರಣೇ ಚೇವ, ಸಬ್ಬಞ್ಞುಜಿನಗೋಚರೇ।
Sāsanādhāraṇe ceva, sabbaññujinagocare;
ಅನಞ್ಞವಿಸಯೇ ಖೇಮೇ, ಸುಪಞ್ಞತ್ತೇ ಅಸಂಸಯೇ॥
Anaññavisaye kheme, supaññatte asaṃsaye.
ಖನ್ಧಕೇ ವಿನಯೇ ಚೇವ, ಪರಿವಾರೇ ಚ ಮಾತಿಕೇ।
Khandhake vinaye ceva, parivāre ca mātike;
ಯಥಾತ್ಥಕಾರೀ ಕುಸಲೋ, ಪಟಿಪಜ್ಜತಿ ಯೋನಿಸೋ॥
Yathātthakārī kusalo, paṭipajjati yoniso.
ಯೋ ಗವಂ ನ ವಿಜಾನಾತಿ, ನ ಸೋ ರಕ್ಖತಿ ಗೋಗಣಂ।
Yo gavaṃ na vijānāti, na so rakkhati gogaṇaṃ;
ಏವಂ ಸೀಲಂ ಅಜಾನನ್ತೋ, ಕಿಂ ಸೋ ರಕ್ಖೇಯ್ಯ ಸಂವರಂ॥
Evaṃ sīlaṃ ajānanto, kiṃ so rakkheyya saṃvaraṃ.
ಪಮುಟ್ಠಮ್ಹಿ ಚ ಸುತ್ತನ್ತೇ, ಅಭಿಧಮ್ಮೇ ಚ ತಾವದೇ।
Pamuṭṭhamhi ca suttante, abhidhamme ca tāvade;
ವಿನಯೇ ಅವಿನಟ್ಠಮ್ಹಿ, ಪುನ ತಿಟ್ಠತಿ ಸಾಸನಂ॥
Vinaye avinaṭṭhamhi, puna tiṭṭhati sāsanaṃ.
ಪವಕ್ಖಾಮಿ ಯಥಾಞಾಯಂ, ಸುಣಾಥ ಮಮ ಭಾಸತೋ॥
Pavakkhāmi yathāñāyaṃ, suṇātha mama bhāsato.
ವತ್ಥು ನಿದಾನಂ ಆಪತ್ತಿ, ನಯಾ ಪೇಯ್ಯಾಲಮೇವ ಚ।
Vatthu nidānaṃ āpatti, nayā peyyālameva ca;
ದುಕ್ಕರಂ ತಂ ಅಸೇಸೇತುಂ, ನಯತೋ ತಂ ವಿಜಾನಥಾತಿ॥
Dukkaraṃ taṃ asesetuṃ, nayato taṃ vijānathāti.
ಬೋಧಿ ರಾಜಾಯತನಞ್ಚ, ಅಜಪಾಲೋ ಸಹಮ್ಪತಿ।
Bodhi rājāyatanañca, ajapālo sahampati;
ಬ್ರಹ್ಮಾ ಆಳಾರೋ ಉದಕೋ, ಭಿಕ್ಖು ಚ ಉಪಕೋ ಇಸಿ॥
Brahmā āḷāro udako, bhikkhu ca upako isi.
ಕೋಣ್ಡಞ್ಞೋ ವಪ್ಪೋ ಭದ್ದಿಯೋ, ಮಹಾನಾಮೋ ಚ ಅಸ್ಸಜಿ।
Koṇḍañño vappo bhaddiyo, mahānāmo ca assaji;
ಯಸೋ ಚತ್ತಾರೋ ಪಞ್ಞಾಸ, ಸಬ್ಬೇ ಪೇಸೇಸಿ ಸೋ ದಿಸಾ॥
Yaso cattāro paññāsa, sabbe pesesi so disā.
ವತ್ಥು ಮಾರೇಹಿ ತಿಂಸಾ ಚ, ಉರುವೇಲಂ ತಯೋ ಜಟೀ।
Vatthu mārehi tiṃsā ca, uruvelaṃ tayo jaṭī;
ಅಗ್ಯಾಗಾರಂ ಮಹಾರಾಜಾ, ಸಕ್ಕೋ ಬ್ರಹ್ಮಾ ಚ ಕೇವಲಾ॥
Agyāgāraṃ mahārājā, sakko brahmā ca kevalā.
ಪಂಸುಕೂಲಂ ಪೋಕ್ಖರಣೀ, ಸಿಲಾ ಚ ಕಕುಧೋ ಸಿಲಾ।
Paṃsukūlaṃ pokkharaṇī, silā ca kakudho silā;
ಜಮ್ಬು ಅಮ್ಬೋ ಚ ಆಮಲೋ, ಪಾರಿಪುಪ್ಫಞ್ಚ ಆಹರಿ॥
Jambu ambo ca āmalo, pāripupphañca āhari.
ಫಾಲಿಯನ್ತು ಉಜ್ಜಲನ್ತು, ವಿಜ್ಝಾಯನ್ತು ಚ ಕಸ್ಸಪ।
Phāliyantu ujjalantu, vijjhāyantu ca kassapa;
ನಿಮುಜ್ಜನ್ತಿ ಮುಖೀ ಮೇಘೋ, ಗಯಾ ಲಟ್ಠಿ ಚ ಮಾಗಧೋ॥
Nimujjanti mukhī megho, gayā laṭṭhi ca māgadho.
ಉಪತಿಸ್ಸೋ ಕೋಲಿತೋ ಚ, ಅಭಿಞ್ಞಾತಾ ಚ ಪಬ್ಬಜುಂ।
Upatisso kolito ca, abhiññātā ca pabbajuṃ;
ದುನ್ನಿವತ್ಥಾ ಪಣಾಮನಾ, ಕಿಸೋ ಲೂಖೋ ಚ ಬ್ರಾಹ್ಮಣೋ॥
Dunnivatthā paṇāmanā, kiso lūkho ca brāhmaṇo.
ಅನಾಚಾರಂ ಆಚರತಿ, ಉದರಂ ಮಾಣವೋ ಗಣೋ।
Anācāraṃ ācarati, udaraṃ māṇavo gaṇo;
ವಸ್ಸಂ ಬಾಲೇಹಿ ಪಕ್ಕನ್ತೋ, ದಸ ವಸ್ಸಾನಿ ನಿಸ್ಸಯೋ॥
Vassaṃ bālehi pakkanto, dasa vassāni nissayo.
ನ ವತ್ತನ್ತಿ ಪಣಾಮೇತುಂ, ಬಾಲಾ ಪಸ್ಸದ್ಧಿ ಪಞ್ಚ ಛ।
Na vattanti paṇāmetuṃ, bālā passaddhi pañca cha;
ಯೋ ಸೋ ಅಞ್ಞೋ ಚ ನಗ್ಗೋ ಚ, ಅಚ್ಛಿನ್ನಜಟಿಲಸಾಕಿಯೋ॥
Yo so añño ca naggo ca, acchinnajaṭilasākiyo.
ಮಾಗಧೋ ಚ ಅನುಞ್ಞಾಸಿ, ಕಾರಾ ಲಿಖಿ ಕಸಾಹತೋ॥
Māgadho ca anuññāsi, kārā likhi kasāhato.
ಲಕ್ಖಣಾ ಇಣಾ ದಾಸೋ ಚ, ಭಣ್ಡುಕೋ ಉಪಾಲಿ ಅಹಿ।
Lakkhaṇā iṇā dāso ca, bhaṇḍuko upāli ahi;
ಸದ್ಧಂ ಕುಲಂ ಕಣ್ಟಕೋ ಚ, ಆಹುನ್ದರಿಕಮೇವ ಚ॥
Saddhaṃ kulaṃ kaṇṭako ca, āhundarikameva ca.
ವತ್ಥುಮ್ಹಿ ದಾರಕೋ ಸಿಕ್ಖಾ, ವಿಹರನ್ತಿ ಚ ಕಿಂ ನು ಖೋ।
Vatthumhi dārako sikkhā, viharanti ca kiṃ nu kho;
ಸಬ್ಬಂ ಮುಖಂ ಉಪಜ್ಝಾಯೇ, ಅಪಲಾಳನ ಕಣ್ಟಕೋ॥
Sabbaṃ mukhaṃ upajjhāye, apalāḷana kaṇṭako.
ಪಣ್ಡಕೋ ಥೇಯ್ಯಪಕ್ಕನ್ತೋ, ಅಹಿ ಚ ಮಾತರೀ ಪಿತಾ।
Paṇḍako theyyapakkanto, ahi ca mātarī pitā;
ಅರಹನ್ತಭಿಕ್ಖುನೀಭೇದಾ, ರುಹಿರೇನ ಚ ಬ್ಯಞ್ಜನಂ॥
Arahantabhikkhunībhedā, ruhirena ca byañjanaṃ.
ಅನುಪಜ್ಝಾಯಸಙ್ಘೇನ, ಗಣಪಣ್ಡಕಪತ್ತಕೋ।
Anupajjhāyasaṅghena, gaṇapaṇḍakapattako;
ಅಚೀವರಂ ತದುಭಯಂ, ಯಾಚಿತೇನಪಿ ಯೇ ತಯೋ॥
Acīvaraṃ tadubhayaṃ, yācitenapi ye tayo.
ಹತ್ಥಾ ಪಾದಾ ಹತ್ಥಪಾದಾ, ಕಣ್ಣಾ ನಾಸಾ ತದೂಭಯಂ।
Hatthā pādā hatthapādā, kaṇṇā nāsā tadūbhayaṃ;
ಅಙ್ಗುಲಿಅಳಕಣ್ಡರಂ, ಫಣಂ ಖುಜ್ಜಞ್ಚ ವಾಮನಂ॥
Aṅguliaḷakaṇḍaraṃ, phaṇaṃ khujjañca vāmanaṃ.
ಗಲಗಣ್ಡೀ ಲಕ್ಖಣಾ ಚೇವ, ಕಸಾ ಲಿಖಿತಸೀಪದೀ।
Galagaṇḍī lakkhaṇā ceva, kasā likhitasīpadī;
ಪಾಪಪರಿಸದೂಸೀ ಚ, ಕಾಣಂ ಕುಣಿ ತಥೇವ ಚ॥
Pāpaparisadūsī ca, kāṇaṃ kuṇi tatheva ca.
ಖಞ್ಜಂ ಪಕ್ಖಹತಞ್ಚೇವ, ಸಚ್ಛಿನ್ನಇರಿಯಾಪಥಂ।
Khañjaṃ pakkhahatañceva, sacchinnairiyāpathaṃ;
ಜರಾನ್ಧಮೂಗಬಧಿರಂ, ಅನ್ಧಮೂಗಞ್ಚ ಯಂ ತಹಿಂ॥
Jarāndhamūgabadhiraṃ, andhamūgañca yaṃ tahiṃ.
ಅನ್ಧಬಧಿರಂ ಯಂ ವುತ್ತಂ, ಮೂಗಬಧಿರಮೇವ ಚ।
Andhabadhiraṃ yaṃ vuttaṃ, mūgabadhirameva ca;
ಅನ್ಧಮೂಗಬಧಿರಞ್ಚ, ಅಲಜ್ಜೀನಞ್ಚ ನಿಸ್ಸಯಂ॥
Andhamūgabadhirañca, alajjīnañca nissayaṃ.
ಆಗಚ್ಛತು ವಿವದನ್ತಿ, ಏಕುಪಜ್ಝಾಯೇನ ಕಸ್ಸಪೋ॥
Āgacchatu vivadanti, ekupajjhāyena kassapo.
ದಿಸ್ಸನ್ತಿ ಉಪಸಮ್ಪನ್ನಾ, ಆಬಾಧೇಹಿ ಚ ಪೀಳಿತಾ।
Dissanti upasampannā, ābādhehi ca pīḷitā;
ಅನನುಸಿಟ್ಠಾ ವಿತ್ಥೇನ್ತಿ, ತತ್ಥೇವ ಅನುಸಾಸನಾ॥
Ananusiṭṭhā vitthenti, tattheva anusāsanā.
ಸಙ್ಘೇಪಿ ಚ ಅಥೋ ಬಾಲಾ, ಅಸಮ್ಮತಾ ಚ ಏಕತೋ।
Saṅghepi ca atho bālā, asammatā ca ekato;
ಉಲ್ಲುಮ್ಪತುಪಸಮ್ಪದಾ, ನಿಸ್ಸಯೋ ಏಕಕೋ ತಯೋತಿ॥
Ullumpatupasampadā, nissayo ekako tayoti.
ಇಮಮ್ಹಿ ಖನ್ಧಕೇ ವತ್ಥೂನಿ ಏಕಸತಞ್ಚ ದ್ವಾಸತ್ತತಿ।
Imamhi khandhake vatthūni ekasatañca dvāsattati.
ಮಹಾಖನ್ಧಕೋ ನಿಟ್ಠಿತೋ।
Mahākhandhako niṭṭhito.
Footnotes:
Related texts:
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಿಮತಿವಿನೋದನೀ-ಟೀಕಾ • Vimativinodanī-ṭīkā / ಚತ್ತಾರೋನಿಸ್ಸಯಾದಿಕಥಾವಣ್ಣನಾ • Cattāronissayādikathāvaṇṇanā
